Kronikat ....

PearL · Titulli: Re: Kronikat .... Tue Jan 15, 2008 6:29 pm

Djegia dhe rrënimi, alarm për shtëpitë monumentale në Gjirokastër
15-01-2008

Drejtoritë: Masa për t'i shpëtuar nga degradimi. Mjete efikase për zjarrfikëset që të hyjnë në rrugicat e ngushta

GJIROKASTËR- Shkrumbimi i banesës 200-vjeçare në qytetin e gurtë një ditë më parë ka vënë në alarm, si banorët, ashtu edhe specialistët e monumenteve për rrezikun me të cilin përballen çdo ditë vlerat e patjetërsueshme. Drejtuesit e Drejtorisë së Monumenteve të Kulturës dhe Zyrës së Administrimit dhe Koordinimit të Qytetit – Muze kanë shprehur shqetësimin e madh dhe kanë kërkuar angazhimin e të gjitha strukturave për shmangien e këtyre situatave, që mund të rezultonin edhe katastrofale.

"Ky rast ngre një problem të madh për të gjitha objektet e tjera monument kulture, të cilat ndodhen pothuajse në të njëjtën gjendje me këtë që u dogj, të braktisura nga pronarët, të degraduara, një pjesë e të cilave pa çati",- thotë drejtori i Monumenteve, Spartak Drrasa. Sipas tij, duhet të bëhet i mundur parandalimi i rasteve të tilla në banesat e pabanuara apo ato që janë në rrezik shembjeje, deri sa të krijohen ato mundësi dhe kapitale, që do të sjellin restaurime të plota. Ndërsa, drejtori i Zyrës së Administrimit dhe Koordinimit të Qytetit – Muze, Rajmond Kola, e ka cilësuar ngjarjen e ndodhur si kambanë alarmi. "Rikthimi vëmendjes nga kjo kambanë alarmi është për të gjitha strukturat që përgjigjen për këtë çështje dhe duhet reagim sa më i shpejtë dhe për masa më të mira në mbrojtjen kundër zjarrit. Do t'i kërkojmë qeverisë dhe autoriteteve përkatëse që të pajisin efektivat zjarrfikës me mjete më të vogla që të mund të depërtojnë në rrugicat e ngushta me kalldrëm e më efikase për raste zjarresh në zonën muzeale, ndërsa i gjithë komuniteti duhet të sensibilizohet për të rritur kujdesin",- ka theksuar ai. Banesa 200-vjeçare, tashmë një gërmadhë prej shumë kohësh, ashtu sikurse shumë shtëpi të tjera prej kohësh ndodhen në një fazë degradimi, duke u kthyer në të pabanueshme dhe në rrezik për zonën përreth. Për këtë vit ajo ishte vendosur në listën e prioriteteve të DRMK për restaurim, por pas ngjarjes së fundit ndërhyrja do të jetë më e vështirë. Po gjatë ditës së djeshme, punonjës të repartit zjarrfikës kanë qenë sërish në vendngjarje, duke shembur muret e banesës, për të shmangur në këtë mënyrë rreziqet e mundshme për komunitetin dhe zonën

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Jan 15, 2008 6:30 pm

Fryhet Drini, 10 banesa në rrezik përmbytjeje
15-01-2008

Shkodër-Mungesa e kanalizimeve ka shkaktuar përmbytjen e rreth 25 ha tokë bujqësore në fshatin Paçram të komunës Hajmel në Shkodër. Banorët e këtij fshati shprehin shqetësimin e tyre për dëmet e shumta që iu sjell përmbytja nga lumi Drin i tokave të tyre, sidomos kur ka reshje. Rritja e nivelit të Drinit dhe mungesa e kanalizimeve në zonëne Paçramit, bën që toka të qëndrojë nën ujë për ditë të tëra, madje dhe muaj duke u bërë e papërdorshme. Përveç kësaj, sipas banorëve, në rrezik janë dhe 10 shtëpi të cilat janë të ndërtuara pranë lumit.

Në rast se reshjet vazhdojnë për disa ditë, këto shtëpi përmbyten. Deri tani, sipas banorëve ka pasur vetëm dëme të ushqimeve të bagëtive. Por kjo sipas tyre ka ardhur pasi reshjet nuk kanë vazhduar gjatë dhe po të ndodhë kjo atëherë dëmet do jenë më të mëdha. Ata kërkojnë që shteti të japë fonde për kanalizimin e kësaj pjese, që rrezikon përmbytjen dhe të banesave, ndërsa shtojnë se në komunën e Hajmelit u thonë se nuk e kanë të mundur ta realizojnë këtë me fonde të komunës.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Jan 15, 2008 6:31 pm

Pasha: Isha duke vënë baste kur u vra Sanellari
15-01-2008

Vrasja e Korçës, i arrestuari mohon krimin e paraqet alibinë por s'mohon të ketë kërcënuar viktimën për borxhin

KORÇË- Personi i arrestuar për ekzekutimin mafioz të ndodhur katër ditë më parë në qytetin e Korçës mohon autorësinë e krimit duke paraqitur si alibi se në orën e kryerjes së vrasjes ai ndodhej në një lokal duke vendosur skedona. Por ndërkohë Leonard Pasha nuk ka mohuar faktin se ka kërcënuar viktimën pak ditë para vrasjes duke i kërkuar një borxh prej pesë mijë eurosh. Pikërisht ky borxh pritet të hapë një hetim gjigant në lidhje me një grup narkotrafiku shqiptar por që operon në Selanik të Greqisë.

Leonard Pasha është marrë dje në pyetje nga prokuroria në lidhje me vrasjen e Nikolin Sanellarit por ai ka paraqitur një alibi për momentin e krimit. Ai pretendon se nga ora 17.00-19.00 e të shtunës, kohë kur mendohet të ketë ndodhur vrasja ka qenë në një lokal bastesh sportive në qendër të qytetit aty ku dhe është gjetur shumë orë më vonë nga policia gjatë shoqërimit të tij. Ai ka pretenduar se ka qenë bashkë me kushëririn e tij të parë, ndërkohë që ky i fundit, sipas policisë, jep deponime në thelb të ndryshme për sa i përket kohës së kur ka ndodhur krimi dhe qenies së tyre në këtë lokal. Policia ka marrë në pyetje dhe persona të tjerë të këtij lokali të cilët kanë dëshmuar prezencën e autorit të dyshuar të krimit por ku koha që ata japin nuk është e njëjtë me atë që ai pretendon, ndërkohë sipas saj ka disaelementë në dorë të cilat janë kyç dhe që e fusin në grackë Pashën. Por pavarësisht këtyre pretendimeve, policia e Korçës ka siguruar të dhëna se Pasha ka kërcënuar viktimën pak ditë përpara vrasjes. Këtë gjë nuk e ka mohuar as i arrestuari, i cili ka pranuar se i kishte thënë viktimës se nëse nuk i jepte disa fierakëve borxhin prej pesë mijë eurosh që u kishte në Selanik, do e kishte punën pisk. Por ndërsa i akuzuari mohon gjithçka duke mos pranuar asgjë lidhur me këtë ngjarje të rëndë, nga jashtë dhomave të izolimit dhe të afërm të tij pohojnë se ai nuk është autori i vrasjes duke ngulmuar tek qenia e tij në një vënd publik me shumë njerëz që e kanë parë gjatë kohës kur mendohet që ka ndodhur dhe ngjarja. Sipas tyre, arrestimi i tij është i padrejtë, ndërsa as ata nuk anashkalojnë faktin se ai ka qenë shok dhe i njohur i vjetër me viktimën.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Jan 15, 2008 6:32 pm

Shet tre herë tokën e tjetrit, kallëzohet nga biznesmenët
15-01-2008

Xhavit Aruçi është shpallur në kërkim, pasi është denoncuar nga tre biznesmenë ndërtimi

TIRANË- Prokuroria e Tiranës shpall në kërkim Xhavit Aruçin, duke e akuzuar si një "mashtrues" të rrezikshëm, pasi kundër tij rezultojnë tre kallëzime penale për akuzën e mashtrimit në shuma të mëdha parash. Burimet zyrtare pranë organit të akuzës konfirmojnë lajmin e kallëzimeve ndaj të moshuarit dhe shtojnë se ai është shpallur në kërkim me urdhër të tyre nga policia. "Rreth një muaj më parë, tre biznesmenë ndërtimi i janë drejtuar prokurorisë së Tiranës, duke bërë denoncimet përkatëse për mashtrim ndaj plakut Xhavit Aruçi",-pohojnë burimet nga grupi hetimor.

Sipas tyre, plaku Aruçi me anë të disa dokumenteve të falsifikuar i ka mashtruar tre ndërtuesit duke u shitur tokën e një fshatari në Fushë Mëzez tre personave të ndryshëm, që kap vlerën e 7 milionë lekëve të reja. "Kallëzimi është bërë nga tre ndërtuesit, menjëherë pasi ata kanë kuptuar mashtrimin, kur kanë shkuar për të filluar punimet në tokën e shitur tre herë. Gjithashtu, tre ndërtuesit janë ndaluar edhe nga pronari i vërtetë i tokës, i cili i ka vënë në dispozicion hartën dhe çertifikatën e pronësisë së tokës, të trashëguar nga pjesëtarët e familjes së tij",-thuhet nga burimet. Pas këtyre hetimeve paraprake, prokuroria ka urdhëruar policinë e shtetit të shpallë në kërkim Aruçin,i cili është larguar dhe mendohet se strehohet në rrethin e Kukësit në veri të vendit. Sipas prokurorisë, ndaj plakut janë ngritur akuzat e mashtrimit me shuma të mëdha parash dhe falsifikimit.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Jan 15, 2008 6:33 pm

Vrasja e endacakut, autori i dorëzohet gjykatës
15-01-2008

Prokuroria: Renato Kiptiu u dhunua për vdekje, pasi nuk pranoi të bënte seks me rojen

TIRANË- Mbyllet dosja hetimore e vrasjes makabre të endacakut Renato Kiptiu, që shokoi banorët e zonës së9-katësheve në kryeqytet, në muajin tetor. Sipas kërkesës për gjykim, i vetmi i pandehur dhe i dyshuar si autor i kësaj vrasjeje është 51- vjeçari Arben Shehaj, me detyrë ish-roje i parkingut në kohën e vrasjes së endacakut 17- vjeçar. "Pas hetimeve tremujore nga prokurori i çështjes janë mbledhur prova materiale dhe akt-ekspertime të ndryshme që vërtetojnë se vrasjen e 17- vjeçarit Kiptiu e ka kryer i pandehuri Arben Shehaj, vrasje e cila ka ardhur pas torturave të rënda të ushtruara ndaj tij",-thuhet në kërkesën për gjykim.

Kjo vrasje, sipas raportit përfundimtar të hetimeve, është cilësuar si "vrasje e kryer në rrethana cilësuese", pasi 17- vjeçari Renato Kiptiu ishte nën moshën 18 vjeç, në momentin e rrahjes, që si pasojë solli vdekjen e tij. Dosja është hedhur në short dhe i ka rënë për shqyrtim gjyqësor treshes së kryesuar nga gjyqtari Fehmi Petku, i cili pritet të caktojë datën e zhvillimit të seancës së parë gjyqësore. Sipas kërkesës për gjykim, i riu luftoi për 7 ditë me vdekjen në reanimacionin e spitalit Ushtarak, pa mundur t'u mbijetojë plagëve të mëdha që kishte pësuar. Hetimet kanë zbuluar si shkak të kësaj dhune vdekjeprurëse tentativën e rojes për të kryer marrëdhënie homoseksuale me endacakun, e pasi është refuzuar, e ka dhunuar atë.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:14 pm

Trafikimi ne Itali, 30 vjet burg dy vellezerve
E Premte, 18 Janar 2008

Gjykata e Krimeve te Renda denon me 30 vjet burg dhe 2 milione leke gjobe dy vellezerit e akuzuar per trafikimin e nje vajze ne Itali dhe shfrytezimin e saj si prostitute, gjate vitit 2004. Me gjithe pendesen e Daniela B., per kallezimin e kryer dhe ndryshimin e mendjes, trupi gjykues dje ka shpallur fajtor Dritan dhe Elvis Bucpapajn, 32 dhe 28 vjec, duke dhene per secilin nga 15 vjet izolim dhe 1 milion leke gjobe. Ky eshte verdikti i kundershtuar nga avokatet mbrojtes, qe u shprehen se do apelojne ceshtjen me tej. Ndaj dy vellezerve nga Tropoja, kishte nisur procesi gjyqesor qe prej dy vitesh, ndersa denoncimi eshte bere ne vitin 2005, pas riatdhesimit te 20-vjecares. Gjate seances se djeshme gjyqesore, mbrojtja i kerkoi togave te zeza, te kryesuara nga gjyqtari Fran Prendi, shpalljen e dy vellezerve Bucpapaj te pafajshem, pasi organi i akuzes nuk dispononte prova kunder tyre. Sipas avokateve mbrojtes, akuza ka vetem si prova deshmite e Daniela B., dhe nenes se saj. Por, sipas mbrojtjes, vajza, pavaresisht se e ka ngritur nje kallezim penal, eshte penduar per kete fakt, duke tentuar te vrase veten, histori qe e shpjegon edhe ne 10 letrat e saj. Trupi gjykues shpalli fajtor vellezerit, duke i denuar maksimalisht per vepren penale te trafikimit per qellime prostitucioni dhe falsifikim te dokumenteve. Te pandehurit nuk kane qene te pranishem ne salle, ndersa Elvisi dje festonte edhe ditelindjen e tij, pasi mbushi 28 vjec.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:25 pm

Grabitjet e nxenesve, me armet e ushtrise
E Premte, 18 Janar 2008

Grabitjet e dy gjimnazisteve dhe dy emigranteve ne Qarkun e Gjirokastres dyshohet te jene kryer nen kercenimin e nje arme, qe figuron ne regjistrat e sherbimit te Forcave te Armatosura Shqiptare. Prokuroria e Rrethit te Gjirokastres eshte duke grumbulluar prova per akuza te tjera ne ngarkim te Sajmir Kabes dhe Fisnik Loglit. Ne seancen e djeshme te vleresimit te mases se sigurise, prokurori i ceshtjes, Spartak Cocoli, tha se 20-vjecari Kaba dhe 25-vjecari Logli kane konsumuar dhe vepra te tjera penale, por per arsye hetimi ato nuk behen te ditura. Nderkohe, burime zyrtare nga policia e Qarkut te Gjirokastres thane dje se “prokuroria ushtarake ka filluar paralelisht ndjekjen penale ndaj 20-vjecarit Sajmir Kaba, me akuzen “dezertim nga detyrimi ushtarak”. Sipas te njejtit burim, grabitja me e fundit, per te cilen akuzohet Kaba, ka ndodhur pese dite perpara se te perfundonte detyrimin ushtarak. Sipas ligjit, Kaba do te pergjigjet penalisht edhe per akuzat “dezertim nga ushtria” dhe “shperdorim detyre”, pasi ai dyshohet te kete perdorur armen e sherbimit per te kryer grabitjen. Pas paraqitjes se ketyre fakteve, Gjykata e rrethit te Gjirokastres vendosi dje masen e sigurise “burg pa afat” per dy te rinjte. Ngjarja, per te cilen akuzohet 20 Kaba dhe Logli ndodhi nje jave me pare. Te dy se bashku, sipas hetimeve, kane marre ne makinen e tyre dy emigrante nga Tepelena, te cilet me pas i kane grabitur nen kercenimin e armes. Pas ketij krimi, dy autoret jane strehuar ne banesen me qira te dy nxenesve te shkolles se mesme pedagogjike, te cilet jane grabitur dhe dhunuar prej tyre. Mesohet se pas dhenies se mases se sigurise nga gjykata, dy te pandehurit u transportuan ne burgun e sigurise se larte ne Bence, 7 kilometra larg qytetit te Tepelenes.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:25 pm

Regjistruesi i Kucoves, gjykata shpall pafajesine
E Premte, 18 Janar 2008

BERAT- Gjykata e Rrethit te Beratit ka shpallur dje “te pafajshem” regjistruesin e Kucoves, duke hedhur poshte kerkesen e organit te akuzes per denimin e tij. Kujtim Behari ishte akuzuar per “falsifikim” dhe “shperdorim detyre”. Pak dite me pare, prokurori Tasim Puci kishte kerkuar denimin me burg te regjistruesit te Zyres se Pasurive te Paluajtshme te Kucoves, ndersa pas seances se djeshme ka paralajmeruar apelimin e vendimit. Procesi penal ne ngarkim te regjistruesit Behari ka nisur pas denoncimit te Luljeta Lules, administratore e Fabrikes se Pluhurit Lares Kucove. Ajo ka kallezuar penalisht regjistruesin per falsifikimin e dokumenteve ne kete zyre, cka ka bere qe ajo te humbase gati gjysmen e prones se saj. Trupi gjykues i kryesuar nga Benina Kondi ka degjuar te dyja palet dhe ka vendosur t’i jape te drejte te akuzuarit. Pas shpalljes se vendimit, Kujtim Behari eshte shprehur per median se gjykata mori nje vendim korrekt. Ai tha se do te reagoje kundrejt prokurorise, e cila, sipas tij, u be pale me kallezuesen Lule. Kujtim Behari tha se do te kerkoje nga prokuroria demshperblim moral dhe fizik per akuzen e padrejte te ngritur kunder tij.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:26 pm

Abuzimet me shpronesimet, burg komunareve
E Premte, 18 Janar 2008

Fier - Dy zyrtaret e komunes se Frakulles, ne rrethin e Fierit, te akuzuar per shperdorime, kerkuan dje perpara gjykates qe hetimet te zgjerohen dhe te verifikohet edhe pergjegjesia e personave te tjere. Izet Alliaj, arketar i komunes dhe Alket Rrushi, me detyre llogaritar, kerkuan nepermjet avokateve te tyre nje mase te lehte sigurie. Ata akuzohen se kane abuzuar me faturat e shpronesimeve per ndertimin e nje ujesjellesi, duke perfituar para nga fondi i destinuar per banoret e shpronesuar. Pasi degjoi pretendimet e mbrojtjes dhe akuzes, gjykata e rrethit te Fierit vendosi te lere ne burg dy personat e arrestuar tri dite me pare, deri ne perfundim te hetimit gjyqesor.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:32 pm

Tre dite martese, vetevaret 25-vjecarja
E Premte, 18 Janar 2008

Jeta martesore me nje burre 20 vjet me te madh se vetja, nuk eshte kaperdire me shume se tre dite dhe tre net nga nje e re lezhjane, e cila dje u gjet e varur ne banesen ku kishin nisur jeten ne cift. Ngjarja u lokalizua ne fshatin Rrobosht, prane qytetit te Lezhes. Mirela Gjoka, 25 vjece, eshte gjetur e vetevarur ne dhomen e gjumit te shtepise bashkeshortore, rreth ores 10:45 te paradites se djeshme. Nga hetimet e para te policise, ka rezultuar se gruaja ishte martuar me shkuesi me nje burre rreth 20 vjet me te madh se veten. Pikerisht te nje martese e padeshiruar jane perqendruar hetimet e policise, ndersa trupi i 25-vjecares po ekzaminohet nga ekspertet mjeko-ligjore.

Gruaja e re eshte gjetur pa jete nga bashkeshorti i saj, i cili, pasi ka trokitur dhe nuk ka marre pergjigje, ka hyre ne dhomen e gjumit nga dritarja. Burime nga Drejtoria e Policise se Qarkut te Lezhes bene te ditur se 25-vjecarja ka lidhur nje shami te gjate rreth portollambes, eshte ngjitur mbi karrige, ka futur koken ne lak dhe eshte leshuar ne zbrazetire. Ekspertet mjeko-ligjore kane konstatuar vdekjen nga asfiksia dhe demtime te rruazave te qafes, ndersa po shqyrtohet trupi i viktimes per te pare nese mbi te eshte ushtruar dhune.

Sipas policise, Mirela Gjoka eshte njohur vetem dy muaj me pare me bashkeshortin e saj, qe eshte 20 vjet me i madh. Policia e Lezhes tha dje se nje nga motivet, mbi te cilat po punohet, eshte deshperimi i vajzes per nje martese qe nuk e ka deshiruar. Familjaret e bashkeshortit te saj i kane thene policise se gjate tre diteve te marteses vajza ka qene e heshtur dhe e mbyllur ne vetvete, por ata e kane konsideruar si sjellje normale per nje grua te porsamartuar. Aktualisht jane marre ne pyetje disa persona qe mendohet se mund te kene dijeni mbi ngjarjen, ndersa familjaret e ngushte do te pyeten pas funeralit. Sipas policise, vajza nuk ka lene ndonje shenim ne lidhje me shkaqet qe e shtyne drejt gjestit ekstrem.

“Muaji i mjaltit”, sa i hidhur

Dy dite me pare, nje 30-vjecar, nga qyteti i Vlores, eshte akuzuar se ka hedhur te shoqen nga kati i katert i pallatit ku banonte, dy dite pas marteses. Fitim Imeraj eshte arrestuar nen akuzen e “vrasjes se mbetur ne tentative”, pas kallezimit penal e ka bere bashkeshortja e tij 19-vjecare, me iniciale M.D., e cila ka treguar perpara oficereve te policise gjyqesore se gjithcka ka ndodhur pas nje grindjeje bashkeshortore. Gruaja e re ka treguar perpara oficereve te policise gjyqesore se me 7 janar te ketij viti, dy dite pas marteses, ne sherr e siper, Fitim Imeraj e ka ngritur peshe dhe e ka hedhur nga ballkoni i katit te katert. Bashkeshorti i saj ka deklaruar perpara uniformave blu se gruaja e tij kishte tentuar vetevrasjen per motive te panjohura.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:33 pm

Sherri, bresheri “kallashi” mbi dy gra
E Premte, 18 Janar 2008

Nene e bije jane plagosur mbreme ne nje rruge te ish-zones industriale te Shkozetit ne qytetin e Durresit. Dile dhe O. Meta jane qelluar me nje bresheri automatiku, ndersa policia ka ndaluar te dyshuarin T. Kalemi. Dy grate jane kapur ne kembe nga plumbat, pasi atentatori duket se nuk ka pasur si qellim vrasjen e tyre. Nga hetimet paraprake ka rezultuar se plagosja ka ndodhur pas nje grindjeje te meparshme ndermjet viktimave dhe agresorit. Te tre protagonistet e ngjarjes jane te komunitetit rom, banore te nje lagjeje ne zonen e quajtur NISH-Tulla te qytetit te Durresit.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:33 pm

Tenton vrasjen, kapet 38-vjecari
E Premte, 18 Janar 2008

Nje 38-vjecar, nga fshati Prosek, i rrethit te Mirdites, eshte ndaluar me akuzen e “vrasjes se mbetur ne tentative”. Burime nga policia e Mirdites bejne te ditur se Ardian Curgu dyshohet se ka tentuar te vrase me pistolete 24-vjecarin Alban Perleka nga fshati Nderfushas i Mirdites. Ngjarja ka ndodhur mbremjen duke u gdhire dita e djeshme, ndersa arrestimi i 38-vjecarit u be ne banesen e tij. Policia tha se Perleka nuk ka marre plage, ndersa ka bere kallezimin penal ne ngarkim te 38-vjecarit.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:35 pm

I prangosuri: Ju tregoj Gencin, autorin e vertete
E Premte, 18 Janar 2008

Vrasja e Korces merr nje tjeter rrjedhe hetimi. Kjo pas deshmise se djeshme te dhene ne sallen e gjyqit nga i dyshuari per ekzekutimin mafioz te Nikolin Sonellarit, pese dite me pare. Ndersa policia ka ngritur pisten e vrasjes per shkak te borxhit prej 5 mije euro dhe prishjes se pazareve te trafikut te droges, i dyshuari Leonard Pasho, 30 vjec, ka deshmuar se krimin e ka kryer nje tjeter person, duke mohuar akuzen. "Nje person i quajtur Genci, nga Roskoveci i Fierit, me ka kerkuar te ndermjetesoja per ardhjen e nje shume prej 5 mije euro nga Greqia", deklaroi nepermjet avokatit te tij mbrojtes i dyshuari aktual per vrasjen e Sonellarit. Me gjithe deklaraten e kryer, Gjykata e Korces e ka lene ne qeli 30- vjecarin Pasho. Prokurorja e ceshtjes, Roza Qirjaqi dhe gjykatesja e seances, Etleva Cami, kane qene ne nje linje te vendimit te tyre, sepse eshte vendosur masa e sigurise “arrest me burg”. Gjate seances, pati replika midis avokatit mbrojtes dhe prokurores se ceshtjes, lidhur me pafajesine e te dyshuarit ne kete vrasje. "Opinioni eshte ngarkuar me nje akuze te rende qe rendon mbi klientin tim, si vrases me paramendim dhe me lenien ne burg te tij, ju po e vini ne konflikt edhe me te afermit e viktimes", u shpreh avokati Sotiraq Ceta. Por, pretendimet e tij nuk u moren parasysh dhe i riu Leonard Pasho u la ne masen e sigurise arrest ne burg, me akuzat e vrasjes me paramendim dhe te armembajtjes pa leje. Ceta tha se Leonard Pasho dhe Nikolin Sonellari kane qene shoke prej 10 vitesh. Ndersa personi nga Fieri, i quajtur Genci, ka kerkuar ndermjetesim per nje shume prej 5 mije eurosh, qe duhet te shkonte ne Greqi dhe per kete pune eshte zgjedhur Nikolini. “Por pas disa ditesh parate nuk shkuan ne Greqi dhe Nikolini ka pasur telefonin e fikur. Eshte kerkuar shpjegim nga ky person qe ishte porositesi dhe nuk eshte marre asnje pergjigje nga Sonellari”, tha avokati, duke hedhur dyshimet te nje tjeter i dyshuar si autor. "Kur Nikolini u kthye ne Korce e kam takuar ne kafe dhe i kam thene se duhet te kthente shumen e 5 mije eurove, ndersa ai me tha se kishte shlyer nje borxh tjeter ne Selanik dhe do i kthente pak nga pak”, ka deshmuar Pasho dje. Policia pret pergjigjet nga Tirana per ekspertizen balistike dhe gjurmet e gishtave, nese i perkasin te dyshuarit te ndaluar pas krimit qe eshte edhe shoku i viktimes.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:36 pm

Tregti me para false, kapen kusherinjte
E Premte, 18 Janar 2008

Fier - Blinin mallra ushqimore me para false, pranga dy kusherinjve. Policia e Fierit ka vene ne pranga pasditen e djeshme dy adoleshente, djem xhaxhallaresh dhe banore te fshatit Klos, te rrethit Mallakaster. Burime zyrtare thane dje per gazeten “KJ” se te ndaluarit jane te moshes 17 vjec, ndersa u sekuestruan ne cilesine e proves nje prerje 1 mije lekeshe qe sapo ishte perdorur per blerje ne dyqan. Policia nuk publikoi identitetet, por dha inicialet e tyre, A.C. dhe D.C. Denoncimi eshte kryer nga nje shites i dyqanit ne qytet po diten e djeshme. Policia tha se te dyshuarit kishin perdorur ne tre raste prerje te parave false. Agjentet po hetojne per te zbuluar origjinen e ardhjes se lekeve.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Fri Jan 18, 2008 7:37 pm

“Cifti vdiq nga kokaina”
E Premte, 18 Janar 2008

Mbidoza e kokaines eshte shkaku qe u ka marre jeten Tomorr Rrumbullakut dhe Diana Xibrakut, ciftit qe vdiq i helmuar gjate nje drekimi ne Golem, fundjaven e kaluar. Konfirmimi vjen nga Instituti i Mjekesise Ligjore, qe ne oret e pasdites se djeshme nxori rezultatet perfundimtare te analizave te dy viktimave, 54 dhe 44 vjec. Diagnoza e nxjerre nga grupi i eksperteve per vdekjen e ciftit eshte, “Kokaine ne doza te larta, e cila ka qene me e shprehur te gruaja. Klinike atipike, e pa pershkruar ne literature. Toksikimi IML”. Policia e Tiranes ende nuk ka dale me nje version te sajin, ne lidhje me shkaqet e vdekjes se ciftit te te dashuruarve, qe kishin lidhje jashtemartesore. Ekspertet thane se shkaqet e vdekjes jane overdoza dhe se vera e konsumuar eshte perzier me droge, te llojit kokaine.

Ekspertet thane dje, per gazeten “KJ”, se 44-vjecarja Diana Xibraku, ka qene me e intoksikuar se Tomorr Rrumbullaku, qe tregon dhe vdekjen me te shpejte te saj gjate dergimit per ne spital. Ndersa 54-vjecari ka pasur me pak lende narkotike ne trupin e tij, por qe i ka sjelle vdekjen pak minuta pas partneres. Pese dite pas ngjarjes se rende, qe ngriti dhe mister deri ne helmim te qellimshem, Mjekesia Ligjore ka nxjerre analizat perfundimtare te mbetjeve ne stomakun e viktimave dhe zbardhur shkaqet ne rruge shkencore. Analizat, sipas burimeve, jane bere ne bashkepunim dhe me Institutin e Shendetit Publik ne Tirane, qe analizuan cilesine e veres dhe perberjes se saj. “Konsumimi i kokaines, e perzier me pije alkoolike, si vere, apo ndonje pije tjeter, shkakton bllokim te frymemarrjes dhe te qarkullimit te oksigjenit ne gjak, ndersa pasojat jane fatale, deri ne vdekje”, u shprehen ekspertet, dje, per gazeten. Akti i perzierjes shkakton asfiksi me bllokim te frymemarrjes, grumbullim te lengjeve ne mushkri dhe bllokon gjakun te furnizohet me oksigjen.

Raporti i Mjekesise Ligjore do t’i kaloje Policise se Tiranes, mengjesin e sotem, e cila pritet te dale ne nje komunikim zyrtar per te gjitha pistat, apo hetimet qe jane bere gjate ketyre diteve. Vec kesaj, tashme hetimet jane perqendruar ne faktin se kush nga dy viktimat e ka hedhur kokainen ne vere, apo ka qene ndonje person i trete, qe ka kryer aktin nepermjet injektimit ne shishe. Burime policore thane dje se ende nuk kane arritur ne perfundim per dosjen dhe se po hetojne pisten e vetehelmimit dhe te helmimit te qellimshem te ciftit.

Helmimi gjate drekes ne cift

Vdekja e Tomorr Rumbullakut dhe Diana Xibrakut ndodhi mesditen e se shtunes, ndersa drekonin ne bar-restorant “Ertil Sadati”, ne Golem dhe konsumonin prodhime deti. Cifti ka shfaqur shenja helmimi, ndersa u dyshua ushqimi dhe ka vdekur gjate dergimit per ne spitalin e Durresit. Ka qene ora 11:30, kur burri dhe gruaja jane derguar drejt spitalit dhe pak caste me pas nderruan jete. Hetimet e para te policise se Durresit rreth drekes ne restorantin e peshkut, do te nxirrnin ne pah se “dreka e dy personave ka qene e perbere nga peshku, sallata dhe ushqime te tjera, plus vere “Kabernet” e sjelle ne lokal nga vete cifti”. Policia hodhi pistat e helmimit nga ushqimi, vera, cianuri, alkooli metilik dhe ne fund nga kokaina.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "