Kursimet në rënie, dyfishohen borxhet në 2007

Kursimet në rënie, dyfishohen borxhet në 2007

Kursimet e vitit 2007 nuk mjaftojnë për investime, çdo shqiptar akumulon 200 euro borxh jashtë vendit

Në vitin 2007 deficiti korrent arrin në nivelet e vitit 1997, duke treguar krizën e rënies në konkurrencë

Kursimet e shqiptarëve kanë ardhur në rënie gjatë 6 viteve të fundit, duke mos mundur që të arrijnë financimin e investimeve që kërkohen ekonomia. Detyrimet që shqiptarët i kanë të huajve për mallrat dhe shërbime të blera i tejkalojnë të ardhurat me 579 milionë euro.

Një nivel prej 10% ndaj PBB-së i deficitit të vendit paraqitet si alarmues, ndërsa eksportet mbeten në nivele tepër të ulëta për të përballuar balancimin e jashtëm dhe rritjen e punësimit

Deficiti i vendit me jashtë ka shënuar një rritje të fortë gjatë vitit 2007 duke treguar krizën në konkurrencë të ekonomisë dhe humbjen e kursimeve nga ana tjetër. Vendi ka regjistruar një deficitit, në total, me jashtë (deficiti korrent) në 579 milionë euro, ose në rreth 10% të Produktit të Brendshëm Bruto. Përkeqësimi i këtij treguesi është i madh në krahasim me të njëjtën periudhë të vitit 2006, duke treguar problemet e mëdha kronike dhe humbjen në kursime të shqiptarëve. Në harkun kohor të një viti, kemi një deficit të vendit me jashtë, në rritje, me 200 milionë euro dhe një përkeqësim nga 8% të PBB-së në 2006 në 10% të PBB-së në 2007. Ndërsa të dhënat përfundimtare për nivelin e kursimeve ende nuk janë të plota për vitin 2007, shqiptarët kanë pasur nivele në rënie të kursimeve që prej vitit 2000. Rënia e kursimeve sipas të dhënave nga ana e INSTAT ka qenë një fenomen kronik në periudhën 2001-2006. Në një stanjacion të vazhdueshëm gjatë këtyre viteve, kursimet kanë tregojnë se janë të pamjaftueshme për të siguruar nivelin e investimeve që kërkon ekonomia. Nga 20% të PBB-së që kanë rezultuar kursimet e shqiptarëve në vitin 2001, niveli i tyre vërtitet në rreth 19% të PBB-së në vitin 2006. I njëjti nivel kursimesh pritet që të rezultojë edhe për vitin 2007, duke treguar se deficitet me jashtë vazhdojnë që të jenë kronike dhe e vënë ekonominë në vështirësi pagesash për detyrimet financiare. Ndikimin më të madh në thellimin e deficitit e ka dhënë zgjerimi i deficitit të tregtisë në mallra. Ky deficit, për nëntë muajt e parë të këtij viti arriti në 26 për qind të PBB-së, ndërkohë që për të njëjtën periudhë të vitit 2006 ai ishte sa 22.6 për qind e PBB-së.

Kursimet në kolaps

Nevojat në rritje të ekonomisë për investime, veçanërisht në kushtet e normave të kursimeve të brendshme mjaft të ulëta, kanë bërë që llogaria korrente të karakterizohet nga një deficit kronik që më vitin 2007 ka kapur nivelet rekord të periudhës së tranzicionit dhe pikërisht vitin 1997. Megjithëse, cikli i një vendi është i rëndësishëm në analizën e këtij treguesi, diferenca midis kursimeve dhe investimeve në vend brenda këtij 9 mujori kap një vlerë negative prej 579 milionë eurosh. Ky është një nivel kritik borxhi, që tregon se çdo shqiptar ka një detyrim prej 200 eurosh, për mallrat dhe shërbimet e ardhura nga jashtë vendit. Një nivel i tillë i deficitit korrent (ku përfshihen të gjitha transaksionet e një vendi) paraqitet kritik për stabilitetin e një ekonomie që mbetet në tranzicion.

Dështimet në konkurrencë

Një nga faktorët kryesorë që kanë çuar në një rënie të theksuar të kursimeve private dhe publike në raport me investimet, janë dështimet e vazhdueshme në konkurrencë. Gjatë vitit 2007 ka një rënie të konkurrueshmërisë të vendit e paraqitur edhe në raportet e ndryshme të institucioneve ndërkombëtare. Forumi Botëror Ekonomik e ka renditur Shqipërinë si vendin e fundit në rajon, për nga treguesi global i konkurrueshmërisë. Ky raport, që është një pikë e rëndësishme referimi jo vetëm për investitorët e huaj, por edhe për institucionet ndërkombëtare, mat aftësinë e një vendi për të siguruar mirëqenie për qytetarët e vet. Sipas raportit të publikuar, në fund të këtij viti, vendi ynë ka bërë hapa prapa krahasuar me një vit më parë dhe renditet i 109 në listën e 131 ekonomive botërore. Në vitin 2006, Shqipëria ishte në vendin e 98 dhe treguesi i saj ka rënë nga 3.56 në 3.48 pikë. Kjo rënie në klasifikim sipas raportit nuk ka ndodhur për shkak të progresit të bërë nga vendet e tjera, por ajo ka ardhur si rezultat i përkeqësimit të treguesve të Shqipërisë. Vendi ynë ka mundur të lërë prapa në renditje vetëm vende të tilla, si Kamboxhia, Nikaragua, Burkina Faso dhe disa vende të tjera Afrikane. Ky raport publikohet vetëm pak ditë para se Komisioni Evropian të bëjë publik raportin mbi progresin e reformave në Shqipëri gjatë vitit 2007.

Importet, rritje galopante

Janë pikërisht zëri importe ai që sjell edhe përkeqësimin në mënyrë të vazhdueshme të deficitit korrent. Tashmë me të ardhurat e emigrantëve dhe me prurjet e tjera nga jashtë në formën e transfertave nuk mund që të arrihet ruajtja e një niveli borxhesh, që do të krijonte stabilitet të ekonomisë. Orientimi i theksuar i ekonomisë shqiptare drejt importit vazhdon të karakterizojë edhe këtë periudhë, duke rezultuar në thellim të mëtejshëm të deficitit tregtar. Gjatë kësaj periudhe Shqipëria regjistroi deficitin tregtar më të lartë në vite, prej 1.5 miliardë eurosh ose 25 për qind më i lartë krahasuar, me një vit më parë. Është pikërisht rritja në këto nivele e importeve që mbetet e pamundur të mbulohet me prurjet e emigrantëve që vazhdojnë të mbeten në nivele të përafërta me ato të viteve më parë. Edhe bilancet e tjera të vendit si ai i shërbimeve, kanë vazhduar që të përkeqësohen gjatë këtij viti, pas problemeve të mëdha në infrastrukturën turistike dhe atë të furnizimit me energji.

AneTaR HeRo Numri i postimeve : 310 Age : 39 Registration date : 28/12/2007

USA SOT JANAR 2008

Ne Ulje:
--ka rene dollar ($)

NJELLOJ:

--PAGESE NE PUNE

Ne Ngritje
--papunesija eshte ngritur
--taksat te vendit
--gas per makine

TE TJERA:
--LIGJE KUNDRA IMIGRANTEVE PA DOKUMENTA ESHTE E RREPTE
SHUME PERCJELLJE TE IMIGRANTEVE ILEGAL

» Captivity 2007 DVD-Rip (English)
» R&B Love Songs 2007
» VA | Trance Dance 2007
» Bravo hits 2007
» Ibiza house mix 2007