Lajme nga kultura...

PearL · Titulli: Re: Lajme nga kultura... Mon Dec 31, 2007 6:10 pm

Baze, doreheqje nga KD i RTSH

Thellohet edhe me shume kriza brenda Televizionit Publik Shqiptar, ne lidhje me akuzat e bera ketij institucioni per shitjen e vendit te pare ne Festivalin 46-te te Kenges ne TVSH. Keshtu, anetari i Keshillit Drejtues te RTVSH-se, Mero Baze, paraqiti dje doreheqjen e parevokueshme nga ky post. Me ane te nje letre, Baze pranon se autoriteti i ketij institucioni publik eshte degraduar dhe se doreheqja e tij do te ndikonte sadopak per te terhequr vemendjen ndaj ketyre ngjarjeve.

“Kam shprese se doreheqja ime do te ndihmoje sadopak ne terheqjen e vemendjes ndaj degradimit te autoritetit te ketij institucioni publik, ne funksion te interesave private te grupeve te caktuara”, theksohet ne doreheqjen e paraqitur Komisionit te Mediave dhe kryetarit te Keshillit Drejtues te RTVSH-se, Agron Tufa. Por, ne kete leter, Mero Baze, si anetar i me shume se nje viti prane Keshillit Drejtues, akuzon se nje pjese e ketij keshilli ka mbeshtetur skandalet e fundit, te lidhura me cmimin e pare dhene ne Festivalin e Kenges ne RTVSH. “Duke qene i pafuqishem te ndikoj ne ndryshimin e kesaj situate, pasi shumica e re ne kete “Keshill” ka mbeshtetur skandalet e fundit publike, sic ishte dhe rasti i Festivalit te 46-te te Kenges, po ju paraqes doreheqjen time te parevokueshme”, thekson Baze ne tekstin e doreheqjes se tij.

Festivali tradicional i fundvitit, i organizuar ne RTVSH, ka ngjallur debate dhe polemika te shumta mes grupeve te ndryshme ne kete institucion dhe me gjere. Replikat dhe debatet duket se jane shtuar per faktin se kenga fituese e ketij festivali ka te drejten ekskluzive te perfaqesoje Shqiperine ne Eurovizion qe vitin tjeter pritet te mbahet ne Serbi. Ndonese ne vendet fqinje dhe te tjera konkurrente nuk eshte domosdoshmerish e aplikueshme qe te shkoje ne Eurovizion kenga fituese e nje ballafaqimi kombetar, por kenga me e votuar ne publik, debati ka shperthyer mes Edmond Zhulalit, autorit te kenges, qe zuri vendin e dyte, te kenduar nga Flaka Krelani dhe Doruntina Disha, dhe dy nga anetaret e jurise, kineastit Xhuvani dhe kengetarit shume te ri, Alban Skenderaj, te cilet pas “zero” pikeve per kete kenge, sipas akuzuesve, favorizuan kengen e cmimit te pare te kenduar nga adoleshentja Olta Boka.

Lenda:
Doreheqje nga detyra e anetarit te Keshillit Drejtues te RTVSH

Drejtuar:
KOMISIONI PER EDUKIMIN DHE MJETET E INFORMIMIT PUBLIK Kuvendi I Shqiperise

Per dijeni:
Z. Agron Tufa, kryetar i Keshillit Drejtues te RTVSH

Tirane me 26 dhjetor 2006

I nderuar zoti Kryetar!

Me lejoni t’u paraqes doreheqjen time nga detyra e “Anetarit” te Keshillit Drejtues te RTVSH. Per me shume se nje vit si anetar i ketij Keshilli, jam perpjekur t’i qendroj besnik idese sime per te ndryshuar RTVSH ne funksion te rritjes se besueshmerise se tij ne publik dhe nje drejtimi te ndershem e transparent. Zhvillimet e fundit ne RTVSH, na bejne pergjegjes te gjitheve per deshtimin tone.

Duke qene i pafuqishem te ndikoj ne ndryshimin e kesaj situate, pasi shumica e re ne kete “Keshill” ka mbeshtetur skandalet e fundit publike, si c’ishte dhe rasti i Festivalit te 46-te te Kenges, po ju paraqes doreheqjen time te parevokueshme.

Me shprese se doreheqja ime do te ndihmoje sadopak ne terheqjen e vemendjes ndaj degradimit te autoritetit te ketij institucioni publik, ne funksion te interesave private te grupeve te caktuara, me lejoni t’iu shpreh mirenjohjen time, nje pjese te madhe te gazetareve te RTVSH dhe ekipit te ri drejtues, ne perpjekjet e tyre per ta ndryshuar kete situate. Une do te vazhdoj tashme betejen time si gazetar, per te qene ne anen e atyre qe duan ta ndryshojne realisht kete institucion ne interes te publikut.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Lajme nga kultura... Mon Dec 31, 2007 6:10 pm

Absurdi i lenies jashte te ajkes se kengetareve

Festivali i sivjetshem i Kenges ne Radiotelevizionin Shqiptar, ngjarja kryesore e muzikes shqiptare, do te mbahet mend per "skandalin e largimit te shumeperfolur te emrave me te njohur. Nje festival qe sapo mbaroi, Policia e Shtetit ftoi te behen denoncime per abuzim me seleksionimin e kengeve.

Shtypi publikoi pa vonese incidentet dhe deklarimet e kengetareve. “Akullin” e para e theu Rovena Dilo. Naten e pare, ajo u paraqit me “Rrefimin”, nje kenge qe kritiket e vleresuan gjeresisht gjate provave, duke kembengulur se ajo ishte e denje per Eurovizion 2008. Menjehere pas prezantimit te kenges, nen urimin per Kosoven e pavarur, qe Dilo beri para se te kendonte ne Pallatin e Kongreseve, erdhi skualifikimi. Nje vendim qe u cilesua absurd nga kengetarja. Ne fakt, skualifikimi u cilesua ne forumet vendase jo vetem si skandal, por dhe paracaktim pro-serb. “Eshte larguar nga nata e me te mireve nje produksion qe vinte nga Kosova, ashtu si dhe kenge e kengetare nga Prishtina”, kembengulet ne forumet e internetit. Kurse menjehere pas Dilos, u zbulua ne shtyp dhe abuzimi me Manjola Nallbanin. Kjo e fundit, denoncoi “mafiozet e Festivalit”. Te cilet sikunder evidentoi, i shkaterruan paraqitjen fonike, fare hapur, ne menyre te qellimshme.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Lajme nga kultura... Tue Jan 15, 2008 7:06 pm

KATEDRALJA: 150 vjet nga guri i pare ne Shen Shtjefen
15-01-2008

Dje gjate shugurimit te katedrales se Shkodres

Shkodër- Shugurohet kisha Katedrale e Shën Shtjefnit në qytetin e Shkodrës, e njohur dhe si kisha e madhe. Është 150- vjetori i vënies së gurit të parë të themelit, më 1858, që solli në Shkodër dhe të dërguarin e Vatikanit, kardinalin Franc Rode, i cili në predikimin e tij kujtoi se kjo kishë katedrale është dhunuar disa herë nga sundues dhe pushtime të ndryshme, ndërsa herën e fundit ajo u shndërrua në një pallat sporti, për tu rikthyer edhe një herë në objekt fetar në fillim të viteve ‘90-të. Ai kujtoi se kjo kishë u bë një tempull i qëndresës ndaj shtypjes. Ardhja e Atit të Shenjtë, Gjon Pali i Dytë në Shqipëri, në prill 1993 dhe mbajtja e një meshe, po në këtë tempull duke shuguruar dhe katër ipeshkvit e parë shqiptarë të periudhës pas komunizmit dhe lirimit të fesë pati edhe një ngjarje tjetër, bekimin e altarit, ndërsa dje u shugurua e gjithë kisha. Presidenti i Konferencës Ipeshkvnore Shqiptare, Imzot Rrok Mirdita, në fjalën e tij rikujtoi ardhjen e Papa Gjon Palit të dytë dhe meshën historike në këtë kishë. Të pranishem në meshën e shenjtë dhe kryerjen e ritit përkatës ishin përfaqësues të Komunitetit Musliman Shqiptar, atij ortodoks, ambasadori italian në Shqipëri, konsulli italian në Shkodër, përfaqësues të Presidencës e të tjerë. Kisha Katedrale e Shkodres i është kushtuar Shën Shtjefnit, i pari martir. Një dëshmi e çmuar për këtë është vepra e meshtarit dhe humanistit Marin Barleti, i njohur në historinë dhe në kulturën shqiptare, duke përshkruar rrethimin e Shkodrës. Besimtarët shkodranë kërkuan që të ndërtohej një kishë katedrale, duke i dërguar një kërkesë për leje sulltanit në Stamboll në vitin 1851. Punimet filluan pas 7 vitesh, më 7 prill të vitit 1858 në praninë e guvernatorit të Shkodrës, Ali Pashës. Katedralja e Shkodrës, e rrethuar prej ushtrisë malazeze, 1912-1913, u bombardua nga goditjet e artilerisë malazeze, ku mjerisht predhat goditën katedralen. Më 7 mars 1991, u rihap katedralja nga françeskani At Aleks Baqli. Mesha e parë postkomuniste u kremtua nga dom Zef Simoni, me meshtare të tjerë me praninë edhe të Nënë Terezës. Me rihapjen e katedrales në vitin 1993 përfundoi dhe restaurimi i saj. Kisha Katedrale e Shën Shtjefnit në Shkodër është tepër e njohur në të gjithë rajonin dhe ndër kishat më të mëdha të besimit katolik në këtë rajon.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "

PearL · Titulli: Re: Lajme nga kultura... Tue Jan 15, 2008 7:07 pm

Sekretet e kalendarëve artistikë
15-01-2008

Institucinet kulturore hartojnë kalendarët për vitin 2008. Fundi i javës që vjen shënon ngjarjet e para artistike

Institucioneve kulturore iu del pak më vonë se të tjerëve “pija” e festave të fundvitit. Edhe pse 2008-a është ulur këmbëkryq prej gati dy javësh dhe njerëzit u janë kthyer punëve të përditshme, sikur asgjë të mos kishte ndodhur, qendrat kulturore i kanë ende dyert e mbyllura. Duhet të presim edhe disa ditë të tjera deri sa të mund të shohim një ngjarje kulturore. Kështu, dyert e Teatrit Kombëtar do të hapen në fund të javës që vjen me dramën “Pamje nga ura” me regji të Albert Mingës, ku interpreton aktori Timo Flloko. Drejtori i TK-së, Kristaq Skrami, thotë se me gjithë shikueshmërinë rekord që ka pasur kjo dramë, ka ende kërkesa të shumta. Më tej kalendari do të vazhdojë me dramën “Këmbanat e muzgut”, me regji të Alfred Bualiotit dhe Anton Qesarit, për të hyrë në territorin e premierave. Do të jetë “Franku V” me regji të Arben Kumbaros, që do të ngrejë siparin e vënieve të reja. Më tej pritet ende të vendoset. Janë në garë për të hyrë në kalendarin e premierave dramat fituese të Festivalit të dramës shqipe, ndërsa priten të vijnë në Tiranë dy regjisorë të huaj që do të ngjisin në skenë një Antikitet dhe Shekspirin. Kalendari i shfaqjeve në Teatrin Kombëtar të Operës dhe Baletit hapet në 18 janar me një koncert “Gala”. Është fillimi i një serie prej 8 koncertesh, të titulluara “Koncertet e dimrit”, në bashkëpunim me Ansamblin Popullor, me pjesëmarrjen e solistëve të orkestrës së TKOB dhe Trupës së Baletit. Sipas zyrës së shtypit të TKOB, këto koncerte do të zhvillohen gjatë muajve janar dhe shkurt, duke i paraprirë kështu vënies në skenë të veprave të mëdha, kombëtare dhe të huaja, premiera dhe repertor. Flitet për një vit “ambicioz”, që përkon me 55 -vjetorin e krijimit të TKOB si dhe me vitin e Pucinit. Në programin e mbrëmjes së 18 janarit parashikohen të interpretohen pjesë nga operat “Makbeth ”, “Traviata”, “La Boheme”, “Aida”, si dhe pjesë koreografike të zgjedhura.
Në galerinë Kombëtare të Arteve ngjarje të reja do të shohim në muajin shkurt. Në 14 janar ndahen çmimet e Konkursit Ndërkombëtar “Onufri”, ndërkohë që ekspozita do të qëndrojë e hapur deri në datën 30 janar. Kalendari mësohet të hapet me një ngjarje të rëndësishme, e cila vjen për herë të dytë në Tiranë, "World Press Photo". Fotografitë më të mira të realizuara nga fotografë e agjenci fotografike, që kanë mbushur gazetat e huaja gjatë vitit 2006, do të ekspozohen në ambientet e GKA-së. Kalendari i këtij institucioni ende nuk është shpallur zyrtarisht, edhe pse tashmë është vendosur nga këshilli artistik i Galerisë. Mësohet se këtë vit (në shtator) rikthehet konkursi Ndërkombëtar i Fotografisë, “Marubi”, i cili nuk u zhvillua gjatë vitit 2007. Do të vijojnë aktivitetet e përhershme si "Onufri 2008", "Pranverë(08) në muajin prill, "Nëntori 2008". Ndërsa gjatë vitit do të ketë ngjarje në bashkëpunim me artistë të huaj e shqiptarë, si ekspozita Gjermane e “Westfalise” në muajin mars, "Nothing to lose", Ekspozita me artistë bashkëkohorë të Europës Juglindore, në muajin maj. Në muajin qershor vjen në Tiranë një grup artistësh izraelitë. Do të ketë ekspozita me artistë të huaj si Christian Tanhauze, Ritva Luukkannen, Wim Couvers. Ekspozita retrospektive me veprat e Ibrahim Kodrës, Jakup Kerraj e Sadik Kacelit. Ekspozita me artistët Naxhi Bakalli, Anastas Kostandini, Bashkim Ahmeti, Gjelosh Gjoka, Anila Rubiku, Ilir Zefi, Agim Sula, Gani Gashi, Suzana Ligoreci, Miradije Ramiqi, Afrim Spahiu.
Kalendari i aktiviteteve pritet të hapet edhe në Muzeun Historik Kombëtar. Sipas drejtorit të MHK-së, Beqir Meta, ngjarja e parë është ekspozita dokumentaro-fotografike për Kongresin e Manastirit. Edhe pse Kongresi është mbajtur në nëntor, si një ngjarje e madhe, që këtë vit ka 100-vjetorin, është menduar të hapë kalendarin. Ngjarje të tjera të mëdha që janë parashikuar është 80-vjetori i krijimit të Mbretërisë shqiptare, që sipas Metës shënon një moment të rëndësishëm në formimin e shtetit. Do të përkujtohet me një ekspozitë edhe Lidhja Shqiptare Prizrenit, etj. Të gjitha institucionet duket se e kanë përcaktuar kalendarin e vitit, veçse që të fillojë duhet të presim edhe disa ditë.

_________________
Do Te Kisha Dashur , Te Shkrihesha Ne Trupin Tend , Si Bora Ne Diell , Per Te Rreshkitur Embelsisht , Pergjate Shpatullave Te Tua , Dhe Te Te Pershperisja Embel : " SA SHUME TE DUA < L > "