Kronikat ....

PearL · Titulli: Kronikat .... Tue Sep 18, 2007 11:38 pm

Shkrihet komisioni i apelimit të gjobave të bizneseve

Shekulli
18-09-2007

Nga janari 2008 apelimet të shqyrtohen nga Gjykata Administrative. Në janar fillon vendosja e kasave
TIRANË- Komisioni i apelimit të gjobave në Ministrinë e Financave do të shkrihet për t'i hapur vend ngritjes së Gjykatës Administrative. Ligji i ri që po hartohet nga Ministria e Financave parashikon shkrirjen e këtij komisioni si dhe një sërë ndryshimesh të tjera fiskale. Duke filluar nga një janari i vitit 2008, bizneset do të funksionojnë në bazë të një ligji të ri për procedurat tatimore. Po që nga kjo datë, bizneset nuk do të mund të apelojnë në Komisionin e Apelit në Ministrinë e Financave por në Gjykatën Administrative. Kjo u pohua dje nga ministri i Financave, Ritvan Bode, i cili nëpërmjet një konference për shtyp njoftoi ndryshimin e ligjit dhe hartimin e një projektligji të ri për procedurat tatimore. Duke filluar nga kjo datë do të nisë edhe vendosja e kasave regjistruese në të gjitha bizneset.

Sipas ministrit Bode, projektligji ka për qëllim t'i forcojë këto procedura e t'i bëjë më të qarta për tatimpaguesit, në mënyrë që të rritet efikasiteti, transparenca dhe shkalla e përgjegjshmërisë së administratës tatimore në Shqipëri. "Ky ligj ka të bëjë me procedurat tatimore, pra gjithë procesin e përcaktimit të masës dhe të nxjerrjes së taksave, të gjithë procedurave që lidhen me penalitetet për taksat, të gjithë detyrimet dhe të drejtat që ka biznesi dhe administrata tatimore. Në p/ligjin për Procedurat Tatimore ka një përcaktim që ka të bëjë me detyrimin e të gjithë subjekteve, personave, individëve që qarkullojnë mallra në tregun e brendshëm për të pasur dokumente fiskale. Në rastet që do të gjenden pa dokumente fiskale mallrat sekuestrohen.

Ky është një hap për të detyruar qarkullimin me dokumente, ky rregullim është bërë që në ligjin ekzistues para disa muajsh",- tha dje përpara gazetarëve Bode. Sipas tij, ngritja e Gjykatës Administrative nuk do të varet nga ana e Ministrisë së Financave dhe të gjitha funksionet e tjera do të kryhen nga kjo gjykatë. I pyetur në lidhje me ligjin e shumë kontestuar të gjobave dhe ndikimin që mund të ketë tek ai ngritja e gjykatës, Bode u përgjigj: "Në këtë ligj parashikohet ngritja e Gjykatës Administrative, pasi hiqet hallka e apelimit në Ministrinë e Financave. Funksionet e saj do të kryhen nga Gjykata Administrative. Ne kemi parashikuar që në momentin kur Ligji i ri i Procedurave Tatimore hyn në fuqi, në Ministrinë e Financave nuk do të ketë më Komision Apelimi". Për ta bërë këtë ligj sa më të nevojshëm për tatimpaguesit shqiptarë, Ministria e Financave ka parashikuar zhvillimin e gjashtë tryezave të rrumbullakta me pjesëmarrjen e anëtarëve të dhomave kryesore të tregtisë, me juristë dhe kontabilistë, si dhe me përfaqësues të organizatave jofitimprurëse. Këto takime do të zhvillohen nga data 21 shtator deri më 11 tetor në Tiranë.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Sep 18, 2007 11:39 pm

Makina përplaset me trailerin, vdes emigranti 23- vjeçar

Gjergj Marku
18-09-2007

Rrëshen, viktima punonte në Greqi dhe ishte kthyer në vendlindje për të sjellë gruan e tij për lindje
RRËSHEN- Një aksident i rëndë automobilistik i ndodhur në orët e para të mëngjesit të djeshëm i ka marrë jetën tragjikisht një të riu 23- vjeçar që kishte pak ditë i ardhur nga Greqia. Besnik Ndreca, nga fshati Kaçinar i Mirditës, ka humbur jetën teksa udhëtonte me makinën e tij tip "Renault" me targa greke "KPE 6137", kur është përplasur me një trailer të tonazhit të rëndë në afërsi të Urës së Fanit të Vogël në kryqëzimin e rrugëve që të çojnë për Rrëshen e Lurë dhe tjetra për në drejtim të Kukësit e Kosovës. Në aksident është përplasur edhe një 27 -vjeçar që ndodhej në të njëjtën makinë.

Sipas dëshmitarëve okularë që e kanë parë përplasjen, makina e emigrantit është përplasur me trailerin e tonazhit të rëndë i ngarkuar me zhavorr me targa të Tiranës "TR 3224 K" që drejtohej nga Zef Kola, 54 vjeç. Përplasja ka qenë e fortë për shkak të shpejtësisë së madhe të makinës që drejtonte 23- vjeçari. Sipas policisë, Besnik Ndreca ka humbur jetën në vend dhe është plagosur rëndë shoku i tij Indrit Kola, 27 vjeç nga fshati Ndërfushës i Mirditës, i cili ndodhej në vendin e parë të makinës. Menjëherë kanë shkuar persona që ndodheshin aty pranë dhe ata kanë vënë re vdekjen në vend të 23- vjeçarit. Për shkak të shtypjes së makinës nga përplasja, është dashur një kohë e gjatë për të nxjerrë trupin e viktimës nga makina. Drejtuesi 54- vjeçar i automjetit të tonazhit të rëndë pasi ka ndihmuar në nxjerrjen e kufomës dhe dërgimin në spital të të plagosurit është vetëdorëzuar në polici. Të afërmit e viktimës pohuan se ai punonte prej vitesh në Greqi, ishte i martuar, dhe ishte kthyer në vendlindje për të sjellë gruan e tij për lindje.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Sep 18, 2007 11:43 pm

Tatimorët e arrestuar: Do të apelojmë masën

F.Vezaj
18-09-2007

Gjykata e Tiranës verifikon në 10 minuta masat e sigurisë
TIRANË- Vetëm 10 minuta kohë iu deshën gjyqtares së gatshme pranë Gjykatës së Tiranës, Mimoza Kajo, që të kryejë proceduarën e verifikimit të masave për pesë punonjësit e Policisë Tatimore dhe ekonomistit të një kompanie private, që u arrestuan gjatë operacionit të koduar "Gjoba e Fundit". Gjatë paradites së djeshme, gjashtë të dyshuarit për veprën penale të "korrupsionit pasiv dhe atë aktiv": Flamur Mallkuçi, Migen Katroshi, Genci Murthi, Dritan Metani, Aurel Cenolli dhe Klodian Myftari,para gjykatës nuk preferuan të flasin për akuzat, duke dhënë vetëm gjeneralitet e tyre, ndërsa avokatët mbrojtës pas mbarimit të seancës u shprehen se: "do t'i apelojnë vendimet e masave të sigurisë".

Ndërkohë, sipas prokurorisë, gjatë hetimeve paraprake dyshohet se 5 punonjësit e Policisë Tatimore kanë kryer veprime të paligjshme dhe korruptive ndaj disa subjekteve tatimore në Tiranë, duke u bërë presion për bllokimin e aktivitetit të tyre dhe duke iu kërkuar vlera monetare në këmbim të tolerimit të shkeljeve të konstatuara. Në operacionin e policisë së koduar "Gjoba e Fundit" u arrestuan: ish-shefi i Policisë Tatimore në Tiranë, Flamur Mallkuçi, oficerët Migen Katroshi, Genci Murthi, Dritan Metani e Aurel Cenolli, si dhe Klodian Myftari, me detyrë ekonomist në kompaninë private "Tar Tenda" nëTiranë, teksa po "paguante" gjobën e firmës ndaj tatimorëve.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Sep 18, 2007 11:57 pm

Lushnje, burrë e grua vdesin në aksident

Sokrat Ndreçka
17-09-2007

Vasil dhe Lumturie Prifti kanë hyrë me motor në rrugën kryesore por janë përplasur nga një makinë

Lushnje, burrë e grua vdesin në aksident

Një aksident i rëndë automobilistik i ka marrë jetën dje një çifti në rrethin e Lushnjes. Vasil dhe Lumturie Prifti ishin duke udhëtuar në aksin nacional Lushnje- Berat me motorin e tyre por janë përplasur nga një makinë. Ngjarja ka ndodhur rreth orës 17.00 të ditës së djeshme dhe për çiftin Prifti nuk ka pasur asnjë mundësi mbijetese. Burimet zyrtare të policisë lokale pohuan dje se automjeti tip benz me targa "TR 0548", që drejtohej nga shtetasi Eduard Myftaraj, vinte nga Berati në drejtim të qytetit të Lushnjës. Në afërsi të komunës së Fiersheganit, nga një rrugë dytësore, ka dalë motori me targa "Br 333 A", i cili drejtohej nga Vasil Prifti. Hyrja e motorit në rrugën kryesore ka qenë e papritur dhe ai është përplasur me makinën. Burime nga vendi i ngjarjes pohuan se përplasja ka qenë tepër e fortë dhe Vasil Prifti, 45 vjeç, ka gjetur vdekjen e menjëhershme. Në motor ndodhej edhe bashkëshortja e tij 42- vjeçare, Lumturie Prifti. Edhe ajo ka gjetur vdekjen në vend si pasojë e përplasjes me makinën. Në vendin e ngjarjes shkuan menjëherë forcat e policisë së Lushnjes, të cilat administruam situatën e rëndë të krijuar për shkak të humbjes së dy jetëve. Sipas policisë, aksidenti ka ardhur për shkak të shpejtësisë së madhe të benzit dhe mungesës së kontrollit të drejtuesit të motorit në çastin e daljes në rrugën kombëtare. Policia ka bërë ndalimin e shoferit që mendohet se ka qenë shkaktari kryesor i aksidenti. Ai është dërguar në komisariatin e Lushnjes për hetimet e mëtejshme lidhur me ngjarjen

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Sep 18, 2007 11:58 pm

Gjykata lë në arrest shtëpie të dënuarin me 25 vjet

K. Bushi
17-09-2007

Kurbin, Nikoll Dobrozin është dënuar në dy shkallë për vrasjen e burrit të të dashurës së tij. Çështja në Gjykatën e Lartë

KURBIN- Gjykata e Kurbinit nxjerr nga burgu një person të dënuar me 25 vjet burg për vrasjen e bashkëshortit të të dashurës së tij. Një vendim i gjykatës lokale ka lënë Nikoll Dobrozin në arrest shtëpie deri në dhënien e vendimit përfundimtar nga Gjykata e Lartë. Dobrozi është dënuar më parë nga dy gjykata për vrasjen e Fran Laskës, të ndodhur më tetë qershor të vitit 2004. Lirimi i tij nga burgu është arsyetuar nga gjykata e Kurbinit me pretekstin se i kanë përfunduar afatet e paraburgimit.

Vrasja

Sipas vendimit të parë të dhënë nga gjykata e Kurbinit dy vjet më parë, Laska është vrarë më tetë qershor të vitit 2004 dhe trupi i tij është gjetur katër ditë më vonë, në një kallamishte të fshatit Adriatik. Edhe pse Frani kishte katër ditë i vdekur, bashkëshortja e tij nuk kishte bërë asnjë denoncim në polici. Kjo ka bërë që hetuesit ta vënë atë në listën e personave të dyshuar për vrasjen. Hetimet e mëtejshme treguan se pak kohë para vrasjes, Frani shkonte tek djali i hallës së tij në Bushnesh, ku do të merrte dhe disa ushqime. Ditën e vrasjes, ai ndodhej në shtëpinë e hallës së tij por ka marrë një telefonatë që i kërkonte të kthehej në shtëpi. Fran Laska u nis për në shtëpinë e tij me një biçikletë, në koshin e të cilës kishte vendosur dhe ushqimet e marra. Sapo është ngjitur në një rrugë malore, në fshatin Kokërdhok, pranë fshatit të tij, Frani është goditur në kërcirin e këmbës se djathtë dhe më pas në kokë me sende të forta. Pasi është masakruar në këtë mënyrë, Fran Laska është hedhur në një kallamishte. Më pas autori i krimit i ka vënë flakën për të fshehur të gjitha provat e mundshme.

Arrestimi

Me 19 qeshor 2004 policia e Kurbinit arrestoi Nikoll Dobrozin, bazuar në dëshminë e Dava Laskës, bashkëshortes së viktimës. Policia e Kurbinit pas arrestimit të Dobrozit shoqëroi në dhomat e paraburgimit edhe Dava Laskën. Gjatë bisedës midis Dava Laskës dhe Nikoll Dobrozit në dhomën e paraburgimit është zbardhur vrasje, e cila ka ndodhur pasi Nikoll Dobrozi kërkonte të lidhej me Dava Laskën. Ndoc Çaraku ekspert i policisë shkencore në Tiranë ka treguar se provat e gjetura në makinën e Nikoll Dobrozit, kryesisht njolla gjaku, janë mbajtur për një muaj në frigoriferin e kësaj police. Pas një muaji, me urdhër të prokurorisë së Krimeve të Rënda, provat janë dërguar për analiza në SHBA. Mosmarrja në kushtet e domosdoshme higjienike ka bërë që provat materiale të dëmtohen. Por të gjitha këto janë kundërshtuar në gjykatë nga i arrestuari. Pas dhënies së dënimit dy vjet më parë, ai ka reaguar duke thënë: "Nuk kam hak dhe as hile në vrasjen e Fran Laskës. Pavarësisht se kam pranuar imoralitetin dhe lidhjet intime me Dava Laskën, bashkëshorten e viktimës, Fran Laska. Unë ju bëj be në bazë të zakonit se nuk kam gisht në vrasje". Pas apelimeve të shumta çështja ka arritur deri në Gjykatën e Lartë dhe vendimi nuk ka marrë ende formën e prerë. Bazuar në këtë fakt gjykata e Kurbinit ka vendosur lirimin e Dobrozit nga burgu dhe mbajtjen e tij në arrest shtëpie deri në momentin që vendimi do të jetë përfundimtar.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Wed Sep 19, 2007 12:00 am

Vlorë, familjarët identifikojnë viktimën e djegur

Anila Peçi
17-09-2007

Farudin Verizi, 26 vjeç, është njohur nga të afërmit e tij. Policia gjen gjurmë gishtash në bidonin me benzinë
VLORË- Identifikohet nga familjarët kufoma e gjetur e djegur në një tunel dy ditë më parë në Vlorë. Në orët e vona të natës, policia ka bërë edhe identifikimin e kufomës, e cila i përket 26- vjeçarit Ferudin Veizi nga Vlora. Ai është banues në lagjen "Katër Heronjtë" dhe pasi është vrarë me armë zjarri trupi është spërkatur me benzinë e i është vënë flaka për të bërë sa më të vështirë identifikimin. Paraditen e djeshme, policia ka shoqëruar 12 persona të dyshuar si të implikuar në vrasje por ende nuk dihet pozicioni i tyre. Prova kryesore në dorën e policisë lokale është një bidon i vogël me benzinë, në të cilin dyshohet se janë gjurmët e gishtërinjve të vrasësve.

Në orët e vona të së shtunës policia e Vlorës ka identifikuar kufomën e gjetur në një nga tunelet e zonës ndërmjet Babicës dhe Alikokës. Burimet e policisë pohuan se kërkimet për identitetin e të riut janë përqendruar në lagjen "Katër Heronjtë", ose "Topana", siç njihet ndryshme në Vlorë. Fillimisht efektivët e policisë kanë komunikuar me një fqinjë dhe më pas me familjarë të viktimës, të cilët kanë identifikuar njeriun e tyre. Ai është Farudin Veizi, 26 vjeç, banor në lagjen "Katër Heronjtë". Pas identifikimit të kufomës së gjetur dje në një nga tunelet e zonës ndërmjet Babicës dhe Alikokës, në orët e vona të natës, agjentët e policisë kriminale kanë vijuar hetimet për të zbardhur skenarin e krimit. Duke qenë se pas goditjes viktimës i është vënë zjarri ka reduktuar prova të mundshme në vendngjarje. Gjithsesi pas hetimeve të para, ka rezultuar se viktima kishte qenë dy herë i dënuar për vjedhje, herën e dytë i dënuar për disa muaj dhe këtë vit kishte dalë nga dhomat e izolimit. Fakti që ai ishte i skeduar nga policia si dhe sipas të dhënave që japin burime nga grupi hetimor, njihej si përdorues hashashi nuk ka mundësuar ndonjë pistë të paracaktuar. Familjarët kanë pohuar se nuk kishin dijeni për ndonjë konflikt që mund të kishte pasur njeriu i tyre. Viktima, që kishte ndenjur për disa kohë në Borsh, pas divorcit jetonte i vetëm në një banesë, pranë shtëpive të prindërve të tij.

Duke qenë i vetëm në banesë dhe që kryente lëvizje të shpeshta, mungesa dihej nga familjarët, por nuk është denoncuar në polici, pasi vetë familjarët nuk kanë dyshuar se djalit të tyre i kërcënohej ndonjë rrezik. Ende nuk dihen motivet e krimit, apo të ketë të dyshuar për ekzekutorë, ndërkohë që policia vijon hetimet. Burimet e grupit hetimor të çështjes pohuan dje se kanë shoqëruar në komisariat 12 persona, të cilët dyshohet se kanë dijeni ose lidhje me vrasjen e 26- vjeçarit Farudin Veizi. Ata janë marrë në pyetje por ende nuk është vendosur nëse do të lirohen ose do të ketë ndonjë arrestim. Prova kryesore në duart e prokurorisë është një bidon i vogël i mbushur me benzinë, i cili është gjetur në tunel. Burimet pohuan dje se ky bidon i është nënshtruar ekspertizës daktiloskopike pasi aty mendohet se ndodhen gjurmët e gishtërinjve të vrasësit. Këto gjurmë do të krahasohen me ato të të dyshuarve të çështjes por ende nuk ka një rezultat konkret nga kjo procedurë.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Wed Sep 19, 2007 12:14 am

Policia : Do arrestojme tatimore te tjere

E Marte, 18 Shtator 2007

Policia e Tiranes deklaron se do te kryeje arrestime te reja ne kuader te operacionit te koduar “Gjoba e fundit”, gjate te cilit rane ne pranga 4 tatimore dhe ish-kreu i drejtorise, Flamur Mallkuci. Tre denoncime jane kryer nga firma private ne kryeqytet, qe akuzojne tatimoret se kane kerkuar rryshfete ne shkembim te favorizimit ne aktivitet dhe mosmbylljes se biznesit. Po keshtu, po shqyrtohen nga agjentet e Krimit Ekonomiko-Financiar edhe 10 raste te tjera ankesash. Burime zyrtare thane per gazeten “Koha Jone” dje se brenda disa diteve do te ndjekin penalisht e arrestojne tatimore te tjere, te perfshire ne rrjetin e te dyshuarve per korrupsion. Hetimet po kryhen ne bashkepunim me Prokurorine e Tiranes. Operacioni nisi gjate mbremjes te se premtes, pas vendimit te gjykates dhe dhenies se mases “Arrest me burg” per gjashte te dyshuar, nje prej te cileve ekonomist ne firmen “Tar Tenda”.

Hetimet te dyshuarve kane filluar qe nje muaj me pare, pas disa denoncimeve te marra nga uniformat blu per gjobevenie ne nje lokal luksoz ne kryeqytet. Per kete qellim jane kryer dhjetera pergjime telefonatash e fotografime. Tri dite para operacionit, Drejtoria e Pergjithshme e Tatimeve shkarkoi nga detyra kreun e Policise Tatimore te Tiranes, Flamur Mallkucin, per t’i hapur rrugen policise dhe prokurorise ne hetime. Bashke me kryetatimorin u ndaluan edhe 4 inspektore, Migen Katroshi, Genci Murthi, Aurel Cenolli e Dritan Metani, i gjashti ishte ekonomisti Klodian Myftari, qe dyshohet te jete ndermjetes ne kete rrjet. Por gjate hetimeve 5-ditore, policia e Tiranes ka zbuluar edhe tre denoncime te reja te firmave private e bizneseve, te cilat pretendojne se u eshte bere presion per pagesa te gjobave nen dore.

Burime zyrtare thane se “hetimet ne lidhje me te arrestuarit e operacionit “Gjoba e fundit” jane ende ne vazhdim dhe nuk kane perfunduar”. Ne dy javet e ardhshme pritet te kete dhe ndalime te tjera, ndaj personave qe dyshohet se kane bashkepunuar me gjashte te arrestuarit, pese efektiva tatimore, si dhe nje ekonomist ne firme private. Hetimet e filluara, qe nje muaj me pare nga nje grup hetimor polici-prokurori, do te nxjerrin detaje te reja ne lidhje me aktivitetin e te arrestuarve dhe te personave te tjere, qe dyshohet se jane bashkepunetore. Emrat e personave te vene nen hetim nuk behen te ditur, pasi ende nuk eshte dokumentuar i plote aktiviteti per korrupsion e shperdorim detyre. Prokuroria do t’i kerkoje gjykates prerjen e flete-arresteve te reja ditet ne vazhdim.

Te arrestuar

Flamur Mallkuci, 35 vjec, ish-shef i Policise Tatimore

Migen Katroshi, 34 vjec, shofer i grupit te Policise Tatimore

Genci Murthi, 33 vjec, oficer ne Policine Tatimore

Dritan Metani, 30 vjec, oficer i Policise Tatimore

Aurel Cenolli 33 vjec, oficer i Policise Tatimore

Klodian Myftari, ekonomist ne kompanine “Tar Tenda”

Sekuestro

4900 euro

3 000 dollare

100 mije leke

8 aparate celulare

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Thu Oct 04, 2007 4:14 pm

Fier: kasapi sulmon veterinerin

Kontrolli per cilesine e ushqimit per pak sa si ka kushtuar jeten nje punonjesi veterinar ne Fier. Ilia Cili eshte qelluar me mjete te forta nga nje tregtar mishi ne Levan e tashme gjendet ne spital. Hiqmet Selmani ka penguar kontrollin veterinar duke ushtruar dhune ndaj inspektoreve te Drejtorise se Bujqesise qe kryenin detyren e qe kishin kohe qe benin kontrolle ne tregje per te ndaluar therjen e mishit ne kushte te papershtatshme, ne pluhur e rruge, por edhe ne ato dyqane te mbyllura qe nuk jane per therje.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Thu Oct 04, 2007 4:15 pm

Gjykata e Apelit le ne burg ish drejtorin e Pergjithshem te Rrugeve

Data e Publikimit: 04/10/2007

Gjykata e Apelit ne Tirane ka lene ne masen arrest me burg ish-drejtorin e Pergjithshem te Rrugeve Ilirian Berzanin dhe drejtorin e Drejtorise Juridike Arjan Sheti. Sipas gjykates jane gjetur elemente te vepres penale qe e lejon prokurorine te vazhdoje hetimet e saj ne lidhje me akuzat e shperdorimit te detyres si edhe korrupsionit pasiv te personave qe ushtrojne funksione publike. Por Gjykata e Apelit ka dhene masen e arrestit shtepiak per dy te arrestuarit te tjere specialistet e Drejtorise se Pergjithshme te Burgjeve, Xhevahir Mucogllaven dhe Alban Qafen. Gjykata i ka cilesuar si te padrejte vendimin e dhene nga gjykata e nje shkalle me poshte ne masen e arrestit ne burg per specialistet, te cilet nuk mbanin peshen e fajit si eproret e tyre. Megjithate gjykata nuk i le ata jashte procesit te hetimit duke i lene ne arrestin shtepiak.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Thu Oct 04, 2007 4:22 pm

Greqi: pranga pese shqiptareve per trafik droge

Data e Publikimit: 04/10/2007

Sekuestrohen 7 kilograme heroine ne Edhesa te Greqise, ndersa 5 shqiptare kane rene ne pranga. Policia ka shpallur ne kerkim dy shqiptare te tjere, nderkohe qe mbi keta persona bie akuza per trafik te lendeve narkotike. Policia e shtetit helen nuk ben te ditur identitetin e shqiptareve per shkak te hetimeve.

Policia zbardh dy vrasje te vjetra

Data e Publikimit: 04/10/2007

Policia e Tiranes ka bere te ditur se ka zbardhur dy vrasjeve te ndodhura perkatesisht ne vitet 1994 dhe 1998, ne kryeqytet. Uniformat blu te kryeqytetit ne bashkepunim me Prokurorine e Rrethit Gjyqesor Tirane, ka dokumentuar autoresine e vrasjes me arme zjarri, pas nje konflikti per motive te dobeta, te shtetasit Altin Veraj, 32 vjec, si dhe plagosjes se shtetasit Dritan Gjuzi, 37 vjec, me 28 dhjetor te vitit 1994, ne Tirane. Nderkohe qe, nje tjeter ngjarje e zbardhur dhe dokumentuar teresisht eshte edhe ajo e vrasjes se shtetasit Iliaz Katroshi, 38 vjec, me 17 Qershor te vitit 1998, prane rruges "Mine Peza", ne Tirane.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sun Nov 18, 2007 6:56 pm

Plagos 63-vjeçarin, policia shpall në kërkim autorin

FIER - Një 63-vjeçar është plagosur me armë zjarri dje në orët e para të mëngjesit nga një person ende i paidentifikuar nga policia. Mësohet se ngjarja ka ndodhur dje, rreth orës 05.00, pranë parkut të mallrave në lagjen “1 Maji” të qytetit të Fierit. Burime nga policia pohojnë se një person ende i paidentifikuar ka qëlluar me armë zjarri ndaj Shefqet Trokës, lindur në Kafaraj të Fierit dhe banues në Vlorë. Si pasojë, Troka, i plagosur në këmbën e majtë, është dërguar menjëherë në spitalin civil të qytetit, ku ndodhet jashtë rrezikut për jetën. Mësohet se autori i krimit është larguar me shpejtësi me një automjet tip Benz, pronë e shtetasit Iljaz Çela.

Gjendet pa jetë trupi i vogëlushit të mbytur në kanalin kullues

SHKODER - Mbytet një 4-vjeçar në ujërat e një kanali kullues pranë shtëpisë të tij. Luigj Paloka, 4 vjeç, është gjetur i mbytur në ujë mbrëmjen e së dielës. Ngjarja ka ndodhur të dielën, rreth orës 18.00, në fshatin Juban, ndërsa kishte të paktën katër orë që vogëlushi kërkohej. Fqinjët kanë lajmëruar se e kanë gjetur vogëlushin të mbytur në ujë. Sipas burimeve nga policia, fëmija duhet të ketë hyrë i nxitur nga kureshjta dhe mungesa e kontrollit dhe më pas uji e ka marrë me vete. Thellësia e ujit dhe mosha e vogël kanë qenë, sipas policisë, shkaqet e mbytjes të vogëlushit.

I vjedhin 2000 euro adoleshentit, bien në pranga tre persona

DURRES – Pas tri ditësh, policia vë në pranga autorët e grabitjes së 2000 eurove. Burime nga policia bëjnë të ditur se kanë rënë në pranga Mustref Beqiraj, 21 vjeç, Edmond Hoxha, 24 vjeç dhe 17-vjeçarin me iniciale B.B. të tre banues në Durrës. Arrestimi i tyre u bë për arsye se në bashkëpunim me njëri-tjetrin, më 1 shtator i kanë vjedhur me dhunë shumën prej 2000 eurosh adoleshentit me iniciale O.S., banor i lagjes Nr. 18 në Durrës. Ngjarja ka ndodhur në lagjen Nr. 15 të Durrësit, në momentin kur 13 vjeçari O.S., ishte nisur për në shtëpinë e tij me shumën e parave prej 2000 eurosh me vete. Paratë ia kishte dhënë një i afërm i familjes për t’i dërguar në shtëpi.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sun Nov 18, 2007 6:57 pm

Përfundon në qeli pasi grabiti një person

MIRDITE – Pranga 26-vjeçarit, grabiti një person. Policia e Mirditës arreston Edmond Përbashën, sepse disa ditë më parë i ka vjedhur me dhunë Hil Prendit, nga Puka, një celular, syzet dhe një sasi të konsiderueshme parash. Sipas të njëjtave burime mësohet, se pak ditë më parë, te Ura e Fanit i arrestuari ka dalë përpara Prendit dhe pasi e ka kërcënuar i ka vjedhur atij gjithçka që posedonte. Ndërkohë, burimet pohojnë se pas denoncimit të viktimës, policia ka bërë të mundur identifikimin e autorit e më pas arrestimin e tij. Burime nga uniformat blu të këtij qyteti pohuan, se pas marrjes në pyetje Përbasha ka treguar se kanë qenë shokët e tij ata që e kanë shtyrë për të kryer vjedhjen.

Gjendet e gjallë 20-vjeçarja, jetoi 4 ditë në pyll

KUKËS – Gjendet pas katër ditësh 20-vjeçarja e zhdukur. Burime nga policia e qytetit të Kukësit, pohojnë se është gjetur nga policia, në pyllin pranë shtëpisë, 20-vjeçarja që u largua katër ditë më parë. Pasi është gjetur vajza është ndaluar nga policia, ku ka pohuar se ishte larguar nga shtëpia pasi nuk e linin të fejohet me djalin që donte. Sipas të ndaluarës, ajo ka qëndruar 4 ditë në pyll, ku pas kërkimeve nga policia është bërë e mundur dje gjetja e saj. Pak ditë më parë, familjarët e saj gjetën një letër në shtëpi, ku 20-vjeçarja shkruante se do të mbytej në liqen. Dy orë pas ndalimit familja e vajzës e fejoi vajzën me djalin që dashuronte.

Qëllon për vdekje me mjete të forta nënën, arrestohet

ELBASAN - Forcat e policisë së Elbasanit arrestuan dje, një 37- vjeçar, pasi ka vrarë me mjete të forta nënën e tij. Burime zyrtare nga policia e Elbasanit, pohojnë se ngjarja ka ndodhur dje, kur Edmond Kasa ka goditur me mjete të forta nënën e tij Kalije Kasa, e cila ka gjetur vdekjen e menjëhershme. Sipas të njëjtave burime, mësohet se i arrestuari vuan nga sëmundje psikike, prej së cilës ka qenë i shtruar për t’u kuruar disa herë në spitalin psikiatrik të qytetit të Elbasanit, por që nuk është i pajisur me kartelë. Ndërkohë, pas këqyrjes së kufomës, rezultoi se si pasojë e goditjeve viktima kishte marrë dëmtime epidermike në kokë, në afërsi të veshit të majtë dhe në pjesën e pasme të kokës.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Sun Nov 18, 2007 8:49 pm

Mbajnë fishekë në shkollë, shoqërohen nxënësit

FIER:

Uniformat blu të policisë kriminale kanë ndaluar dhe më pas shoqëruar drejt komisariatit të Policisë Fier tre gjimnazistë, të vitit të parë në Shkollën e Mesme të Përgjithshme “Janaq Kilica”. Ndalimi i tyre është kryer gjatë procesit mësimor dhe lirimi ka ndodhur në orët e vona të mbrëmjes së ditës të premte. Sipas burimeve policore mësohet se rreth orës 15:00 të ditës tre ditëve më parë policia e Fierit është sinjalizuar nga drejtori i shkollës së sipërpërmendur se disa nxënës, të cilët vazhdonin procesin mësimor në turnin e dytë kanë qenë të pajisur me armë zjarri.Uniforma të shumta policore kanë mbërritur në ambientet e shkollës dhe kanë ushtruar kontroll në të gjitha klasat, që po zhvillonin mësimin. Në një nga vitet e para, e pikërisht në të I D, në çantat e tre nxënësve policia ka gjetur disa fishekë pistolete. Denis K., Eriseld Ll. dhe Bleart Xh. kanë qenë tre gjimnazistët që u morën me forcë prej policisë Fierit. Prindërit e tyre, si dhe vetë nxënësit pjesëmarrës në mësim gjatë këtij kontrolli policor, të cilët kanë regjistruar edhe me aparate celularë të gjithë skenën kanë treguar se policia ka përdorur dhunë ndaj të rinjve adoleshentë. “Më kanë rrahur e dhunuar djalin jo vetëm në ambientet e shkollës por edhe në polici. Nëse im bir ka kryer vepër penale ta ndëshkojnë dhe ta ndjekin penalisht jo ta rrahin e dhunojnë” ka thënë Brahushe K, një prej prindërve të një nxënësi të ndaluar. Gjithashtu bashkëmoshatarët e të ndaluarve kanë hedhur akuza ndaj uniformave blu në këtë operacion që sipas tyre kanë bërë terror në shkollë. Lirimi i tyre është kryer rreth orës 21:30 të mbrëmjes së dy ditëve më parë, pas mbërritjes së avokatit mbrojtës të tyre si dhe regjistrimit të deklarimit për gjithë secilin. Po burimet zyrtare kanë pohuar se ndaj tre gjimnazistëve me moshë 15-vjeçare ka nisur procedimi penal në gjendje të lirë për “mbajtje pa leje të municioneve ushtarake”.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Nov 20, 2007 7:01 pm

Vetembytet 17-vjecarja, nuk e linin te vishej si shoqet

E Marte, 20 Nentor 2007

BURREL. Nje 17-vjecare eshte gjendur e vetembytur ne lumin Mat ne oret e para te mengjesit te djeshem. Burimet policore te Burrelit thane se Aida Balliu, banore e fshatit Bater e Vogel te Matit, eshte veteflijuar pas nje konflikti me prinderit per shkak te veshjeve. Pasi ka replikuar me ta, duke u thene se keshtu vishen te gjitha shoqet e saj, gjimnazistja ka dale nga shtepia, duke u zhdukur ne terrin e nates. Familjaret e viktimes kane kerkuar gjithandej, pasi kane pikasur zhdukjen e vajzes se tyre dhe kane telefonuar policine per te sinjalizuar zhdukjen enigmatike te saj. Uniformat blu bene te ditur, se kane ngritur postblloqe ne rruge dhe kane filluar kerkimet pergjate gjithe nates ne brigjet e lumit te Matit, i cili keto dite eshte i fryre nga reshjet e shumta. Vetem dje ne oret e para te mengjesit ne afersi te fshatit Zenisht ne bregun e lumit Mat eshte gjetur trupi i viktimes, qe eshte identifikuar menjehere, se i perkiste 17-vjecares Aida Balliu, qe rezultonte e zhdukur. Adoleshentja ishte nxenese e vitit te trete te shkolles se mesme “Pjeter Budi” ne qytetin e Burrelit. Ajo shkollohej ne kete qytet, duke e bere rrugen me furgona, qe nga fshati ne ardhje e kthim. Mesues te saj u shprehen se ishte nje vajze e urte, e sjellshme dhe qe mesonte dhe se ata nuk kishin vene re asnje shenje qe mund ta conte ate tek ky akt veteflijues. Policia ka ngritur disa pista per kete vetevrasje, duke hetuar kryesisht mbi konfliktin me prinderit per shkak te veshjeve te vajzes. Nderkohe, mesohet se eshte bere keqyrja e vendit te ngjarjes dhe ekspertiza e viktimes, mbi trupin e se ciles nuk jane konstatuar shenja dhune.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Kronikat .... Tue Nov 20, 2007 7:10 pm

“Banda e Nikles”, prokuroria kerkon 91 vjet burg

E Marte, 20 Nentor 2007

Prokuroria e Krimeve te Renda kerkon denimin me nje shekull burg te shtate te pandehurve te grupit, te cilesuar gjate procesit si “Banda e Nikles”. Dje organi i akuzes, i perbere nga kater prokurore, ka paraqitur edhe konkluzionet perfundimtare ne 47 faqe, duke permbledhur edhe veprimtarine perreth 11 ngjarje kriminale dhe ka kerkuar 91 vjet heqje lirie. Mes krimeve edhe atentati i deshtuar ndaj djalit te ish-biznesmenit Abaz Ulliri, i cili mbeti i plagosur dhe grabitja e tre biznesmeneve te tjere. Trupit gjykues te Krimeve te Renda u eshte kerkuar denimi me 16 vjet heqje lirie per Petrit Lleshin dhe Flamur Haken, 15 vjet heqje lirie per te pandehurin Kreshnik Berisha, kater vjet me pak per te pandehurin Mustafa Xheka. Per tre te pandehurit e fundit, akuza kerkoi 13 vjet heqje lirie per Edmond Sinen, nje vit me pak per Agron Tafnin dhe per te pandehurin Ervin Belba, u kerkuan 8 vjet burg. Te pandehurit e kesaj ceshtjeje akuzohen se kane nisur veprimtarite e tyre kriminale ne vitin 1998. Nderkohe qe, sipas dosjes hetimore, kane kryer vepra penale te ndryshme dhe me e renda eshte ajo e vrasjes me paramendim e mbetur ne tentative e djalit te ish-biznesmenit Abaz Ulliri. Nderkohe qe 7 anetaret e kesaj bande akuzohen edhe per vjedhje me dhune te tre kambisteve dhe armembajtje pa leje. Sipas organit te akuzes, te pandehurit u gjykuan per veprat penale te vrasjes, vrasjes se mbetur ne tentative, rrembim dhe mbajtje peng, mbajtje pa leje te municioneve luftarake. Prokuroria ne fund te konkluzioneve kerkoi qe grupi te vuante denimin ne nje burg te sigurise se zakonshme. Ne seancen e radhes, avokatet mbrojtes do te paraqesin edhe konkluzionet e tyre perfundimtare, duke kerkuar denime me te buta dhe pafajesi.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "