Shqiperi - Bjellorusi

Titulli: Shqiperi - Bjellorusi Tue Nov 20, 2007 2:49 am

Shqipëri-Bjellorusi, shuma të çmendura jashtë vendit
19-11-2007

Asgjë nuk mund të thuhet me siguri nëse ka patur pislliqe brenda, por që ndeshja Shqipëri-Bjellorusi ka qenë një nga më të luajturat nga bastexhinjtë jashtë vendit, kjo është e sigurtë. Disa prej kompanive kryesore në Evropë të shtunën në mesditë e kanë hequr fare nga skedinat e tyre takimin mes kuqezinjve të Oto Bariç dhe bjellorusëve të Bernd Shtange dhe shkak për këtë, janë bërë shumat e mëdha për shenjën “2” të vendosur nga bastexhinjtë. Piku ka qenë ora 13, kur takimi Shqipëri-Bjellorusi nuk figuronte më në skedinat e luajtura jashtë vendit. Shuma të çmendura për një skuadër që në letër konsiderohej jo favorite. Për hir të së vërtetës, gjëra të tilla nuk është se ndodhin rrallë, veçse kësaj radhe është ngritur një tymnajë nëse ndeshja ka qenë e luajtur ndershmërisht apo jo në fushën e lojës. Kombëtarja shqiptare ka stonuar si asnjëherë tjetër në këto eleminatore, ndërkohë që në fund thirrjet e tifozëve ishin tepër të rënda. Megjithatë po të shohësh lojën e shkëlqyer të Bogdanit, të Kapllanit, të Bushit, Salihit, Duros apo ndonjë tjetri, të gjithëve do t’u krijohet përshtypja se në “Qemal Stafa” është bërë futboll i ndershëm. Është gjithashtu e vërtetë se sa herë që humbet një skuadër shqiptare, tifozët përdorin fjalinë standarte: E shitët!
Bariç
Oto Bariç është njohur nëpërmjet ndihmësve të tij për thirrjet e tifozëve në fund të ndeshjes Shqipëri-Bjellorusi. Koret “E shitët! E shitët!” i kanë kumbuar edhe atij, teksa ka pyetur direkt për kuptimin e atyre thirrjeve. Dje, kroati nuk ka ngurruar të flasë për këtë temë, të cilën edhe vetë nuk dëshiron ta besojë. Bariç duket se beson më shumë që ndaj tij u bë një puç nga lojtarë të caktuar sesa që ndeshja mund të jetë shitur. “Po, i dëgjova thirrjet dhe ajo që mund të them unë është se gjëra të tilla bëhen të organizuara. Pra, duhet një grup futbollistësh që ta bëjë këtë”, ka thënë jashtë kamerave kroati. E thënë ndryshe, Bariç ka aluduar se një apo dy futbollistë, nuk janë impenjuar në fushë për arsye të tjera dhe jo për punë bastesh. Gjë që për hir të së vërtetës duket edhe hipoteza më e besueshme, duke parë që një pjesë e lojtarëve si Bogdani apo Kapllani, dhanë gjithçka në fushë.

Gazeta Shqiptare

Titulli: Re: Shqiperi - Bjellorusi Tue Nov 20, 2007 2:50 am

Humbje e shëmtuar, gati përjashtimi për Canën
18-11-2007

Kombëtarja shqiptare ka pësuar humbjen më të thellë në eleminatoret e Europianit 2008, duke u mundur 4-2 në “Qemal Stafa” nga Bjellorusia. Përveç zhbllokimit të dy sulmuesve kryesorë Bogdani e Kapllani, gjithë 90 minutëshi i mbrëmshëm përmban gjithçka negative për ekipin shqiptar. Një takim mjaft i dobët dhe pavarësisht se mund të duket çudi, bjellorusët mund të kishin shënuar më shumë se 4 gola në sfidën e mbrëmshme. Falë Arjan Beqajt në formë të shkëlqyer, takimi nuk ka përfunduar në shifra rekorde. Një ndeshje që pritet të ketë pasoja të rënda në të gjithë ekipin kombëtar, duke filluar madje që nga Oto Bariç, firma e të cilit mbi kontratën me FSHF, ende nuk ka ardhur. Ndërkohë që Shqipërisë tashmë i duhet të arrijë një fitore në Rumani për të menduar për vendin e katërt në grup dhe që do ta ngjiste një vazo në Botërorin e ardhshëm. Rekordi i premtuar nga Bariç prej 15 pikësh, tashmë ka marrë fund pas ndeshjes së mbrëmshme. Pasoja e parë e kësaj humbjeje ka qenë një vendim më shumë se i papritur nga ana e trajnerit kuqezi. Në pushimin e ndeshjes Bariç është shprehur qartë se Lorik Cana nuk do të jetë me kombëtaren në ndeshjen e 21 nëntorit kundër Rumanisë. Për të, një mungesë impenjimi nga ana e kapitenit të Marsejës, që ka lënë një gropë të madhe në mesfushë dhe duket se ka sjellë edhe këto fjalë, ndoshta në gjaknxehtësi e sipër. Por, po të shtohen këtu edhe replikat në distancë mes Lorik Canës dhe Oto Bariçit, vendimi duket vërtetë i menduar nga ana e trajnerit. Për hir të së vërtetës, humbje të tilla, Shqipëria kishte kohë që nuk i “shijonte” dhe bjellorusët kanë qenë ata që na kanë dhënë leksionin e parë në fushën tonë.
Ndeshja
Ka nisur në mënyrën më të mirë për miqtë takimi i mbrëmshëm. Një rast i tanëve krijoi idenë e një fitoreje të lehtë, por në fakt gjërat kanë rrjedhur ndryshe. Bjellorusët kanë pasur disa raste të pastra me Kutuvzov e Romanshenkon dhe vetëm Beqaj u ka mohuar golin. Në të 32-tën do të vinte goli i parë për miqtë. Romanshenko, sulmuesi i Torpedo Moskës, e ka dërguar topin në rrjetë me një gjuajtje nga 25 metra. Kuqezinjtë janë zgjuar dhe u kanë mjaftuar 5 minuta presing për të shënuar dy herë. Në fillim me Bogdanin, që realizon i vetëm në zonë dhe më pas me Kapllanin, që dërgon në rrjetë një top të Skelës. Kanë qenë këto momentet pozitive të takimit të mbrëmshëm. Miqtë barazuan shpejt me Kutuzov, sërish pas një rrëmuje në zonë. Në pjesën e dytë, vetëm 10 minuta dhe Kutuzov shënon sërish, i lënë i lirë në zonë. Në të 62-tën, Dallku pengon Romanshenkon dhe penallti. Aty ku sulmuesi bjellorus godet vetë dhe nuk fal. 4-2 dhe gjithçka duket e përfunduar. Futja e Bushit dhe Salihit nuk ka sjellë asnjë ndryshim. Kombëtarja është mundur dhe tashmë kthehet në identitet, me golavarazh negativ dhe me vendin e katërt shumë më larg. E papritur dhe e turpshme njëkohësisht.

Titulli: Re: Shqiperi - Bjellorusi Thu Nov 22, 2007 3:45 pm

Eh ti thua 4-2 me bjellrusine po humbja me e fresket me rumanine 6-1 iken cunat e kombetares sex non stop dhe kur vjen puna per futboll ju meret fryma ncncncnnccncnc ske ca ben Grindje

Titulli: Re: Shqiperi - Bjellorusi Fri Nov 23, 2007 2:07 am

Lane nam ata nuk kane turp per zotin ncncncncnnc sa loje koti Grindje

» Universitet ne Shqiperi
» Shqiperi cfare po ndodh ???
» Duhet vendosur denimi me vdekje ne Shqiperi ?
» Enver Dondollaku : " Nuk dua te kthehem ne Shqiperi &qu