Te Reja Nga Bota

Titulli: Te Reja Nga Bota Mon Sep 10, 2007 8:55 pm

Një iniciativë ekologjike në Paris

Dje, Bashkia e Parisit, në kuadrin e përmirësimit të qarkullimit të këmbësorëve dhe të cilësisë së ajrit në qytet, inaguroi projektin Velib (Vélo libre) në shqip biçikleta të lira (jo çmimi kujdes por në këptimin të përbashkëta, që çdokush mund t’i përdori, në liri). Më hollësisht, në të gjithë qytetin ka filluar instalimi i stacioneve me biçikleta të cilat janë të lidhura në një support. Të gjithë qytetarët e interesuar mund të blejnë një abonim për një vit i cili u mundëson të shkojnë në një stacion dhe të disponojnë një biçikletë. Pasi kanë kryer udhëtimin e dëshiruar, e lënë biçikletën në stacionin më të afërt. Çmimi i përdorimit të sistemit stimulon përdorimin e këtij mjeti për të shkuar nga një pikë e qytetit në një tjetrën dhe jo për të bërë turizëm (gjysëm ora e parë është falas, e dyta 1euro, pastaj 2 dhe më në fund 4 për çdo gjysëm ore më shumë).

Bashkia parashikon rreth 300 stacione dhe 21 000 biçikleta deri në fund të vitit. Një projekt i ngjashëm është eksperimentuar me sukses në një qytet tjetër të Francës dhe zbulova që egziston në Belgjikë.
Pse po ju flas për këtë projekt ? Në fakt kam kujtime të paharruara të rrugëve të qytetit tim në biçikletë. Për mua është një mjet transporti që jo vetem të mundeson një çik ajër të pastër, sport kur nuk je i pasionuar, nuk të izolon nga njerzit dhe për më shumë nuk ndot ambjentin. Herën e fundit në Tiranë, më trishtoi mungesa e këmbësorëve dhe era e naftës. E kuptoj që kjo e fundit shtyn njerzit edhe më shumë të marin makinën veç stop, nuk është zgjidhja, nuk ndihmon as shëndetin fizik as atë shpirtëror (kontaktin me njerzit). Le të shpresojmë që një ditë një projekt i tillë të lindi në qytetet Shqiptare që nga madhësia e tyre janë kaq mirë të bredhshem më biçikletë.

Titulli: Re: Te Reja Nga Bota Mon Sep 10, 2007 8:59 pm

Thirrje për pjesmarrje në një konferencë mbi Kadarenë

Te Reja Nga Bota 16670691_p

Qëndra shkencore në letërsi dhe poezi krahasuese përmbledh profesorë, kërkues dhe doktorë nga disiplina të ndryshme, francezë apo të huaj, që studiojnë letërsinë nën një këndvështrim krahasues në lidhje me epokën, kulturën etj.
Kjo qëndër organizon një seminar mbi veprën e Kadaresë më 29 deri 31 Maj 2008. Qëllimi i kësaj note nuk është njoftimi mbi këtë seminar më shumë sesa një thirrje për të kontribuar në këtë konferencë, kontribim që duhet dorëzuar maksimumi deri më 15 tetor 2007, titulli i studimit dhe një përmbledhje e shkurtër.

Titulli: Re: Te Reja Nga Bota Wed Sep 19, 2007 2:44 am

"Lufta” në Iran lë nën hije negociatat bërthamore
Shkruar nga Koha Ditore
e martë , 18 shtator 2007
Paralajmërimi i Kouchnerit për luftë të mundshme me Iranin shton tensionet diplomatike
Vjenë, 17 shtator (France Presse) - Paralajmërimi nga Franca se kriza bërthamore iraniane mund të rezultojë me luftë i ka rritur tensionet diplomatike dhe ka lënë nën hije një takim të rëndësishëm të agjencisë bërthamore të OKB-së, të hënën.

Te Reja Nga Bota Bot18

Titulli: Re: Te Reja Nga Bota Thu Oct 04, 2007 6:12 pm

Buxheti amerikan për ushtrinë, faturë 650 miliardë dollarëshe

Senati amerikan ka aprovuar një faturë prej 650 miliardë dollarësh për buxhetin ushtarak të SHBA-ve, 225 prej të cilëve për sistemin antiraketor që pritet të zhvillohet në Ceki.

Buxheti që mori mbi 95 për qind të votave pritet të kalojë në Senat për debat dhe draftin final të dokumentit. Rreth 128 miliardë mendohen të jenë akorduar për luftën në Irak e Afganistan.

Shtetet e Bashkuara kanë bërë gjithashtu të ditur se do të zhvillojnë programin e tyre anti-raketë duke vendosur një radar të fuqishëm në Republikën Ceke dhe interceptorë raketash në Poloni për të shmangur ndonjë sulm të mundshëm nga shtetet armike.

Titulli: Re: Te Reja Nga Bota Thu Oct 04, 2007 6:13 pm

Rusia kërcënon Ukrainën me shkurtimin e furnizimeve me gaz

Rusia kërcënoi Ukrainën me shkurtimin e furnizimeve me gaz. Monopolisti shtetëror Gazprom deklaroi shkurtimet në rast, se Ukraina nuk pranon shlyerjen e borxheve me mbi 930 milionë euro nga furnizimet e mëparshme me energji.

Gazprom furnizon rreth një të tretën e gazit natyror që konsumohet në Gjermani, prej të cilit një pjesë furnizohet nëpërmjet linjave të gazsjellësit që kalojnë përmes Ukrainës. Në të shkuarën në grindjen mes Rusisë dhe Ukrainës për furnizimet me gaz ka pasur ndërprerje të furnizimt edhe në Evropë.

Titulli: Re: Te Reja Nga Bota Thu Oct 04, 2007 6:13 pm

Kryeministri britanik paralajmëron tërheqjen e 1.000 ushtarëve britanikë nga Iraku

Kryeministri britanik Gordon Braun (Gordon Brown) deklaroi gjatë vizitës së tij të paparalajmëruar në Irak tërheqjen e 1.000 ushtarëve britanikë nga ky vend.

Në këtë mënyrë deri në periudhën e krishtlindjeve numri i ushtarvëe britanikë në Irak pritet të reduktohet nga 5.500 në 4.500 vetë. Përveç kësaj ushtria britanike synon që brenda dy muajsh t'ua dorëzojë irakianëve kontrrollin në provincën irakianojugore të Basrës.

Titulli: Re: Te Reja Nga Bota Thu Oct 04, 2007 6:13 pm

88 deputetë pakistanezë kanë dorëzuar mandatin e deputetit

Në shenjë proteste ndaj rinovimit të kandidaturës presidenciale të Pakistanit, të presidentit, Pervez Musharaf, 88 deputetë pakistanezë kanë dorëzuar mandatin e deputetit duke deklaruar dorëheqjen.

Një udhëheqës i opozitës një zgjedhje e tij është ilegale dhe është shkelje e kushtetutës. Ndërkohë që gjykata kushtetuese ditën e premte nuk kishte paraqitur ndonje pengesë për kandidaturën e Musharafit. Ndërkohë që opozita është kundër zgjedhjes së Musharafit, përsa kohë që ai është edhe kreu i ushtrisë. Musharaf erdhi në pushtet me puç ushtarak pa gjak në vitin 1999.

Titulli: Re: Te Reja Nga Bota Thu Oct 04, 2007 6:14 pm

Presidenti koreanojugor Roh Moo Huyn takohet me pushtetmbajtësin Kim Jong II

Presidenti koreanojugor Roh Moo Huyn është takuar në Korenë e veriut me pushtetmbajtësin Kim Jong II për rifillimin e dialogut ndërkorean.

Të dy krerët e shteteve i dhanë dorën njëri-tjetrit në një shesh të Phenjanit. Më parë Roh Moo Huyn si kreu i parë i shtetit koreanojugor kaloi në këmbë kufirin e ruajtur me rreptësi për t'u pritur më vonë në Phenjan nga Kim Jong II. Kalimi i kufirit konsiderohet simbolik dhe për të ritheksuar vendoësmërinë për arritjen e paqes së qëndrueshme në gadishullin korean. Të dy presidentët me këtë takim historik hapin samitin treditor, samiti i dytë ky që nga ndarja e gadishullit korean në vitin 1953. Pak para mbërritjes së presidentit Roh, ambasadori koreanvoverior në Kombet e Bashkuara, Pak Gil në Nju Jork bëri fjalë për shpresën e vendit të tij për një afrim të mëtejshëm. Në konsultimet mes krerëve të shteteve do të diskutohen masat për krijimin e besimit mes të dy vendeve, çarmatimin dhe për fillimin e bisedimeve për një marrëveshjeje të paqes.

Titulli: Re: Te Reja Nga Bota Tue Jan 15, 2008 8:09 pm

SHBA: Koha për zgjidhjen e statusit të Kosovës është tani
15-01-2008

Zëvendës zëdhënësi i Departamentit të Shtetit, Tom Casey mbron qëndrimin amerikan

Shtetet e Bashkuara rikonfirmuan mbështetjen për hapa të shpejtë drejt pavarësisë së mbikëqyrur për Kosovën, sipas planit të të dërguarit të Kombeve të Bashkuara, Martti Ahtisaari. Kosova pritet ta shpallë pavarësinë brenda disa javësh. Zyrtarët e Departamentit të Shtetit, thonë se Shtetet e Bashkuara mbështesin dhe po inkurajojnë një përgjigje ndërkombëtare të koordinuar ndaj shpalljes së pritshme të pavarësisë së Kosovës. Por ata nuk e konfirmojnë një artikull të djeshëm të gazetës “New York Times” sipas të cilës, Shtetet e Bashkuara dhe Gjermania kanë rënë dakord ta njohin me shpejtësi pavarësinë e Kosovës dhe po i kërkojnë pjesës tjetër të Evropës që ta pasojë. “New York Times”-i njofton se presidenti Bush dhe Kancelarja gjermane, Angela Merkel ranë dakord në një bisedë të kohëve të fundit, se njohja e pavarësisë është jetike për qëndrueshmërinë e Ballkanit Perëndimor. Gazeta thoshte gjithashtu se Shtetet e Bashkuara po i kërkojnë me këmbëngulje Bashkimit Evropian që të mos vonojnë njohjen e shtetit të ri të pritshëm, as edhe një javë. Zëvendës zëdhënësi i Departamentit të Shtetit, Tom Casey tha se nuk ishte në dijeni të ndonjë marrëveshjeje konkrete për të vepruar në kombinim me Gjermaninë, për Kosovën.
Por ai tha se mbështetja e Shteteve të Bashkuara për zbatimin e planit “Ahtisaari” ka kohë që është shprehur qartë dhe se administrata e presidentit Bush pret një mbështetje të gjerë ndërkombëtare, për një përfundim të tillë. “Ne besojmë se tani është koha për zgjidhjen e statusit përfundimtar të Kosovës. Ne jemi të angazhuar për zbatimin e planit “Ahtisaari”, që parashikon pavarësi të mbikëqyrur për Kosovën. Ky qëndrim nuk është ndonjë sekret, por nuk ka ndonjë gjë të re lidhur me këndvështrimin tonë në këtë drejtim”.
Pas muajsh negociatash të dështuara me Serbinë, për zgjidhjen e statusit të Kosovës, shumica shqiptare pritet të shpallë pavarësinë brenda disa javësh, ndoshta pasi të përfundojë procesi i zgjedhjeve në Serbi, më 3 shkurt. Serbia e kundërshton me forcë pavarësinë e Kosovës dhe ofron autonomi të zgjeruar. Beogradi gëzon mbështetjen diplomatike të Moskës, e cila është zotuar se do të vërë veton ndaj çdo lëvizjeje në Këshillin e Sigurimit drejt pavarësisë. Zëdhënësi Casey tha se pavarësisht nga qëndrimi i Rusisë, Shtetet e Bashkuara presin që komuniteti ndërkombëtar në përgjithësi të jetë i bashkuar për statusin përfundimtar të Kosovës, ashtu siç ka qenë gjatë gjithë procesit diplomatik. Një zyrtar i lartë amerikan tha se, Shtetet e Bashkuara ende po përpiqen të sigurojnë mbështetjen ruse për planin “Ahtisaari”, me argumentin se do të ishte më mirë për Rusinë që të ishte pjesë e konsensusit ndërkombëtar sesa të ishte jashtë tij.
Të mërkurën, Nënsekretari amerikan i Shtetit për Çështje Politike, Nicholas Burns uroi udhëheqësit e Kosovës për krijimin e qeverisë së re dhe i siguroi ata për mbështetjen e plotë amerikane, për zgjidhjen sa më të shpejtë të statusit përfundimtar të Kosovës. Në deklaratën me shkrim thuhej se Shtetet e Bashkuara besojnë se zbatimi me shpejtësi i planit “Ahtisaari” për pavarësi të mbikëqyrur për Kosovën dhe masat për mbrojtjen e pakicave do të nxisë stabilitetin rajonal, duke u krijuar mundësi, si Serbisë edhe Kosovës, të ecin përpara në rrugën drejt një bashkëpunimi më të madh me NATO-n dhe Bashkimin Evropian.

I/E Respektuar Numri i postimeve : 125 Registration date : 23/01/2008

Schenectady, NY

Gjendet nje gruaja 30 vjecare e vdekur pas 5 jave qe kishte munguar. Policia zbulovi se i dashuri i saj e kishte mbutur dhe e kishte mbuluar me nje kuverte dhe trupi i saj i pa jete ndodheshe ne bodrum, ku i jati i djalit banonte aty me ata.

I jati i djalit qe vravi femren, u ndieh teper keq:" pse te bente ate gje[djali i tij], me mire te kishte ikur nga situata per momentin sesa te kishte vrare nje njeri" tha i ati i tij.

Trupi i gruas ndenjti 5 jave i mbuluar me kuverte ne te njetjen kohe ku i ati i djalit jetonte aty dhe tha qe nuk ndievi ndonje ndryshim.

*Cifti u njoh nepermjet lidhje interneti*

» Te reja nga kultura ....
» Te reja nga bota e Vipave *****
» Botimet e reja te javes
» MASH: Ja rregullat e reja per maturen 2008-te