Kronikat ....

PearL · Titulli: Re: Kronikat .... Tue Nov 20, 2007 7:28 pm

--------------------------------------------------------------------------------

10:54:00
FIER. Bojaxhiu vjedh 48 mijë euro ne banesen e klientit Arrestohet 26 vjeçari Albert Koni nga Marinza. Ishte punësuar si bojaxhi në familjen Hoxha në Marinëz të Fierit, ku do të lyente vilën e re të sapopërfunduar, por ka rënë në pranga, pas vjedhjes së 48 mijë eurove që i zoti i mbante në banesë. Ngjarja ka ndodhur pak kohë më parë, por është bërë publike vetëm dje, pas vënies në pranga të hajdutit. Sipas burimeve zyrtare të policisë së Fierit, shtetasi Albert Koni, 26-vjeç, është arrestuar me akuzën e vjedhjes së shumës së eurove dhe 300 mijë lekëve, në banesën e Viktor Hoxhës nga Marinëza. Hetimet nisën pas denoncimit të bërë në polici nga vetë i zoti, i cili konstatoi me vonesë mungesën e parave në shtëpi. Paratë, sipas policisë, që i referohet dëshmisë së të zotit, ishin frut i një pune shumëvjeçare në emigracion të tij dhe pjesëtarëve të tjerë të familjes.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Nov 20, 2007 7:29 pm

Zjarr në makinën e oficerit, digjen edhe dy mjete të tjera

TIRANË- Shpërthen në Tiranë makina e oficerit të antiterrorit të Drejtorisë së Policisë së Shkodrës, Ergus Lala. Ngjarja ka ndodhur ndodhur në orët e para të mëngjesit të djeshëm në zonën e quajtur "Komuna e Parisit" në kryeqytet. Rreth orës 02 e 20 të mëngjesit, një shpërthim i fuqishëm ka alarmuar banorës e zonës dhe më pas flakët kanë përfshirë jo vetëm makinën tip Benz me targa të huaja N 818 TVK, por edhe dy makina të tjera qëkanë qenë të parkuaranë anë të rrugës. Përveç makinës së oficerit, janë shkatërruarkrejtësishtdhemjeti tip "Audi" me targë 6086 G, mjeti "Foristradë" me targë TR 2570 E. Menjëherë në vendngjaraje kanë shkuar forca të shumta të policisë së komisariatit nr.2, kugjatëhetimeve paraprake kanë dyshuar për vendosje të qëllimshme të zjarrit të automjeteve. Fakti qëfillimisht zjarri ka përfshirëmakinën e oficerit Ergys Lalaka bërë që grupi i hetimit të dyshojëse ngjarja kishte lidhje me detyrën e oficerit të antiterrorit. Vetëm në orët e pasdites polica e kryeqytetit ka deklaruar se ngjarja ka qenë krejt aksidentale. Sipas burimeve të policisë duhet të ketë qenënjë defekt në baterinë eBenzit që ka shkaktuar shpërthimin dhe më pas përfshirjen ngaflakët të tre automjeteve. Gjithsesi, materialethetimore i kanë kaluar për hetim të mëtejshëmprokurorisë së Tiranës, ndërsa oficeri i antiterrorit nuk pranon të flasë rreth kësaj ngjarjeje.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Nov 20, 2007 7:30 pm

Tenton të përdhunojë 16- vjeçaren, arrestohet

LUSHNJE- Tenton të përdhunojë një minorene por përfundon pas hekurave të burgut. Ngjarja ka ndodhur dy ditë më parë në fshatin Çermë të Lushnjes dhe dje policia ka kryer arrestimin e 19- vjeçarit. Burimet e policisë pohuan se 19- vjecari Fatjon Sina, banues në fshatin Çermë- Shkumbin është arrestuar për veprën penale të marrëdhënieve seksuale me dhunë me të mitura e mbetur në tentativë. Sipas denoncimit të bërë nga vajza dhe prindërit e saj, autori pasi ka ruajtur momentin që vajza nuk ka pasur njëri në shtëpi gjatë orëve të mbrëmjës ka hyrë brenda me qëllimin e vetëm që ta përdhunonte. Por nuk ia ka arritur qëllimit pasi 16 vjeçarja me inicialet A. H ka nisur të bërtasë me të madhe duke shpëtuar kështu veten nga një përdhunim i mundshëm. Të nesërmenajo ka shkuar në polici së bashku me priondërit dhe ka treguar gjithçka ka ndodhur.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Nov 24, 2007 3:04 pm

Bie nga tarraca e pallatit, vdes 32-vjeçarja / 24 nentor 2007

Majlinda Ponde, nënë e dy fëmijëve, humbi jetën pasi ra nga pallati 5-katësh ku banonte

Gruaja kishte humbur çelësat dhe ra teksa tentonte të hynte në ballkon nga tarraca. Babai: S'e ndihmova dot

GJIROKASTËR-Tentativa për të hyrë në shtëpi, duke u kacavjerrë përmes tarracës i ka kushtuar jetën një 32-vjeçarjeje nga Gjirokastra. Ngjarja e rëndë ndodhi pasditen e djeshme në qytetin e gurtë, ndërkohë që viktima e aventurës së rrezikshme është Majlinda Ponde. Pas marrjes së dëshmive nga familjaret dhe të dëshmitarëve që kanë parë skenën e tmerrshme, grupi i ekspertëve që punon për këtë ngjarja ka arritur në përfundimin se vdekja ka qenë aksidentale.

Gruaja, nënë e dy fëmijëve, është kthyer nga puna për në banesën e saj, në lagjen "Puntore" të Gjirokastrës. Sipas dëshmitarëve që janë gjendur krejt rastësisht në vendin e ngjarjes ora shënonte 16.35 minuta, kur gruaja është shfaqur në tarracën e pallatit ku banonte. Majlinda, sipas fqinjëve, banonte në katin e pestë të pallatit 5-katësh dhe ishte nënë e dy fëmijëve. Gruaja, mësohet se kishte humbur çelësat e shtëpisë dhe për këtë është kujtuar kur ka mbërritur në afërsi të hyrjes. Duke mos menduar tjetër zgjidhje më të shpejtë për të hyrë në apartament, nuk e ka bërë të gjatë dhe i është ngjitur tarracës. Një gjetje më shumë se e guximshme, por duket se gruaja ka menduar t'ia hedhë fare lehtë. Me sy të lirë, e ka menduar të arritshme, që të hynte në ballkonin e apartamentit, duke përdorur tarracën. Kështu, pasi është ngjitur në tarracë, sipër katit të pestë është munduar të zvarritet poshtë, për të hyrë në ballkon. Për fatin e saj të keq, gjërat nuk shkuan si i kishte menduar. Ka qenë një moment, kur është gjetur gati në rënie dhe ka kërkuar ndihmë. Për disa çaste është mbajtur në kabllot që gjendeshin në këtë anë të tarracës, por kjo nuk ka zgjatur shumë. Pesha e trupit e ka tërhequr poshtë, ndërkohë që duart nuk po mundnin ta mbanin të varur. Gjithçka ka ndodhur sa hap e mbyll sytë dhe 32-vjeçarja nuk ka mundur dot të presë të tjerët që t'i vinin në ndihmë dhe kështu ka përfunduar poshtë nga një lartësi e konsiderueshme. Dëshmitarët kanë përjetuar momente tmerri kur kanë parë gruan të binte poshtë dhe kanë konstatuar se fill pas rënies ajo nuk kishte më shenja jete.

Dëshmitar i ngjarjes së rëndë ka qenë babai i 32-vjeçares si dhe shumë fqinjë të gruas. Sipas burimeve zyrtare të policisë dhe dëshmisë që babai i Pondes dha për policinë, vajza e tij nuk ka pasur asnjë arsye që t'i jepte fund jetës. Ai ka treguar se ishte menjëherë pas saj dhe ka parë me sytë e tij gjithçka, pasi ishte duke i shkuar së bijës për vizitë. Madje ka tentuar t'i vijë në ndihmë, por ka qenë e pamundur pasi situata rrodhi shumë shpejt. Të njëjtën gjë kanë dëshmuar edhe të njohurit e gruas së re, që la jetimë dy fëmijë. E njoftuar për ngjarjen, policia dhe grupi i ekspertëve mbërriti me shpejtësi në lagjen "Puntore" dhe nisi hetimet si dhe bëri ekspertizën e rastit. "Nga veprimet e para hetimore si dhe nga dëshmitë e marra në vendngjarje nga babai i saj, i cili po shkonte tek e bija dhe e ka parë të gjithë ngjarjen si dhe të komshinjve që e kanë parë këtë ngjarje, rezulton se vdekja është aksidentale",- ka bërë të ditur zëdhënësi i policisë, Gentian Mullai. Sipas tij, i ati i vajzës është përpjetur t'i japë ndihmë, në momentin që ajo rrëshqiti dhe mundi të mbahej për disa sekonda në një kabëll të tarracës, por s'ka mundur dot ta shpëtojë, pasi e ndjera nuk rezistoi dot dhe ra. "Kjo shtetase kishte humbur çelësin e shtëpisë dhe është përpjekur të zbresë nga tarraca, pasi shtëpinë e ka në katin e fundit. Nuk ka mundur dot pasi ka rrëshqitur dhe për pasojë ka rënë në oborrin e këtij pallati, duke humbur jetën menjëherë", - sqaroi ai. Trupi i pajetë është përcjellë menjëherë drejt morgut.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Nov 24, 2007 3:05 pm

Zjarr në maternitetin e Elbasanit, evakuohen nënat dhe fëmijët
24 nentor 2007

Panik në spitalin gjinekologjik. Evakuohen rreth 60 paciente së bashku me bebet e sapolindura
Elbasan-Një zjarr i rënë në katin e parë të godinës së spitalit obstetrik-gjinekologjik në Elbasan ka vënë në rrezik nënat dhe foshnjat e porsalindura. Zjarri është regjistruar dje rreth orës 16.00 në një nga dhomat e katit të parë, ku edhe kalonte një kabëll i energjisë elektrike. Tymi ka përfshirë të gjithë katet dhe ka vënë në alarm personelin mjekësor. Menjëherë kanë mbërritur në vendin e zjarrit dy automjete të zjarrfikësve, duke ndërhyrëpër izolimin dhe shuarjen e tij.

Evakuimi

Për të shmangur të papriturat është bërë evakuimi i nënave dhe foshnjave nga kati i parë. Për këtë në ndihmë ka ardhur edhe policia. Ndërsa zjarrfikësit po përpiqeshin të shuanin zjarrin, janë zbritur me shpejtësi rreth 60 paciente dhe janë sistemuar në pavijonet e spitalit kirurgjik, lokale dhe godina përreth maternitetit. Situata për rreth 30 minuta ka vënë në alarm të gjithë spitalin për shkak të rrezikut të përhapjes së zjarrit dhe tymit që pothuajse kishte përfshirë të gjithë godinën. Përpjekjet e zjarrfikësve kanë bërë që brenda një kohe të shkurtër zjarri të izolohet dhe situata të normalizohet disi. Margarita Kogunja tregon e frikësuar se kanë ndjerë erën e tymit fillimisht dhe më pas infermierët i kanë thënë të zbresin pasi mund të kishte probleme me zjarrin. " Ne filluam të dalim një e nga një edhe pse ende nuk mund të lëviznim të paktën disa prej nesh. Frika e zjarrit mund të rrezikonte sidomos fëmijët dhe infermierët kanë nxjerrë përpara foshnjat duke i dërguar në pavijonin e kirurgjisë"- tregon ajo. Ndërtesa 3 -katëshe, sipas saj, nuk ka shkallë sigurie dhe për këtë duhet të zbrisnin të gjithë nga një palë shkallë. "Ishte shumë e vështirë dhe fatmirësisht që zjarri u fik shpejt pasi në të kundërt ne do të rrezikonim të asfiksoheshim. Situata është përjetuar keq nga të gjithë dhe sidomos nga ne nënat duke parë rrezikun për fëmijët",- thotë ajo.

Shkaku

Sipas të dhënave paraprake nga hetimet, zjarri është shfaqur pas një kontakti të kabëllit elektrik për shkak të ngarkesës dhe që është shpërndarë në rrjet. Dëmet janë vetëm materiale dhe nga ana e specialistëve është punuar për riparimin e linjës së furnizimit me energji elektrike të spitalit. Për gati 30 minuta nënat dhe foshnjat janë përballur me kaosin dhe panikun e zjarrit ndërsa kishin sjellë në jetë ose prisnin të lindnin fëmijën e tyre. Zjarri i rënë në një dhomë të katit të parë të godinës së Maternitetit nxori edhe shumë probleme lidhur me sigurinë e këtij institucioni ku mungojnë shkallët e emergjencës, format e transportit të pacientëve dhe po kështu elementët për ndërhyrjen e parë në shuarjen e zjarrit. Drejtori i spitalit, Arben Parqalloi, u shpreh se menjëherë u morën masa urgjente për të shpëtuar jetën e bebeve dhe nënave të shtruara në spital. Ndërsa shefi i repartit të zjarrfikëseve, Aleks Hodo, pohoi se zjarri u izolua shpejt dhe në kohë rekord u krye edhe evakuimi i spitalit. Në vendngjarje kanë arritur ekspertët dhe një grup hetimor. Nga të dhënat e para rezulton se zjarri është provokuar nga ngarkesa në rrjet si pasojë e vendosjes së ngrohësve nëpër dhoma. Pas fikjes së flakëve, personeli dhe mjekët kanë ajrosur spitalin dhe janë kujdesur për jetën e nënave të shtruara në maternitet.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Nov 24, 2007 3:06 pm

Izolimi i monstrës së Beratit, në dorë në gjykatës / 24 nentor 2007

Fëmija që ka vrarë 47- vjeçaren Sinjari po mbahet përkohësisht në spital. Mangësia ligjore mund t'i rikthejë lirinë
BERAT- Fëmija 13- vjeçar që ka vrarë pak ditë më parë një 47- vjeçare në Berat do të vazhdojë të qëndrojë i izoluar më dhomën birucë të spitalit të qytetit të Beratit deri sa gjykata e apelit të Vlorës të vendosë për fatin e tij. Burime të prokurorisë së Beratit pohuan dje se gjenden përpara një rasti të paprecedentë pasi fëmija nuk mund të burgoset dhe nga ana tjetër mungojnë institucionet përkatëse për mbajtjen dhe izolimin e tij. Në këto kushte policia e Beratit ka gjetur të vetmen zgjidhje duke mbajtur 13- vjeçarin në spital nën mbikëqyrje. Sipas burimeve të organit të akuzës, dosja ndaj fëmijës që vrau dhe pohoi gjithë ngjarjen nga momentii takimit deri në vrasjen e Engjëllushe Sinjarit, ka mbërritur disa ditë më parë në gjykatën e Vlorës.

Do të jetë kjo gjykatë që do të vendosë se çfarë do të bëhet me të miturin. Vendimi i kësaj gjykate do të përcaktojë vendin ku do të qëndrojë 13- vjeçari pas marrjes në shqyrtim të një raporti mjeko- ligjor që është nështruar ndaj tij. Aktualisht 13- vjeçari ndodhet në dhomës e sigurisë pranë spitalit të Beratit. Avokati i përcaktuar përkohësisht, Agron Mahmutaj, është shprehur rreth kësaj ngjarjeje se kemi të bëjmë me një rast të paprecedentë që ka gjetur të papërgatitur organet e drejtësisë. Sipas tij, zgjidhja që ka bërë policia për mbajtjen e fëmijës të izoluar nuk është më e mira, por është e vetmja. Tashmë sipas tij do t'i mbetet kësaj gjykate për të vendosur për fatin e tij. R, H u mor në pyetje në policinë e Beratit një javë më parë për një vrasje të ndodhur dhe pranoi gjithë krimin. Një raport mjekësor e cilësoi atë si një fëmijë me probleme ku në momente të veçanta bëhet tepër i dhunshëm duke kapërcyer caqet e moshës. Pasi ka kaluar vetëm dy ditë në spitalinpsikiatrik në Tiranë, 13- vjeçari u rikthye sërish në Berat pasi mosha e tij nuk lejon qëndrimin në një spital psikiatrie. Në këto kushte fëmija do të vazhdojë të qëndrojë në spitalin e Beratit derisa Gjykata e Vlorës të vendosë për të.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Thu Nov 29, 2007 7:11 pm

Ankimi i Sollakut: kushtetuesja shtyn shqyrtimin
Data e Publikimit: 26/11/2007

Eshte shtyre me 10 dhjetor shqyrtimi i ankimimit te ish-kreut te akuzes, Theodhori Sollaku ne Gjykaten Kushtetuese. Perfaqesuesi ligjor i Prokurorise se Pergjithshme, Artur Selmani ka kerkuar kohe per t‘u njohur me mire me dokumentacionin dhe faktet e ceshtjes, pasi e ka marre me vonese autorizimin per te perfaqesuar Sollakun ne Gjykaten Kushtetuese. Ish-kryeprokurori i ka kerkuar Kushtetueses qe te anuloje vendimin e komisionit hetimor parlamentar II te drejtuar nga Ferdinand Xhaferri si dhe anulimin e vendimit te Kuvendit qe ka miratuar shkarkimin e tij. Sollaku eshte hetuar edhe ne kohen e ish-presidentit Moisiu dhe Kushtetuesja e ka cilesuar antiligjore komisionin e asaj kohe dhe qe nuk u dekretua nga ish-kreu i shtetit, Alfred Moisiu.Por me ardhjen e ish-nenkryetarit demokrat Bamir Topi ne krye te shtetit, epoka e Sollakut mori fund. Presidenti i ri dekretoi kerkesen e Kuvendit per shkarkim te Sollakut dhe dekretoi Ina Ramen ne krye te organit te akuzes. Ish-gjyqtarja Rama mori pelqimin e Kuvendit duke u votuar me 83 vota si kryeprokuroja e pare femer ne Shqiperi. Burime konfidenciale bene te ditur per "Top News" se Kushtetuesja mund te mos e shqyrtoje ankimimin e Sollakut pasi kryeprokurorja e sapozgjedhur, Ina Rama ka te drejte te terheqe kerkesen pasi nuk perben me konflikt mes institucioneve me zgjedhjen e saj ne krye te organit te akuzes. Ish-kryeprokurori Sollaku mund t‘i drejtohet Gjykates Kushtetuese vetem si individ per shkarkim te padrejte nga detyra.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:29 pm

Policia ul ndjeshem trafikun e femijeve dhe te grave

Policia shqiptare ka mundur te ule ndjeshem trafikimin e femrave dhe femijeve. Ndersa vite me pare ky ishte nje nga fenomenet me shqetesuese te policise, viti 2007 ka sjelle rezultate krejt te ndryshme. Keshtu, gjate ketij viti vetem 11 femra jane trafikuar nga vendi yne. Se bashku me to, pre i trafikimit kane rene edhe 2 femije, edhe keto raste te dokumentuara nga policia. Shifrat u bene publike nga zyrtaret e policise gjate nje takimi te kryer dje me shoqata joqeveritare.
Takimi
Ne kete takim merrnin pjese drejtori i Pergjithshem i Policise se Shtetit, kryekomisar Ahmet Prençi, zevendesdrejtori per Hetimin e Krimeve, kryekomisar Agron Kuliçi, zevendesdrejtori per Kufirin dhe Emigracionin, kryekomisar Pellumb Nako, perfaqesues nga Ambasada Amerikane, USAID-i, OSBE-ja, NGO-ja, ICITAP-i, IOM-i, si dhe perfaqesues nga shoqata te ndryshme. Ne takim u diskutua per te vendosur pikat e komunikimit dhe permiresuar bashkepunimin ne te ardhmen. U diskutua qe organizatat te vendosin punonjes te tyre ne te gjitha pikat e kalimit kufitar, ku numri i personave te deportuar eshte i madh, si dhe shtim te numrit te shoqatave qe te nenshkruajne marreveshjen e Mekanizmit Kombetar Referues (MKR). Drejtori i Pergjithshem i Policise, kryekomisar Ahmet Prençi, beri nje permbledhje te shkurter te situates aktuale ne lidhje me bashkepunimin ndermjet Policise se Shtetit dhe shoqatave qe kane si veprimtari ne fushen e trafikimit. “U bene disa vjet qe Policia e Shtetit ka nisur bashkepunimin me aktore, institucione e organizata te ndryshme per çeshtje qe kane te bejne me identifikimin e viktimave te trafikimit, referimit dhe mbrojtjes se tyre. Edhe pse per periudhen ne fjale ky bashkepunim mund te quhet i suksesshem, mendoj se ende ka probleme apo mangesi, eliminimi i te cilave do te na çonte drejt nje bashkepunimi me te mire dhe efikas. Takime te tilla te perbashketa do te na ndihmojne jo vetem per te bere te mundur identifikimin e ketyre mangesive, por ajo qe mendoj si me te rendesishme eshte marrja dhe ndarja e pergjegjesive nga te gjithe aktoret”, - pohoi Prençi.
Rezultatet
Pas drejtorit te Pergjithshem te Policise, fjalen e mori zevendesdrejtori i Departamentit per Hetimin e Krimeve, kryekomisar Agron Kuliçi. “Nese do te flasim me shifra, do te shohim nje reduktim te ketij fenomeni kriminal. Per vitin 2004 kemi evidentuar 66 raste te trafikimit te femrave dhe 17 raste te trafikimit te femijeve. Per vitin 2005 kemi evidentuar 30 raste te trafikimit te femrave dhe 10 raste te trafikimit te femijeve. Per vitin 2006 kemi evidentuar 25 raste te trafikimit te femrave dhe 4 raste te trafikimit te femijeve. Nderkohe qe per vitin 2007 kemi vetem 11 raste te trafikimit te femrave dhe vetem 2 raste te trafikimit te femijeve”, - deklaroj zevendesdrejtori i Departamentit per Hetimin e Krimeve.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:29 pm

Parada ushtarake, bllokohet qarkullimi i mjeteve ne Bulevardin Zogu I

Policia publikon akset qe do te bllokohen per qarkullimin e mjeteve ne kryeqytet, ne kuader te pergatitjeve per Paraden Ushtarake te trupave dhe mjeteve te Forcave te Armatosura, me rastin e "95-vjetorit te Forcave te Armatosura te Shqiperise". Keshtu, duke filluar nga sot, date 30 nentor, deri me 1-2 dhjetor, do te zhvillohet, pergjate te gjithe bulevardit “Deshmoret e Kombit” stervitje dhe demonstrim i Parades Ushtarake, ku do te bllokohet ky segment nga ora 19:30 deri ne oren 24:00.
Nga dita e djeshme e deri me date 1-2 dhjetor nuk do te lejohet parkimi i automjeteve, duke filluar nga ora 19:30 deri me 24:00 ne sheshin ”Nene Tereza”, sheshi “Italia”, perreth Piramides deri ne Kendin e Lojerave ne Rrugen e Elbasanit. Nderkohe qe behet e ditur se, ne diten e zhvillimit te parades ushtarake, me 4 dhjetor, do te ndalohet qarkullimi i automjeteve duke filluar nga ora 10:00 deri me 12:00 ne keto akse rrugore, nga sheshi ”Nene Tereza” deri ne Bashkine e Tiranes. Po keshtu, duke filluar nga ora 20:00 e dates 3 dhjetor 2007, do te ndalohet parkimi i automjeteve perpara stadiumit ”Qemal Stafa” dhe Institutit te Larte te Arteve; ne rruge-kalimet e sheshit ”Nene Tereza”, "Italia”, bulevardi "Deshmoret e Kombit”, bulevardi "Zhan’ Dark" nga Piramida deri tek Ura e Lanes, bulevardi "Bajram Curri" deri tek Ura e ish-– hotel “Dajtit”.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:30 pm

Ministri Alibeaj: “Prioritet do te kemi punesimin e te denuarve”

Te denuarit qe do te transferohen ne Burgun e Fushe-Krujes do te kene ambiente te pershtatshme per punesim. Gjate vizites ne kete institucion riedukimi, qe ende nuk i ka hapur dyert per te burgosurit, ministri i Drejtesise, Enkeled Alibeaj, u shpreh se punesimit te te denuarve do t’i jepet prioritet. “Qeveria shqiptare eshte e angazhuar qe te permiresohet trajtimi i te burgosurve, si nje nga parametrat e vleresimit te cilesise se demokracise se nje vendi. Ministria e Drejtesise do ta marre seriozisht kete angazhim”, - deklaroi dje per mediat ministri i Drejtesise, Alibeaj. Ky i fundit, gjate dites se djeshme kreu nje inspektim ne disa prej institucioneve te vuajtjes se denimit me qellim njohjen e drejtperdrejte te disa prej investimeve me te fundit qe jane ne bere ne sistemin e burgjeve ne vend. Ndalesa e pare e ministrit te Drejtesise ishte burgu i sapoperfunduar i Fushe-Krujes, i cili eshte nje investim i kryer me fondet e Bashkimit Europian dhe te qeverise shqiptare. Per ndertimin e ketij burgu eshte akorduar nje fond prej 3.8 milione eurosh dhe kapaciteti i tij eshte llogaritur per 350 te burgosur. Ministri Alibeaj u ndal veçanerisht te disa ambiente, te cilat do te sherbejne si studio profesionale per te denuarit. Ne keto ambiente çdo i denuar do te kete mundesi te marre nje profesion dhe ta ushtroje ate duke i dhene nje tjeter vlere institucionit te vuajtjes se denimit. Disa dite me pare qeveria shqiptare miratoi disa ndryshime ne ligjin per trajtimin e te burgosurve, ne te cilin parashikohet e drejta e tyre per te punuar dhe aftesuar profesionalisht. Ministri i Drejtesise vijoi me tej me viziten ne institucionin e vuajtjes se denimit ne Lezhe dhe ne disa institucione te tjera te sistemit te burgjeve ne vend. Ne kuader te investimeve ne sistemin e burgjeve jane ne perfundim institucionet e vuajtjes se denimit ne Korçe dhe Vlore.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:30 pm

Gjykata le ne burg drejtuesit e autoshkollave

Gjykata e Rrethit Gjyqesor Tirane vleresoi dje masat e sigurise per pese personat qe u arrestuan gjate operacionit te koduar “Fshehja”, me akuzen e “falsifikimit te dokumenteve zyrtare”, duke lene ne qeli, deri ne perfundim te hetimeve, vetem kater prej tyre. Keshtu, togat e zeza vendosen masen e sigurise "arrest me burg" per te pandehurit, Mariglen Zeneli, 25 vjeç, Nevila Zeneli, 33 vjeç, Ruzhdi Fatusha, 57 vjeç, pronar i nje autoshkolle, Gezim Kurti, 51 vjeç, pronar i nje autoshkolle, me banim ne Tirane. Nderkohe, gjykata vleresoi masen “detyrim paraqitje” per te pandehuren tjeter Marinela Zeneli, 25 vjeç.
Operacioni i koduar “Fshehja” u organizua para tri ditesh nga Policia e Tiranes, duke bere te mundur goditjen e nje baze ne kryeqytet, qe sherbente per falsifikimin e dokumenteve. Te arrestuarve te ketij operacioni iu sekuestruan nje sere dokumentesh false si 40 formulare certifikata mjekesie, te gjitha te vulosura dhe te firmosura, por te paplotesuara dhe 20 dosje te shtetasve te ndryshem, te cilet do te aplikonin per provimin me shkrim per pajisje me leje drejtimi te automjeteve. Gjithashtu, iu bllokuan edhe 26 vula te mjekeve specialiste te Spitalit “Nene Tereza” si dhe te poliklinikave te ndryshme ne Tirane, 60 formulare certifikata mjekesie te paplotesuara, 50 vertetime te shkollave te ndryshme te Tiranes, te gjitha te vulosura, te paplotesuara, 50 vertetime te universiteteve te ndryshme ne Tirane, 200 vertetime te kontributeve shoqerore dhe mjekesore, 50 vertetime te Komisariatit te Policise Nr. 2 Tirane, te vulosura te paplotesuara, 100 vertetime te Qytetit Studenti, te vulosura dhe te paplotesuara, 100 vertetime te “Raiffeisen Bank” te paplotesuara etj.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:31 pm

Ndalohet anija turke me flamur bolivian, shiste hekur

VLORE - Policia kufitare e Vlores bllokoi nje anije, e cila prej mese dy javesh qendronte e ankoruar ne port dhe shiste hekur te ardhur nga Turqia. “Anija ‘Bancar’, me flamurin e Bolivise, eshte ankoruar me daten 14 nentor ne Portin e Vlores dhe prej 16 ditesh ekuipazhi i saj ka kryer tregti ne port ne emer te nje firme turke”, - bejne te ditur burimet policore. Sipas tyre, “Bancar” ka shitur nje sasi te konsiderueshme hekuri me lidhje firmave te ndryshme ne qytetin e Vlores. Nga te dhenat ne policine kufitare ne port, anija ka ardhur ne Vlore nga Porti i Durresit, ndersa ishte nisur nga Turqia, me destinacion Portin Dar es Salam, ne Tanzani. Produkti realisht ka qene i regjistruar ne emer te firmes Metal Market Dis Ticaret LTD, firme turke, ndersa kapiteni i anijes, ne bashkepunim me ekuipazhin, e kane tregtuar ate ne Vlore ne emer te nje tjeter kompanie, duke ia shitur ate bizneseve te ndryshme ne qytet. Vetem dje eshte prezantuar ne Portin e Vlores nje nga administratoret e firmes turke Metal Market qe ka denoncuar shitjen e paligjshme. Nga te dhenat e policise mesohet se anija ‘Bancar’ ka bere ndryshimin e destinacionit qe kishte destinacion Tanzanine per llogari te kesaj firme.
Pasi ka regjistruar denoncimin, policia kufitare e Portit te Vlores ka bllokuar anijen dhe ka mbajtur pasaportat e 10 anetareve te ekuipazhit, te cilet jane shtetas egjiptiane dhe nuk do te lejohet nisja e anijes deri ne zbardhjen e ngjarjes.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:32 pm

Vajza gjimnaziste denoncon babain dhunues

LIBRAZHD – Pas ngjarjes se rende qe ndodhi ne Gramsh, nje tjeter rast i dhunshem ne familje ka ndodhur ne Libraazhd, ku vajza ka denoncuar babain e saj. Burime policore pohojne se shtetesja Suada Rrupulli, nxenese e vitit te trete te shkolles se mesme te pergjithshme “Ibrahim Muça” ne qytetin e Librazhdit, eshte paraqitur ne zyrat e policise lokale me shenja dhune. Ajo mesohet se ka denoncuar babain e saj, Latif Rrupullin, 45 vjeç, per keqtrajtim sistematik. Se fundi, ai e ka dhunuar ate shume rende edhe fizikisht duke e bere te padurueshme sjelljen e tij brutale ne familje. Policia menjehere ka bere shoqerimin e tij ne ambientet e komisariatit duke e marre ne pyetje per ngjarjen. Burime policore pohuan se 45-vjeçari e ka mohuar faktin qe ai e keqtrajton te bijen, por eshte shprehur se ai vazhdimisht e keshillon qe ajo te mos perdore duhanin e alkoolin sepse ato jane te demshem per shendetin. Ndersa e bija ka pretenduar se ajo ndihet e dhunuar sistematikisht dhe kjo ia ka bere jeten te merzitshme.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:32 pm

Gjykata le ne qeli babain qe la vajzen e tij shtatzene

ELBASAN – Gjykata la ne qeli babain monster, qe perdhunoi dhe la shtatzene vajzen e tij te mitur. Burimet bejne te ditur se dje eshte zhvilluar seanca per dhenien e mases se sigurise per 42-vjeçarin Ferit Jaupi nga Gramshi, i cili nga marredhenieja seksuale me te bijen e mitur ka nje femije. Prokurori i çeshtjes kerkoi gjate seances caktimin e mases se sigurise “burg pa afat”. Burime zyrtare nga gjykata pohuan se 42-vjeçari e pranoi akuzen dhe ka perseritur kerkesen per te marre denimin maksimal per vepren penale qe ka bere. Ferit Jaupi eshte ndaluar te marten ne mbremje ne banesen e tij, ne fshatin e Gjere ne Gramsh. Prokuroria leshoi nje urdher arresti pas nje viti hetimesh per keqtrajtim dhe perdhunim te vajzes se tij A.J., 15 vjeçe, me te cilen ka nje foshnje.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sat Dec 01, 2007 4:33 pm

“Naftetari” çon ne pranga kryesindikalistin, akuzohet per vjedhjen e 107 milione lekeve

FIER – Pas 8 muaj hetimesh, me ne fund eshte arrestuar kreu i Sindikates se Pavarur te Naftes, i cili akuzohet per abuzime me fondet e organizates ne miliona leke. Burimet zyrtare te policise pohojne se dje ne mesdite, permes operacionit te koduar “Naftetari”, ka rene ne pranga shtetasi Veli Fejzullari, 58 vjeç, lindur ne Skrapar dhe banues ne lagjen e re ne Patos. Ndalimi i presidentit te sindikates eshte bere dje ne mesdite, pas nje urdhri te dale nga Prokuroria e Fierit. “Fejzullari akuzohet per vjedhjen e shumes prej 16 milione lekesh te reja”, - pohojne burimet policore.
Veli Fejzullari mban postin e presidentit te sindikates prej me shume se 12 vitesh. Kjo eshte organizata me e madhe persa i perket numrit te anetaresise. Ai ka qene ne krye te sindikates, e cila ne radhet e saj ka mbi 3000 anetare, por ky numer ka qene mbi 6000 anetare vite me pare. Si rezultat i reformave ne sektorin e naftes dhe shkurtimeve te bera per shkak te reformes, ky numer ka ardhur duke u reduktuar kohet e fundit. Realisht fondet qe disponon kjo sindikate jane te medha si nga kuotizacionet e anetaresise dhe nga pronat qe disponon kjo sindikate, te cilat i ka dhene me qira.
Sipas grupit hetimor, Veli Fejzullari ka shfrytezuar nje vakuum ligjor, duke perdorur vulen qe ai mbante personalisht. Ne fund te vitit 1997 dhe ne fillim te 1998-s ka terhequr nga llogaria bankare e sindikates nje shume prej rreth 107 milione leke te vjetra. Ne ate periudhe, per shkak te konflikteve te shfaqura ne gjirin e sindikates shqiptare ku u shfaq dueli per kreun e saj midis Valer Xhekes dhe ish-sekretarit te Pergjthshem, Fatmir Musaku dhe me pas te Azem Hajdarit qe tentoi per kreun e kesaj sindikate, keto llogari sindikale kane qene te ngrira per disa vjet rresht.
Pasi ka terhequr kete shume, ai eshte justifikuar ne kryesine e kesaj sindikate se do te bente rikonstruksionin e nderteses se sindikates ne qytetin e Patosit, godine qe prej vitesh pretendohej si prone e kesaj organizate. Por, realisht edhe me vendim gjyqesor godina i ka kaluar Bashkise se Patosit fale edhe nje urdhri per mostjetersimin e objekteve kulturore. Realisht, objekt i fillimit te hetimeve ndaj ish-kreut te sindikates kane qene denoncimet e vete anetareve te sindikates dhe te kryesise se kesaj sindikate per abuzimet e presidentit te tyre. Sindikata e pavarur e naftes, e cila disponon shume prona si ne Vlore, Divjake, Sarande etj., i ka tjetersuar duke i dhene keto ambjente me qira 90-vjeçare dhe qiraja e vjele prej tyre eshte shperdoruar ne menyre abuzive po nga Fejzullari.

1 Dhjetor 2007

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "