Flashe te ngryshme nga bota :

Titulli: Flashe te ngryshme nga bota : Sat Nov 24, 2007 3:54 pm

24 nentor 2007:

BE. Që prej datës 21 dhjetor, e ashtuquajtura Zonë e Shengenit do të zgjerohet me shtetet e Evropës Lindore, anëtare të BE, si dhe me Maltën. Kështu, edhe në kufirin me Poloninë liria e re e lëvizjes bëhet realitet- e në këtë mënyrë kufiri perëndimor polak kthehet në kufi të jashtëm të BE. Por Gjermania e pret me pasiguri këtë ndryshime të ri që do tu japë mundësi polakëve të hyjnë pa viza në territorin gjerman

--------------------------------------------------------------------------------

KROACI. Të dielën vendi do të zhvillojë zgjedhje parlamentare. Kryeministri aktual Ivo Sanader, drejtues i Bashkësisë Demokratike Kroate, do të ketë përballë Zoran Milanovicin, nga partia socialdemokrate. Lufta për vendet në parlamentin kroat këtë herë karakterizohet para së gjithash nga grindjet midis kundërshtarëve politikë. Bëhet fjalë për të drejtën e zgjedhjes se kroatëve të diasporës, për vjedhjen e ideve për fushatën elektorale ose për angazhimin e sportistëve të shquar në shërbim të partisë konservatore qeveritare . Nga ana tjetër, kërkesës së qytetarëve dhe e analistëve politikë për të dhënë më shumë informacion për programet politike dhe për të respektuar kritikat e BE, nuk i kushtohet shumë vëmendje.

--------------------------------------------------------------------------------

AUSTRALI. Kanë përfunduar votimet në në vend për zgjedhjen e parlamentit te ri. Një exit poll i Sky News ka nxjerrë një rezultat paraprak ku në krye të rezultateve ka venë Partinë Laburiste dhe e cilëson një fitore historike të saj me 53% të votave ndaj 47 % që ka arritur të marrin konservatorët e kryeministrit aktual Xhon Hauard.

--------------------------------------------------------------------------------

BE. Megjithë përçarjet e BE përsa i takon çështjes së statusit të Kosovës, shefi i diplomacisë europiane, Solana ende shpreson për një kompromis mes Prishtinës e Beogradit, para 10 dhjetorit. Sipas tij ende ka gjasa se mund të arrihet një marrëveshje mes palëve, para skadimit të afatit të bisedimeve për statusin e Kosovës.

--------------------------------------------------------------------------------

BOSNJE. Pas nje pune nje mujore, ekspertet mjeko ligjore kane zbuluar nje varreze masive ne lindje te Bosnjes dhe pikerisht ne fshatin Kamenice ku mendohet se ndodhen eshtrat e 616 myslimaneve te vrare gjate masakres se Srebrenices. Me shume se 8000 myslimane, mes tyre edhe femije, u vrane kur enklava e mbrojtur nga paqeruajtesit e Kombeve te Bashkuara ra ne duart e serbeve te Bosnjes dhe ushtrise se drejtuar nga gjenerali Ratko Mlladic, i cili ende vazhdon te jete i lire.

Titulli: Re: Flashe te ngryshme nga bota : Sat Nov 24, 2007 3:56 pm

24 nentor 2007:

PAKISTAN. Gjykata e Lartë e Pakistanit hodhi poshtë rekursin e fundit që ishte bërë kundër rizgjedhjes së presidentit, Pervez Musharraf, më 6 tetor, duke i hapur në këtë mënyrë rrugën shpalljes zyrtare të mandatit të tij të dytë dhe dorëheqjes së premtuar nga funksionet e shefit të shtabit të përgjithshëm të ushtrisë, njoftoi një zëdhënës i Gjykatës.

--------------------------------------------------------------------------------

KOLUMBI. Presidenti Alvaro Uribe, kërkoi ndalimin e përpjekjeve nga ana e liderit venezuelian, Hugo Chavez për të ndërmjetësuar për lirimin e pengjeve, të cilët mbahen nga rebelët e FARC-it. 'Presidenti i dha fund ndërmjetësimit', thuhet në deklaratën e rastit të zyrës së shtypit të Uribes. Gushtin e kaluar, Chavez mori një ftesë nga qeveria kolumbiane për të ndërmjetësuar në një marrëveshje, sipas së cilës pengjet, përfshirë politikanen franko-kolumbiane, Ingrid Betancourt, do të shkëmbeheshin me gueriljet e burgosur.

--------------------------------------------------------------------------------

Nje fushate e mir kordinuar sabotazhesh godet rrjetin hekurudhor te shpejtesis se larte ne Francë. SNFC operatori shtetëror I hekurudhave franceze deklaroi se : Aktet sabotazhit kane ndodhur gjat nates te se martes ,duke shkaktuar deme te medha ne sistemin e transportit hekurudhor. I menjehershëm ka qenë reagimi I Presidentit francez Sarkozy ,I cili deklaroi se sabotatorët do te ndeshkohen në mënyrë të rreptë.

--------------------------------------------------------------------------------

Kane deshtuar serish bisedimet ne Bruksel lidhur me ceshtjen e te ardhmes se kosoves Anetaret grupit Kosovar te negocimit te pavarësis hodhen poshte serish propozimin e pales serbe,te cilet propozojne dhenie e nje autonomie te gjere por jo pavarësi. Bisedimet te cilat drejtohen nga Trojka ,Bashkimi Europiane,Shetet e Bashkuara dhe Rusia ,duhet te përfundojnë mbas tre javësh.Por te dyja palet kane rënë dakort qe takohen javën që vijon ne Austri per nje raund bisedimesh te fundit lidhur me te ardhmen e Kosoves.

--------------------------------------------------------------------------------

IRAK. Shpërthimi i një autobombe sot shkaktoi vdekjen e të paktën gjashtë personave dhe plagosjen e disa të tjerëve në qytetin irakian të Ramadit, deklaroi një zyrtar i policisë nga vendi i ngjarjes. Majori Muhamed Arak deklaroi se autobomba shpërtheu jashtë godinës së një gjykate që ruhej nga policia. Njëri prej të vdekurve ishte polic.

--------------------------------------------------------------------------------

ISLAMABAD. Presidenti i Pakistanit, gjenerali Pervez Musharraf, pritet të japë dorëheqjen këtë fundjavë nga funksioni i tij si shef i ushtrisë, pikërisht përpara se të bëjë betimin për një mandat të ri si kryetar i shtetit.

--------------------------------------------------------------------------------

BANGLADESH. Marina amerikane vendosi të dërgojë anije që transportojnë afro 3 500 ushtarakë dhe më shumë se 30 helikopterë për të ndihmuar Bangladeshin pas kalimit të ciklonit 'Sidr' që shkaktoi disa mijëra të vdekur, njoftuan zyrtarë amerikanë. Autoritetet e Bangladeshit nuk e kanë kërkuar ende këtë ndihmë, por anijeve luftarake 'USS Kearsarge' dhe 'USS Essex' iu kërkua të shkonin në vendngjarje për të kontribuuar në ndihmën ndaj miliona të dëmtuarve nga cikloni. 'USS Kearsarge' që ndodhej në rajonin e Gjirit Persik kur u dha urdhëri, pritet të mbërrijë në brigjet e Bangladeshit në fund të javës, njoftoi.

Titulli: Re: Flashe te ngryshme nga bota : Sun Nov 25, 2007 3:30 pm

25 nentor 2007

5.000 trupa amerikane, me mision ne Irak, brenda muajit do te largohen, ne kuader te planit te terheqjes, te shpallur nga presidenti Bush. Nje zyrtar i larte i ushtrise, iu tha gazetareve ne Bagdad, se kthimi fillon më 27 nentor. Kunder-admirali Gregori Smith, la te kuptohet se gjendja e sigurise eshte permiresuar dhe forcat irakene, po aftesohen dita - dites.

Sport.
Ne eleminatoret e boterorit te futbollit 2010, qe mbahet ne Afriken e Jugut, marrin pjese 191 skuadra, mes te cilave perzgjidhen 31, veç organizatoreve. Seleksionimi, behet ne grupet eleminatore, të të 6 kontinenteve. Shorti per Europen e perfaqesuar me 53 ekipe, hidhet ne oren 16-te.

Perfaqësuesi rus, ne trojken qe ndermjeteson bisedimet Prishtine – Beograd, per statusin e Kosoves, Aleksander Botsan Karçenko, parashikon mbylljen e takimeve, pa zgjidhje kompromisi. Duke mbajtur anen e serbeve, idete e te cileve i pershkruan si konstruktive, diplomati i Moskes, thote se nuk ka mundesi konsensusi. Kharçenko, konfirmon se Rusia do te kembengul qe bisedimet, te vazhdojne edhe pas dates 10 dhjetor.

Protestat e opozites ruse, kunder presidentit Putin, tensionojne gjendjen, ne Shen Pjeterburg. Rreth 50 manifestues, mes tyre nje politikan, jane rrahur dhe arrestuar nga policia. Edhe dje, forcat e sigurise, nderhyne ne Moske, per te shperndare turmat anti-Putin. Gjate perleshjeve, u prangosen mbi 20 vete, ndermjet te cileve, edhe ish kampioni i botes ne shah Kasparov, drejtues i levizjes “Rusia Tjeter”.

Presidenti palestinez, Abu Mazen ka mberritur ne Amerike, per konferencen nderkombetare kushtuar Lindjes se Mesme, qe mbahet te marten, ne Anapolis. I pranishem do te jete edhe kryeministri izraelit Ehud Olmert. Nderkaq, ushtria e Tel Avivit njoftoi sot vrasjen e dy aktivisteve palestineze, ne qender te Rripit te Gazes.

Titulli: Re: Flashe te ngryshme nga bota : Sun Nov 25, 2007 5:15 pm

Kroatët votojnë në zgjedhjet parlamentare
e diel . 25 nëntor 2007

Në Kroaci sot votohet për zgjedhjet parlamentare.. Gara më e madhe pritet në mes të partisë qeveritare konservative të kryeministrit Ivo Sanader, dhe socialdemokratëve në opozitë me kandidatin Zoran Milanoviq.

Që të dy kandidatët kanë premtuar se do të zhdukin korrupsionin, të përmirësojnë gjendjen ekonomike dhe të anëtarësojnë Kroacinë në Bashkimin Evropian, para përfundimit të periudhës katërvjeçare legjislative. Monitoruesit kanë thënë se asnjëra parti si duket nuk do të fitojë vota të mjaftueshme për të qeverisur e vetme dhe kjo do të i marrë pak kohë fituesit për të formuar koalicionin. Në sondazhet e fundit socialdemokratët në opozitë prijnë me një avantazh të vogël.

************************************************************

Rudd i vendosur për t'i tërhequr trupat australiane nga Iraku
e diel . 25 nëntor 2007

Kryeministri i sapozgjedhur australian, Kevin Rud, i ka bërë publike prioritete e tij pas fitores në zgjedhjet e përgjithshme ndaj John Hoëardit. Rud paralajmëroi një kthesë radikale në politikën e klimës dhe tha se do t'i tërheqë të gjitha trupat australiane nga Iraku. Ai premtoi se do të marrë pjesë në samitin e Kombeve të Bashkuara për ndryshimet klimatike muajin e ardhshëm në Bali. Sipas të dhënave jopërfundimtare partia opozitare e Rudit është fituese e zgjedhjeve të së shtunës. Pas numërimit të mbi 75 % të votave, rezultatet tregojnë se ata kanë fituar 53 % të votave.

**********************************************************

Përleshje mes policisë e protestuesve në Kuala Lumpur
e diel . 25 nëntor 2007

Policia e Malajzisë është përleshur me protestuesit indianë në kryeqytetin Kuala Lumpur. Policia ka përdorur gaz lotsjellës si dhe ujë për të shpërndarë protestuesit indianë, të cilët ishin tubuar para ndërtesës së komisionit të lartë britanik. Diku rreth 5000 indianë ishin mbledhur për të bërë thirrje për dëmshpërblim nga ana e Britanisë së Madhe për dërgimin e indianëve për në Malajzi si punëtorë para një shekulli. Aktivistët, gjithashtu, kanë kërkuar që të përmirësohet standardi i jetesës së hindusve.

***********************************************************

Nis javën e ardhshme "Konferenca e paqes" për Lindjen e Mesme
e diel . 25 nëntor 2007

Liderët izraelitë dhe palestinezë kanë udhëtuar për në SHBA për të marrë pjesë në konferencën për paqe në Lindjen e Mesme, që do të mbahet javën e ardhshme në Meryland. Presidenti palestinez Mahmoud Abbas ka mbërritur në një bazë ajrore afër Uashingtonit, ndërkaq kryeministri Ehud Olmert është nisur nga Tel-Avivi. Para se të largohet me avionin e tij, Olmert tha se ai pret negociata serioze. Më parë, gjatë vizitës në Egjipt, Abas ka nxitur ministrin e jashtëm arab, që të zë atë që ai e quajti shans historik. Procesi paqësor për Lindjen e Mesme është ndërprerë shtatë vjet më parë, mirëpo tash ka filluar përsëri pas fitores së Hamasit në Gaza, vitin e kaluar.

Titulli: Re: Flashe te ngryshme nga bota : Sat Jan 12, 2008 4:38 pm

Vendosur: 12/01/2008• BOTA & RAJON

Konfiskohen pasaportat e familjes së Karaxhiçit

Dje në Sarajevë janë konfiskuar pasaportat e katër pjesëtarëve të familjes së shumë të kërkuarit për krime lufte, Radovan Karaxhiç. Sipas policisë boshnjake, pasaportat dhe dokumente të tjera të udhëtimit të bashkëshortes, djalit, vajzës dhe dhëndrit të Karaxhiçit, u konfiskuan me urdhër të përfaqësuesit të komunitetit ndërkombëtar në Bosnjë. Karaxhiç, udhëheqës i serbëve të Bosnjës gjatë konfliktit të viteve 1992-1995 në Bosnjë, akuzohet për gjenocid nga Gjykata e Hagës dhe është ende në kërkim.
**************************************************
Bush mbyll vizitën në Izrael me homazhet për Holokaustin

Presidenti amerikan, Xhorxh Bush, mbylli dje vizitën në Izrael dhe Bregun Perëndimor me homazhet drejtuar viktimave të Holokaustit në memorialin Yad Vashem në Jerusalem. “Do të shpresoja që sa më shumë njerëz në botë ta vizitonin këtë vend, i cili të përkujton se e keqja ekziston dhe bën thirrje, se kur ta gjejmë të keqen, duhet t’i rezistojmë”, tha presidenti Bush. Vizita në Izrael dhe Bregun Perëndimor ishte ndalesa e tij e parë në turneun në Lindjen e Mesme, i cili ka synim arritjen e një marrëveshjeje paqësore deri në fund të mandatit të tij presidencial. Pas vizitës së tij të parë presidenciale në Izrael dhe Lindjen e Mesme, presidenti amerikan po qëndron sot në Kuvajt.
****************************************************
OKB, hetim i brendshëm për një numër mashtrimesh

Skandal në OKB, zyrtarët, të cilëve u janë besuar misionet më të rëndësishme si ruajtja e paqes, janë ata që abuzojnë më shumë me fondet kushtuar këtyre misioneve në të gjithë botën. Në Kombet e Bashkuara, kohë më parë nisi një hetim i brendshëm për abuzime dhe mashtrime, nga i cili janë zbuluar një numër i papritur shkeljesh, ndërkohë që 250 raste tjera janë në hetim e sipër. Shefja e Zyrës së Kombeve të Bashkuara për Kontrollin e brendshëm, Inga-Brit Ahlenius, tha se dy të tretat e rasteve që po shqyrtohen janë të lidhura me misionet paqeruajtëse.
**************************************************
Avionët turq bombardojnë kurdët në Irak

Avionët luftarakë turq kanë hyrë dje në territorin e Irakut dhe kanë bombarduar fshatrat kufitare të banuara nga kurdët në veriun irakian. Këta fshatra janë kryesisht të kontrolluara nga rebelët kurdë, ka bërë të ditur televizioni kurd-irakian. Sipas agjencisë së lajmeve “Reuters”, TV i Kurdistanit, i kontrolluar nga përkrahësit e presidentit provincial, Masud Barzani, nuk ka dhënë detaje për të plagosur dhe dëme materiale. Komente nuk ka pasur as nga zyrtarët kurdë.

» Flashe .....
» Flashe nga Shqiperia ...