Kuriozitete Mbi Astronomine

Titulli: Kuriozitete Mbi Astronomine Fri Oct 05, 2007 12:51 am

Astronomët kanë gjetur një toke te mundshme jashtë sistemit tonë diellor, një botë tjetër e cila mund te ketë ujë qe rrjedh ne sipërfaqen e saj.

Orbita e planetit yllit gliese 581, është 20.5 vjet drite larg konstelacionit Peshorja.

Shkencëtaret e bene ketë zbulim duke përdorur Teleskopin Eso3 .6 metra ne Kili.
Ata thonë se temperaturat e studiuara ne planet tregojnë për ekzistence te ujit qe mund te ekzistoje ne formë likuide dhe kjo rrit shanset qe mund te ketë edhe jetë bimore.

Kemi studiuar qe temperatura kryesore e kësaj super toke është mes 0 dhe 40 gradëve celcius dhe uji mund te jetë ne gjendje likuide –shpjegon Stefani Adri e Observatorit te Gjenevës autore drejtuese e fletës se raportit te rezultateve

Për me tepër mendohet se ne ketë planet mund te ketë shkëmbinj si te tokës tonë ose e mbuluar me oqeane.
Ksavier Delfons një anëtari skuadrës se universitetit te Grenobles shtoi se uji i lëngshëm është kritik për jetën mesa dimë ne.
Ai beson se planeti tani mund te kthehet ne shënjestër shumë te rëndësishme për misionet e ardhshme hapësinore qe i kushtohen kërkimeve për jetën jashtë tokës.
Këto misione do të vendosin teleskopë ne hapësire me anë te se cilëve do mund te ndjekin zhvillime te mundshme biologjike.
Vëzhguesit do të përpiqen te identifikojnë gjurme te gazrave atmosferike siç është Metani, gjithashtu dhe për tregues te tjerë siç është klorofili pigmenti i cili ne planetin e tokës tonë luan një rol te rëndësishëm për fotosintezën.

Titulli: Re: Kuriozitete Mbi Astronomine Fri Oct 05, 2007 12:51 am

Ufot shfaqen ne qellin e honoluluse

eshtë e vështirë të tërheqësh vëmendjen e një sërfisti nga vala e radhës, por çfarëdo të ketë fluturuar në qiellin veriperëndimor të premten pasdite, rreth orës 6.20, tërhoqi turma përgjatë plazhit Kewalo Basin dhe Ala Moana.
Çfarë ishte?
Një banor i Honolulusë, Peter Hollingworth përshkroi dy drita që vinin rrotull në qiell, rreth 45 gradë mbi horizontin. “Këto dy lëmshe të zjarrta, me një vijë prapa tyre, dukeshin se do të zgjasnin pak, por vazhdonin të fluturonin. Ato ndryshuan drejtim disa herë, në fillin afroheshin dhe largoheshin, më pas u zhdukën dhe dolën përsëri”, rrëfen Hollingworth. Ai po lundronte me djalin 12-vjeçar kur kjo shfaqje e papritur filloi. “U shqetësova pak. I thashë atij të afrohej dhe të ulej pranë meje, pasi mendova se do të ishte hera e fundit që lundronim së bashku për shkak të kësaj gjëje të çuditshme që po afrohej në Honolulu. Dukej e llahtarshme dhe unë u drodha”. Shërbimi Kombëtar i Motit thotë se asgjë e pazakontë nuk u shfaq në radarin e tyre gjatë kohës kur u shfaq ky objekt i paidentifikuar dhe Administrata Federale e Aviacionit nuk raportoi asgjë të pazakontë. Ushtria amerikane kreu një test mbrojtjeje me reaktivë në Kauai të premten mbrëma, por testi filloi në orën 7.20 të pasdites. “Ky në një farë kuptimi, është një objekt i paidentifikuar”, thotë profesori i astronomisë në Universitetin e Hauait, Gareth Wynn-Wiliams. “Është diçka në qiell që lëviz dhe që ne ende s’e kemi identifikuar”.
Shpjegimi
Wynn-Williams beson se fshihet një shpjegim i thjeshtë prapa ufo-ve. Profesori thotë se aeroplanët që djegin karburante me bazë hidrogjeni, një nga nënproduktet është dhe uji. Kur ajri është i ftohtë, uji kondensohet dhe formon pika që qëndrojnë prapa tij derisa ngrohen dhe avullojnë. Ai dyshon se krijesa të vogla jeshile nga Marsi fshihen prapa ufove. Disa njerëz mendojnë ndryshe nga shkencëtarët dhe dëshirojnë të shohin shpjegimin më drithërues e më fanta-shkencor. Këta njerëz preferojnë të mendojnë se janë krijesat e vogla jeshile, por kjo ka shumë pak gjasa. Sipas raporteve të publikuara, kjo nuk është hera e parë që një ufot tërheqin vëmendjen e banorëve të Hauait. Në dhjetor të vitit 2004, një vijë e pashpjeguar drite u kap nga një kamera në Haleakala, që lëvizet në jug-përëndim dhe veri-lindje. Ende nuk është dhënë një shpjegim zyrtar për atë objekt të paidentifikuar.

Titulli: Re: Kuriozitete Mbi Astronomine Fri Oct 05, 2007 12:53 am

E veçantë, një 16-vjeçar nga Shqipëria, me banim në Greqi, viziton NASA-n

Për 10 ditë rresht, 16-vjeçari Nestor Kalloshi do të bëjë realitet ëndrrën e tij për të fluturuar drejt NASA-s. Gjimnazisti shqiptar do të ketë mundësinë të futet në qendrën më të madhe botërore, në laboratorin e përgatitjes së astronautëve. Nestori do të ndihet krenar me veten e vet sepse do të jetë i vetmi ndër moshatarët e tij në Shqipëri si dhe në Greqi, ku ai sot jeton së bashku me prindërit, që do të ketë mundësinë të bëjë eksperimente njësoj si ato që bëjnë astronautët.
Të gjithë moshatarët do ta kishin zili Nestorin për fluturimin e tij së shpejti drejt NASA-s. Gjimnazisti me origjinë shqiptare do të ketë mundësinë të shikojë dhe të jetojë nga afër ato që ka mësuar gjatë viteve të shkollës në dhomat eksperimentale të laboratorit më të madh botëror. Ai do të ketë fatin të futet në dhomat ku forca e rëndesës do të jetë zero dhe do t'i jepet mundësia të bëjë eksperimente për 10 ditë rresht, njësoj si dhe astronautët e rinj që përgatiten në Qendrën Eksperimentale në Alabama për të fluturuar drejt hapësirës.
E gjithë Greqia flet sot për 16-vjeçarin nga Shqipëria që së shpejti do të realizojë një nga ëndrrat më të mëdha.
Nestori u bë i njohur edhe nga dritat e kamerave të kanaleve më në zë të televizionit grek. Kanali televiziv MEGA vetëm para dy ditësh ka transmetuar për gati 30 minuta të gjitha dyshimet që ka pasur Nestori që në fëmijërinë e tij rreth astronomisë, dyshime këto që e kanë zhytur Nestorin që në moshën 7 – vjeçare të udhëtojë në pafundësinë e shkencës së astronomisë duke gëlltitur çdo dije në këtë fushë.
I ftuar në emisionin televiziv të mëngjesit “Shoqëria ora 8”, me drejtues Dhimitris Kaburaqis dhe Stratis Liaresis, gjimnazisti Nestor Kalloshi ka mundur të befasojë me intelektin e tij, që i kalon kufijtë e moshës 16 –vjeçare, jo vetëm prezantuesit e emisionit “Shoqëria ora 8”, por edhe të gjithë teleshikuesit anembanë Greqisë.
Nestori arriti të ngacmojë edhe sedrat e shumë moshatarëve të tij me privilegjin që mundi të fitojë, falë punës dhe vullnetit të tij, biletën e udhëtimit drejt NASA-s.
I ardhur në Greqi vetëm pak vite më parë, Nestori së bashku me familjen e vet u shpërngulën nga Shqipëria për një jetë më të mirë. Me vete Nestori mori dëshirën e madhe dhe këmbënguljen për të studiuar gjithçka që ka të bëjë me astronominë, duke nënvizuar çdo frazë që atë nuk e bindte dhe duke i mbledhur të gjitha dyshimet e tij në një bllok të vetëm.

Titulli: Re: Kuriozitete Mbi Astronomine Fri Oct 05, 2007 12:53 am

Shkencetaret e agjencise amerikane te hapesires, Nasa po i gëzohen suksesit te rrallë te misionit ne Planetin Mars. Pas një udhëtimi prej 500 milione kilometrash, sonda amerikane Spirit u ul te shtunën e kaluar ne planetin e kuq dhe thuajse menjehere filloi te dërgoje ne toke fotografi te planetit. Fillimisht sonda dergoi fotografi bardh e zi qe tregonin siperfaqen e sheshte te planetit Mars dhe me pas filluan te mbrinin fotografite me ngjyra qe tregonin vendin e uljes se sondes. Sonda Spirit u ul ne siperfaqen e Marsit te shtunën, pak para mesnates, e mbeshtjelle me jasteke ajri, për te mbrojtur pajisjet e saj delikate nga demtimet e mudeshme. Spirit është sonda e pare robot nga dy te tilla qe do të eksplorojne siperfaqen e Marsit për 90 ditë, duke mbledhur dhe analizuar mostra te gureve te planetit si dhe do të kërkojnë te dhëna për gjurme uji, element kyç ky për jetën.

Shkencetaret e NASA-s mendojnë se nga analizimi me imtesi i gureve te Marsit mund te dalë se shumë kohe me pare, ky planet ka qenë i ngrohte dhe me lageshti, kushte te pershtaeshme për ekzstencen e jetës. Sonda e dytë, e quajtur Opportunity do të ulet ne anën tjetër te Marsit pas tri javësh. Ulja me e sondes amerikane ne Mars cilesohet nga shkencetaret si një suskes i rrallë. Ajo vjen pas deshtimit te një misioni te ngjashem nga ana e Agjencise evropiane te hapesires ne prag te vitit të ri. Ndërkohë, një anije orbitale ka hyrë tashmë ne atmosferen plot pluhur e gaz te një komete, ku Nasa shpreson se do të mbledhe e sjelle ne toke grimca atmosferike te mbetura qe nga periudha e krijimit te sistemit tonë diellor afro 4 presje 6 miliarde vjet me pare. Shkencetaret gjithashtu mendojnë se pluri yjor përmban molekula organike te nevojshme për jetë, molekula te cilat kometat kanë leshuar ne planetin tonë miliarda vjet me pare. Agjencia amerikane e hapesires ka planifikuar qe anija e hapesires te sjelle ne toke edhe 72 fotografi te brendesise se kometes me siperfaqe prej 5 kilometrash katrore.

Titulli: Re: Kuriozitete Mbi Astronomine Fri Oct 05, 2007 12:55 am

Një ekip shkencëtarësh nga Shtetet e Bashkuara dhe Kanadaja ka gjetur fakte të reja shqetësuese lidhur me shkrirjen e shpejtë të akullit në Arktik.

Faktet e prezantuara në mbledhjen e unionit Unionit Amerikan për Gjeofizikën në San Francisco, sugjeruan se sipërfaqja e akullit që qëndron e ngrirë gjatë të gjithë vitit, mund të zhduket deri në 2040.

Zvogëlimi i akullit të Arktikut në vitet e fundit është shoqëruar me paralajmërimet se ai shpejt do të arrijë një pikë pa kthim.

Dy informacionet e reja të prezantuara gjatë takimit i bëjnë shkencëtarët më të sigurt se moementi kulmor për akullin e Arktikut është shumë i qartë në horizont.

Në muajin nëntor të këtij viti, Arktiku kishte 2 milion kilometra katror akull më pak se ç'duhet të kishte mesatarish dhe modeli i ri i asaj që mund të ngjasë me oqeanin në dekadat e ardhshme është se oqeani mund të jetë pa akull deri në vitin 2040.

Disa shkencëtarë besojnë se kjo mund të ndodhë më shpejt.

Problemet e Arktikut janë theksuar nga ai që njihet si mekanizimi kundërpërgjegjës.

Kjo do të thotë se ndërsa temperatura në rritje shkrin më shumë akull, atëherë më shumë rreze dielli përpihen nga sipërfaqja me ujë, dhe ujrat e ngrohta shkrijnë më tepër akull

Titulli: Re: Kuriozitete Mbi Astronomine Fri Oct 05, 2007 12:56 am

Mjaft ambicioz projekti i shpallur së fundmi nga gjigantja amerikane e softuerëve "Microsoft". Një prototip kompjuteri që arrin të përshkojë hapësirat kozmike duke hyrë mes mjegullnajave, reve të hidrogjenit, duke iu afruar planetëve e yjeve. Një kompjuter ku do të arrihen të mblidhen të gjitha të dhënat mbi kozmosin që ekziston deri më sot, e që do të kenë shansin t‘i shfrytëzojë kushdo. Diçka të përngjashme me përpunimin grafik, që tashmë e njohin të gjithë mirë, të "Google Earth", harta tredimensionale që na jep pamje të mrekullueshme e me saktësi të habitshme të qosheve më të largëta të planetit tonë.

Ideja që qielli mund të "rrëmohej" më mirë brenda mendjes së një kompjuteri se sa nga syri i teleskopëve ishte parë prej vitesh me shumë interes nga Jim Gray, eksperti i madh i teorive të databeisit. Por, për fat të keq nuk mundi t‘i çonte përpara kërkimet e tij, për shkak të një aksidenti tragjik që i mori jetën në det.

"Xhimit i pëlqente të tregonte dy grafikë", tregon kolegu i tij, Kurtis Uong: "Në të parin vërehet se si hapësira që kontrollohet nga teleskopët botërorë dyfishohej çdo 25 vite. Në të dytin, që falë përdorimit të teknologjive të avancuara dyfishohet çdo vit". Nga qielli bien rrebeshe të tëra me të dhëna, fluks që gjatë kohëve tona rritet me ritme eksponenciale. Për shembull, "Sloan Digital Sky Surveyer", një prej projekteve më të avancuara për krijimin e hartave qiellore, ka arritur të grumbullojë 9 terabajt imazhe (një terabajt është i barabartë me një mijë gigabajt). Ndërkohë që brezi i ardhshëm i teleskopëve premton të grumbullojë informacion me patabajt (një petabajt është i barasvlefshëm me një milion gigabajt). Si mund të analizohet kjo sasi e stërmadhe informacioni?

Po shkohet drejt bashkimit të këtyre arkivave gjigante dixhitale, për të krijuar një memorie kolektive qiellore, që mund të analizohet më pas nga çdo shkencëtar. Doktor Grey kishte parashikuar një rol gjithnjë e më të rëndësishëm të softuerëve në këtë fushë studimi: një lloj të ri kërkimi që përdor programe algoritmike për t‘i distiluar automatikisht zbulimet e mundshme. Por gjetja që e bën "World Wide Telescope" (kështu quhet projekti) eksperiment unik ka të bëjë me zgjedhjen që këto të dhëna do t‘i kenë në dorë, përveç profesionistëve, edhe një mori amatorësh e të pasionuarish.

"Astronomia është shkenca më e përhapur në publikun e gjerë", shpjegon doktor Milan Maksimoviç, astrofizikan në Observatorin e Parisit: "Ndoshta pasi na vë përpara pyetjeve aq të rëndësishme, siç është, lindja e universit, si ka lindur jeta etj. Ndoshta ngaqë dëshira për të vështruar yjet ka lindur bashkë me njeriun. Numërohen qindra mijëra astronomë në të gjithë rruzullin".

Vetëm në Shtetet e Bashkuara të Amerikës mendohet se çdo muaj mbahen të paktën 100 evenimente sociale të organizuara nga grupe astronomësh amatorë. Tradita e "festave të yjeve", gjatë të cilave pjesëmarrësit takohen në vende larg qendrave të banuara për të kundruar qiellin përmes teleskopëve të vegjël, nisi në vitin 1923 në Vermont. Hobi për astrologjinë është gjithashtu mjaft i përhapur në Gjermani, Japoni e Angli, por të pasionuar gjenden në të gjitha kontinentet. Ky bum i detyrohet në masë të madhe mundësive që ofron teknologjia dixhitale. Përdorimi i sistemit GPS dhe lap-topëve, të cilët koordinohen e bashkërendohen në distancë, kanë lehtësuar mundësitë e drejtimit të shumë teleskopëve njëherësh drejt një pikë të caktuar të qiellit. Nuk është më nevoja as për përllogaritje të komplikuara apo për të tërhequr pas vetes manuale të panumërta: mjafton të shkruash koordinatat në kompjuter dhe gjithçka kryhet automatikisht. Nga ana tjetër, imazhet, të cilat mund të dokumentohet shumë më lehtë, falë teknologjisë dixhitale, mund të dërgohen te të tjerët apo të publikohen nëpër site. Komunikimi me këdo tjetër që ka këtë pasion është mjaft i lehtë, pavarësisht se vendet mund të jenë mjaft larg nga njëri-tjetrin.

E bukura është se sot astronomia është ndoshta e vetmja shkencë ku amatorët mund të kontribuojnë në mënyrë aktive dhe mjaft të vlefshme. Mes shumë rasteve për t‘u përmendur është ai i pak kohëve më parë, kur Vivian Hoette, e Observatorit Jerkes të Uinskonsinit, teksa kontrollonte imazhet e dërguara nga Robert Holmes, një i pasionuar pas astronomisë, arriti të zbulonte një supernova. "Në fushën e të ashtuquajturve objekte të dobëta, siç janë supernovat, kometat e asteroidet, pjesa më e madhe e zbulimeve të reja vijnë pikërisht falë astrologëve amatorë", konfirmon doktor Maksimoviç, i cili shton edhe një fakt mjaft interesant: "Mënyra si punojmë po ndryshon rrënjësisht. Janë një seri e gjatë punësh rutinë, të cilat u delegohen operatorëve të specializuar, ndërkohë që vetë shkencëtari mund të jetë në anën tjetër të planetit".

Çdo të ndodhë kur këta mijëra e mijëra të pasionuar do të kenë mundësinë të shfrytëzojnë potencialin e "World Wide Telescope". Ka të ngjarë që shumë do të rrudhin hundët kur diletantët e qetë do të arrijnë të shohin diçka që u ka shpëtuar profesionistëve. Për Fedrika Raia, vulkanologe pranë Kolegjit të qytetit në Nju-Jork, e përfshirë në mënyrë mjaft aktive në debatin mbi krizën e edukimit shkencor, është e sigurt për një gjë: "Kur të rinjtë të kenë mundësinë të manipulojnë të dhëna të vërteta, kur të arrijnë t‘i shohin personalisht ndërthurjet mes tyre, vetëm atëherë do të mësojnë çdo të thotë me të vërtetë të kryesh kërkime shkencore". Në rast se më pas arrijnë apo jo të zbulojnë ndonjë kometë të re, kjo nuk ka shumë rëndësi: mënyra si do të shohin botën (në këtë rast qiellin), nuk do të jetë kurrë më ajo e mëparshmja.

Titulli: Re: Kuriozitete Mbi Astronomine Fri Oct 05, 2007 12:58 am

Astronautët e ardhshëm që do të fluturojnë drejt hapësirës, do të jetojnë në çadra, si në ndonjë kamping. NASA, Agjencia Hapësinore Amerikane, e trajton këtë si një variant plotësisht të mundshëm dhe po paraqet qysh tani prototipa kampingjesh, por shumëkush nga specialistët thotë se kjo zgjidhje ndoshta nuk është shumë probabël dhe e sigurt. Por me ç‘duket ka ardhur koha që ëndrrat të bëhen realitet. Për shumë specialistë të tjerë, në këtë version, çdo gjë duket më se e mundur: kupola gjysmëcilindrike për gatim, cilindra gjigantë hekuri dhe blloqe lunare banimi. "Science-Fiction" e dinte prej dekadash se si do të dukeshin kolonitë njerëzore në hënë. Por si mund të bëhej kjo realitet? Në studimet e përpunuara nga Agjencia Amerikane e Hapësirës, NASA, po punohet me zell për t‘i dhënë përgjigje pyetjes se si do të dukej vendbanimi i parë në hapësirë i njeriut: pionierët e hënës, do të ndiheshin pastaj si ekskursionistë me helmetë. Sipas planeve aktuale, misionet në hënë- të cilat kurrësesi nuk do të nisin para vitit 2020 -do të jenë të pajisura me ekipe të përbëra nga katër persona. NASA flet aty për "vizita të shumta ditore në hënë", që do të zgjasin me shumë gjasa nga 14 ditë deri në dy muaj e ndoshta edhe një gjysmë viti. E madje këtu do të futeshin në përdorim edhe "furnizimi me energji elektrike, makinat ‘Rover‘ për shembull e kuartiere të vërteta banimi". Dhe pikërisht këtu hasim në problemet e para: astronautët e parë të rinj do të kenë në dispozicion shumë pak vend për bagazhe dhe do të duhet të përgatisin dikur edhe kampet për misionet e reja të kolegëve të tyre nga tokësorë. Për këtë arsye, NASA po provon në qendrën e saj kërkimore e eksperimentale "Langley", në shtetin federal amerikan të Virginia-s, vendbanimet e para e mënyrën e jetësës në të ashtuquajturat "Inflatables". "Inflatables mund të përdoreshin si tunele lidhjeje mes kuartiereve me ekipe njerëzish dhe si vendstrehime për t‘u ruajtur nga rrezatimi, nëse ato mbulohen me pluhur hënor", thotë Chris Moore, përgjegjësi për zhvillimin teknologjik në programet në hënë pranë NASA-s. Një prototip i gatshëm është bërë gati ndërkohë në "Langley": 3,65 metër është perimetri i kapsulës cilindrike. NASA e kishte prezantuar teknologjinë e re hënore zyrtarisht në muajin dhjetor të vitit që shkoi. Baza e re e ngritur rishtazi do të duhej t‘u shërbente kësisoj kërkimeve në hapësirë dhe zgjerimit të civilizimit human, tha për gazetarët zëdhënësja e NASA-s, Shana Dale, në Houston. E vendi i mundshëm për bazën në fjalë do të ishte Poli i Jugut i Hënës, pasi atje haset një ndriçim më i gjatë i diellit.

Titulli: Re: Kuriozitete Mbi Astronomine Fri Oct 05, 2007 12:58 am

Siç e dimë planeti Toke është një pjesë e Sistemit Diellor.Ky sistem formohet nga nëntë planete, te cilët sillen rrotull diellit se bashku me 54 satelite të tyre. Toka është planeti I tretë afër diellit.
Fillimisht le të konceptojme madhesine e këtij sistemi.Diametri I Diellit është 103 herë me I madh se ai I tokes.Le ta shtjellojme këtë me një krahasim: Nëse diametrin e tokes prej 12.200 km do ta sillnim ne madhesine e një zari te vogël, Dielli do të merte një permase me te mëdha se një glob, gjegjesisht sa dy topa futbolli. Interesante është edhe largesia ndermjet tyre për te formuar një model koncis me dimenzionet reale, largesia e zarit te vogël nga globi duhet te jetë 280m.Ndërsa ato planete orbita e te cileve është me larg Diellit, duhet t'I vendosim me kilomatra larg.
Ky dimenzion kaq gjigant I Sistemi Diellor qëndron shumë modest ne raport me galaktiken "Rruga e Qumeshtit" ku ndodhet. Sepse ne galaktiken ekzistojene 250 miliard yje tjera me madhësi shumë me te madhe se sa Dielli.Ylli me I afert me Diellin është Alfa Centauri. Nëse do të vendosim edhe Alfa Centaurin ne maketin qe vendosem Token dhe Diellin atë do ta vendosnim 78.000 km larg globit qe perfaqesonte Diellin.
Le ta zvogelojme disi këtë model. Toka le të jetë një grimce e vogël pluhuri,e cila mezi shihet me sy. Atëherë Dielli do të jetë me madhesine e një kokre are dhe do të vendoset 3 metra larg Tokes. Mbeshtetur ne këto përmasa Alfa Centauri duhet te vendoset 640km larg Diellit.
Çdo Galaktike mbart 250 miliard yje, te cilët ndodhen larg njerit-tjetrit ne këto distanca te pabesueshme, ndoshta edhe me larg.
Interesante është se nëse do të mendojmë vendin qe ze galaktika ne hapësirë ,kjo është shumë e vogël .Sepse ne hapësirë ndodhen edhe rreth 300 miliard galaktike te tjera!..Hapesirat midis këtyre galaktikave janë milione herë me te mëdha se largesia reale mes Diellit dhe Alfa Centaurin.
Ne lidheje me këtë madhësi marramendese, Xhorxh Grinshtajn ne librin e tij "The Symbiotics Universe ( Universi Simbiotik ) fq 21" shkruan se:
"Nëse yjet do të ishin pak me afër me njëri-tjetrin,astrofizika nuk do të ishte shumë me ndryshe.Nuk do të ndodhte asnjë proces ndryshimi ne funksionet themelore te fizikes ne yje, nebula apo ne trupat e tjerë qiellore.Nëse e shohim nga larg pamja e galaktikes sone do të ishte e njëjta .I vetmi ndryshim do të ishte kur mbremjeve te shtriheshim ne bar dhe tek veshtronim yjet, do të shihnim se qielli do të ishte I tejmbushur me yje .Më falni, po;Do të kishte edhe një ndryshim tjetër . "Unë", I cili do të shihja këtë peisazh nuk do të ekzistoja...Kjo hapësirë gjigante me yje është një kusht për ekzistencën tonë".Grinshtajn e shpjegon edhe arsyen; hapësirat boshe ne kozmos sigurojne qe disa ndryshore fizike te formulohen ne harmoni pikërisht me jetën tonë.Kjo është një arsye edhe për ruatjen e tokes nga përplasjet me trupat qiellore gjigante, te cilët enden nëpër këto hapësira kaq te mëdha pa ushtruar me te voglin kërcënim për Token.
Dhe së fundi përhapja e trupave qiellore ne univers është një strukturim I duhur harmonik për jetën tonë.Këto hapësira a janë formuar PA QELLIM? A janë shfaqur si përfundim I një krijimi te vullnetshem.Le t'u pergjigjemi vete

Titulli: Re: Kuriozitete Mbi Astronomine Fri Oct 05, 2007 12:59 am

Astronomia dhe Astrologjia ne kohet e shkuara nuk ishin te ndara, por ishin pjese perberese te nje disipline ezoterike orientale shume komplekse (Sistemi Ermetik), e cila vlente per te stimuluar mendjen tone dhe Shpirtin tone dhe per te kerkuar Rrugen neper te cilen mund te hyje ne Ciklin Harmonik te Natyres. Problemi Kryesor per njeriun ka qene gjithmone gjetja e pozicionit te tij “pozicionet-dimensionet shpirterore”, duke u nisur nga “pozicioni-dimensioni I tij ne hapesire”.
Nepermjet nje panorame te shpejte mbi Astronomine do te kemi nje informacion te shkurter dhe te nevojshem per perspektiven tone Astrologjike. 2)

Sistemi Yne Diellor.
Toka ndodhet ne Sistemin Diellor ose Planetar.
Nje sistem diellor eshte e perfaqesuar nga nje Yll, qe ne e quajme Diell, dhe nga mijera Trupa Qiellore (Planete, Satelite, Asteroide), te cilat Dielli I mban rreth tij me Forcen e tij Terheqese
Sistemi yne Diellor gjendet ne zonen ekuatoriale te Galaksise, 30.000 vjet drite larg nga qendra e tij dhe qe spostohet drejt Yjesise se Herkulit, me nje shpejtesi prej 20 km ne sekonde.
Galaktika jone
Galaktika jone eshte e perbere nga mjegulla te ndritcme ose te erreta (re gazi te ndricuara nga yjet, te perbera nga plurur I ngjeshur, e cila nuk lejon qe te shihen yjet qe mbulojne) dhe shume Sisteme Diellore, te mbiquajtara Masa Yjore.
Ka formen e nje lenteje dhe perfshin rreth 100 miliarde yje.
Diametri I saj me I madh shtrihet per rreth 100 mije vjet drite dhe ajo me e vogel per rreth 20 mije vjet drite.
Galaktika jone kryen levizje ne sensin orar dhe qe kryhet ne 250 milion vjet, dhe eshte nje levizje ne hapesire qe e ben te spostohet me nje shpejtesi prej rreth160-328 km ne sekonde.
Edhe Yjet qe e perbejne levizin rreth qendres se saj, me shpejtesi me te madhe ato qe jane me afer qendres, me shpejtesi me te vogel ato qe jane me larg...
Universi
Ne nje distance prej 50.000 deri ne 200.000 vjet drite nga Galaktika jone, jane te dukshem rreth 100 masa globulari qe e rrethojne. Cdo mase globulare ka nje diameter prej rreth 100 vjet drite dhe permban djetra mijera Diej gjigante. 750 mije vjet drite larg, duken rreth 100 milione mjegulla spirale ose galaktika te jashtme, te cilat si me dy krahe mbeshtjellin nukleon, te cilat rrotullohen edhe rreth bazes se tyre. Cdo mjegull spirale rezulton e perbere nga masat yjore, mjegulla te ndricuara ose te erreta.
Totali I te gjitha ketyre “Galaktikave” formon Universin ose Kozmosin dhe ka nga ata qe mendojne qe galaktikat largohen njera nga tjetra dhe qe Universi hapet ne te gjitha drejtimet. Sidoqofte ka Teori te shumta mbi formimin, mbi formen dhe te ardhmen e Universit, edhe pse e gjithe kjo ngjan sikur nje milingone do te kete pamjen e qarte te nje balene te bardhe, duke qendruar mbi nje gur.
Toka:
Megjithese na kane bere te jetojme per me shume se nje mije vjet, duke na thene qe ishte Dielli qe rrotullohej rreth Tokes, ne realitet Toka eshte planeti i 3 duke u bazuar ne largesine nga Dielli.
Qendra eshte Dielli > Merkuri - Venusi - Toka - Marsi - Jupiteri - Saturni - Urani - Neptuni - Plutoni (I cili mund te jete nje asteroid I madh dhe jo nje planet) .

Toka ka te pakten 12 levizje, por ato qe na interesojne jane:
1- Levizja Rrotulluese rreth Diellit, pasojat kryesore te se ciles jane :
Krijimi I stineve
Kohezgjatja e ndryshme e dites sidereo nga ajo diellore
Lartesia e ndryshme e diellit ne horizont.
2- Levizja Rrotulluese rreth aksit te saj, pasojat kryesore te se ciles jane:
Rrotullim I dukshem ditor I Diellit dhe te sferes qiellore
Alternimi I dites dhe I nates
3- Levizja Traslacione se bashku me Diellin qe spostohet rreth qendres se Galaksise.
4- Levizja e Percaktuar e Equinozi: Aksi tokesor nuk qendron ne pozicion parallel me veten, por per efekt te terheqjes henore dhe diellore (terheqje qe mbizoteron ne zonen ekuatoriale te Tokes), pershkruan ne rreth 26.000 vjet, 2 harqe ne te cilen Toka eshte qendra.
Per kete levizje konike, spostimi I aksit te Tokes rezulton 57'' 37 ne hark.
(se bashku me aksin Toka leviz e tera dhe per kete aresye edhe linja e equinozit spostohet me 57'' 37).
Toka duke levizur ne Eklittika me levizje te drejtuara, takon pikat equinoziale perpara se te kryeje nje rrotullim te plote rreth diellit, ose me sakte 20 minuta 23 sekonda me pare, domethene koha qe Toka harxhon per te pershkruar 57'' 37 te harkut.
Levizja e sakte ben qe viti sidereo te ndryshoje nga viti tropikal apo civil.
Nje tjeter pasoje e rendesishme eshte qe pas 10.500 vjetesh, Toka do te jete ne perielio ne vere dhe afelio ne dimmer, do te kete domethene nje ndryshim te stineve. Poli I Veriut nuk do indikohet me nga Ylli Polar, por nga Ylli Vega e Yjesise se Lire-s, qe ndodhet 45° nga Ylli Polar ne hapesiren qiellore. .
5- Levizja Nutacione: Aksi I Tokes per shkak te terheqjes diellore ose henore (qe nuk eshte gjithmone kostante, por varion ne intensitet ne baze te distances) kryen ne 18 vjet e gjysem, levizje periodike te quajtura nutacioni, levizja e te cilave eshte e pershkruar nepermjet formimit te 2 koneve te vogla ne pole. Si pasoje sjell paraardhjen e stines se pranveres cdo vit.

Ekuatori Tokesor eshte e perfaqesuar nga rrethi I mesit te aksit Tokesor.
Paralelet Tokesore jane rrathe te formuar nga nderpreja e cfaredolloj plani parallel me akuatorin me siperfaqen tokesore.
Paralelet jane po aq te vogla sac eshte largesia e tyre nga ekuatori.
Paraleli baze eshte ekuatori, e cila ndan Token ne 2 Hemisfera Setentrionale (Veri) dhe meridionale (Jug).
Meridianet Tokesor jane rrathe te pafunde rrathe te percaktuar nga nderpreja me siperfaqen e Tokes te po aq planeve kalues nepermjet aksit te rrotullimit. Antimeridianet jane gjysemharqet e hemisferes se kundert me ate ne te cilen ndodhemi.
Meridiani gjeografik kryesor, eshte per bindje internacionale, ai qe kalon nepermjet oservuesit te Greenwich (afer Londres). Meridiani , se bashku me antimeridianin e tij e ndan planetin ne Hemisferen Lindore (lindje) dhe ate Orientale (perendimore).

Titulli: Re: Kuriozitete Mbi Astronomine Fri Oct 05, 2007 1:00 am

Kordinatat:
Cdo pike e siperfaqes tokesore rezulton interseksion I nje paraleli dhe te nje meridiani.
Ne hemisferen setentrionale paralelet kryesore jane 90 (duke perfshire edhe Polin) dhe po aq ndodhen ne ate Meridionale. Paralelet presin harqet e meridianeve duke I koresponduar largesise prej 1°. Meridianet gjeografiki kryesore qe presin mbi ekuator harqe qe korespondojne 1° jane 360.
Gjeresia gjeografike e nje pike eshte masa ne grade dhe fraksione te tij te kendit ne qender, qe korespondon me harkun e meridianit qe ndan ate pike me paralelin ekuatorial (Veri ose Jug).
Gjatesia gjeografike e nje pike eshte masa ne grade ose ne fraksine te tij, te kendit ne qender, e cila korespondon me harkun e paralelit qe ndan ate pike nga meridiane I Greenwich. (Lindjes ose Perendim)
Largesia nga niveli I detit e nje pike, eshte largesia nga pozicioni I saj me nivelin e detit e konsideruar e barabarte me 0. *

Sfera Qiellore:
Toka duket e rrethuar nga nje sfere e pafundme boshe, e cila quhet Sfera Qiellore. Kjo sfere eshte nje iluzion I ndjenjave tona, por astronomet prej mijera vjetesh e perdorin si pike referimi, qe te mund te kerkohet dhe te llogaritet pozicioni yne dhe I asaj ne te cilen bejme pjese.
Kordinatat e Sferes Qiellore:
Vertikale eshte vija qe nis nga qendra e tokes dhe vazhdon derisa te takoje Sferen Qiellore.
Vertikalja e pare perfaqeson diametrin e sferes qiellore. duke u nisur nga horizonti I pikes se vezhgimit.
Zeniti ( nga arabishtja samt = drejtim) eshte pika net e cilen Vertiklja takon qendren e Sferes Qiellore, domethene eshte pika qe ndodhet shume me lart se pika e vezhgimit.
Nadir (nathir nga arabishtja = e kunderta) eshte pika diametrale e kundert me Zenit dhe eshte pika qe ndodhet shume me poshte se pika e vezhgimit.
Pozicioni I Zenit dhe Nedir ndryshon ne qofte se ndryshon pika e stacionit mbi siperfaqen tokesore nga ku vezhgohet: per kete aresye duke u ndodhur ne hemisferen e kundert, Zenit behet Nadir dhe e kunderta… Si te thuash cda gje eshte relative, varet se nga cila ane veshgon gjerat.

Rrathet Vertikale jane rrathet qe kalojne neper Zenit, neper Nadir dhe
neper Polet Qiellore.
Ata jane te pafundme, por 2 jane me te rendesishmit.
1) Rrethi Meridian ose me thjesht Meridiani eshte ai qe kalon neper Zenit, Nadir dhe Polet Veri-Jug.
(Meridianet Qiellore jane rrathe qe kalojne neper Polet Qiellore (Veri-Jug). Konsiderohen 12 te brendshem dhe automatikisht 24 gjysemrrethe.
Marrin edhe emrin si rrathet orare, sepse gjysma e meridianeve kalon, cdo ore, perpara nje vezhguesi qe ndodhet ne nje pike ne Toke, duke e ndare Token ne Fasha oraresh.
2) Rrethi I pare Vertikal, domethene ai qe kalon ne Rrethin e Meridianit per Zenit, Nadir dhe Polet Qiellore (Lindje - Perendim).

Nga nderseksionet qe formohen ne horizont midis rrethit te meridianit dhe rrethit te pare vertikal, krijohet Kryqi I Pikave Kardinale Qiellore. Te vezhguar nga Zenit vazhdojne ne sensin orar ne Veri-Lindje-Jug-Perendim.
Paralelet Qiellore jane rrathet qe kalojne neper Polin Qiellor. Jane te perfaqesuara nga rrathe te pafundme dhe kane diametrin me te vogel se ekuadori dhe qe zvogelohen ne menyre progressive derisa arrijne polet. Plani Paralel me I madh qe nderkalon 2 pikat kardinale qiellore Lindje-Perendim, Zenit-Nadir eshte Ekuatori Qiellor
Horizonti Qiellor eshte plani horizontalkalues neper piken e vezhgimit qe nderpritet me sferen qiellore.
Aksi Qiellor eshte aksi qe bashkon 2 polet qiellore (Veri-Jug) rreth te cilit duket sikur rrotullohet sfera.

Levizja e Yjeve:
Yjet, mund te levizin ne menyre mbreterore dhe te dukshme.
Levizja Mbreterore e ben cdo yll qe ne te na duket I “ngadalte”, sepse yjet ndodhen ne largesi shume te madhe nga Toka.
Levizja e Dukshme eshte si pasoje e rrotullimit tokesor, prandaj duket sikur cdo yll ndjek nje orbite rrethore, qendra e te ciles ndodhet ne aksin e botes.
Ky eshte motive, per te cilin ne nje date te caktuar yjet shihen ne horizont, ndersa te tjerat duken sikur lindin, te arrijne ne maje dhe pastaj te perendojne (yjet Occidue).
Ne Ekuator te gjitha yjet e dukshme jane Occidue.
Aksi I botes rezulton horizontale per nje vezhgues, I cili ndodhet ne ekuador dhe horizonti astronomik pret pergjysem trajektoren e yjeve qe dalin mbi horizont. Ne kete menyre ujet nga ana e jashtme duken sikur lindin, arrijne kulmin dhe perendojne, pasi kane qene per 12 ore ne horizont. Harqet ditore e yjeve jane te lidhura me Yllin Polar dhe vezhgohet ne horizont ne drejtim te Veriut ( = sferen e qendrueshme).
Ne Pol te gjitha yjet e dukshme jane Cirkumpolari.
Per nje vezhguesi vendosur ne Polin e Veriut, aksi I botes eshte vertical, per kete trajektoret e yjeve jane paralele me horizontin astronomik te Polit dhe si pasoje nuk perendojne kurre. Ylli Polar eshte prane Zenit ( = sfera paralele)

Ne Gjeresite Intermedie aksi I botes eshte I perthyer mbi horizont me nje kend te barabarte me gjeresine e vendit. Yjet nga ana e jashtme pershkruajne gjithmone orbita rrethore me aksin e botes. Trajektoret e disa yjeve rrine gjithmone mbi horizont, ndersa disa te tjera jane te ndreprera nga horizonti. Disa nga yjet e dukshem jane domethene occidue, te tjerat cirkumpolari ( = sfera obligua).

Titulli: Re: Kuriozitete Mbi Astronomine Fri Oct 05, 2007 1:01 am

Yjesit dhe Zodiaku:
Yjesi quhet grupimi I yjeve, nga ana e jashtme ngjajne afer midis tyre, qe duket sikur perfaqesojne personazhe dhe kafshe mbreterore ose mitologjike. Emrat e tyre vijne nga format te cilave ato ju ngjajne dhe zgjidhet nga fantasia e astronomeve.
Yjet e yjesive, duke filluar nga ato me te ndricuara njihen me shkronjat e alfabetit grek, (alfa, beta, gamma), te djekura nga vazhdimi I emrit ne latinisht te yjesise ku bejne pjese. Disa prej tyre kane emrat e tyre.
Njihen 88 yjesi dhe dallohen ne Boreali, Australi dhe Zodiakali.
Yjesit Boreale jane ato qe ndodhen midis zones eklitika dhe Polit te Veriut
(Lira, Mjellma,Kasiopea, Kurora Boreale,Herkoli, Arusha e Madhe dhe e Vogel, ecc).
Yjesit Australi jane ato qe ndodhen midis eklitika e Polit Jugor.
(Orione, Qeni I Madh, Qeni I Vogel, Kurora Australe, Centauri, Kryqi I Jugut, ecc)
12 Yjesit e Zodiakut, jane etapat qe dielli pershkruan gjate rrotullimit te tij te dukshem rreth tokes.
Dielli Ndalon ne secilen nje muaj dhe jane pozicionet qe ze ne menyre te dukshme duke u vezhguar nga Toka ne xhiron e nje viti. Cdo yjesi dallohet nga nje shenje.
Zodiaku eshte rripi qiellor qe shtrihet per rreth 8 ° mbi te dyja gradat e eklitikes dhe ne brendesi te se ciles zhvillohet ne menyre te dukshme levizja e Diellit dhe Planeteve. Ka nje hark prej 360 ° dhe eshte e nenndare ne 12 seksione te barabarta prej 30 ° , te perfaqesuar nga 12 shenjat zodiakale.
Gjate nje muaji (30 dite) Dielli pershkron nje shenje.
Per shkak te saktesise se equinozi , eshte future nje dallim midis Yjesise zodiakale dhe shenjave te tyre. thuhet qe kur Dielli ndodhet ne Luan, do te thote qe ndodhet midis 120° - 150 ° ne gjatesi, ku me pare ndodhej faktikisht kjo yjesi, por ndodhet ajo e Gaforres.
Levizja precize ka rendesi vetem per zodiakun sideral (I cili perfshin 13 yjesi, duke perfshire edhe ofiuko), ndersa zodiaku diellor/stinor ndan shenjat duke u nisur nga equinozio i pranveres duke u nisur nga pozicioni I yjesise.
Ascendente dhe Vertex
Kjo skeme duhet te sherbeje per te pare ne menyre vizive cfare jane Ascendente, Qielli I Mesem ( Medio cielo), Imum Coeli = fundin e qiellit, Discendente , pasi te keni mesuar te llogarisni pozicionet e yjeve.
Sistemi I Koordinatave te Horizontit eshte e perbere nga 3 rrathe: Horizonti, meridiani dhe vertikalja e pare.
Pika net e cilen eklitika nderpret horizontin Lindor eshte Ascendente (dhe Discendente ne piken e kundert Perendimore).
Pika net e cilen eklitika nderpret meridianin superior perfaqeson Medio Cielo (dhe Fundi Qiellor pika e kundert e meposhtme).
Fale pikes net e cilen eklitika takon Vertikalen e pare marrim edhe nje dimension te trete, ose me mire Vertex (dhe korespondenten e tij Anti Vertex ).

AS/DS = pikat net e cilat eklitika takon horizontin
MC/FC = pikat net e cilat eklitika takon meridianin
VX/AVX = pikat net e cilat eklitika takon vertikalen e pare

Shenim:
(1). Jemi jashtezakonisht te vegjel ne krahasim me Universin, por eshte edhe e vertete qe ka dicka brenda nesh qe na shtyn gjithmone te pyesim: Kush jemi, Nga vijme dhe Ku po shkojme….

» KURIOZITETE TE SHKURTERA
» Kuriozitete Nga Shkenca Dhe Jeta ....